سینئر تجزیہ کار نصرت جاوید نے کہا ہے کہ پی ٹی آئی والوں کا کہنا ہے کہ چیف جسٹس عمران خان سے ذاتی دشمنی کا تاثر زائل کرنا چاہتے ہیں۔
پبلک نیوز پر پروگرام"خبرنشر" میں خصوصی گفتگو کرتے ہوئے نصرت جاوید کا کہنا تھا کہ میں نام لے کر انہیں شرمندہ نہیں کرنا چاہتا، پی ٹی آئی کی چند انتہائی سنجیدہ شخصیات نے گزشتہ رو ز مجھے کہا کہ "ہمیں اشارے مل رہے ہیں کہ جناب چیف جسٹس صاحب یہ تاثر زائل کرنا چاہتے ہیں کہ وہ عمران خان سے کوئی ذاتی مخالفت رکھتے ہیں"۔
نصرت جاوید نے کہا کہ پی ٹی آئی کے دوستوں کے مطابق ہمیں امید ہے کہ اس ہفتے سپریم کورٹ عمران خان کو ضمانت دے دے گی،اسی لیےحکومت بھی دیگر کیسز میں عمران خان کی گرفتاری ڈالنے کیلئے متحرک ہوچکی ہے، اس کا مطلب ہے کہ حکومت کو بھی یہ یقین ہوچکا ہے کہ سپریم کورٹ عمران خان کو ضمانت دے دے گی۔
سینئر تجزیہ کار نے کہا کہ میں جب علیمہ خان کا چہرہ دیکھتا ہوں ہوں تو مجھے محسوس ہوتا ہے کہ علیمہ خان کو اپنے بھائی سے ملاقات کے بعد یہ تاثر ملا ہے کہ وہ پریشانی میں ہے،لیگل ٹیم اس لیے خوشیاں منارہی کہ ہے وکلاء کو ٹکٹیں ملنی ہیں اور شیر افضل مروت صاحب نائب صدر ہوگئے ہیں اور وہی ٹکٹوں کی تقسیم کریں گے۔
