سُنی اتحاد کونسل کےسربراہ صاحبزادہ حامد رضا کا پی ٹی آئی کو ایک بار پھر اسمبلیوں سے استعفے دینے کا مشورہ، کہا، اگر آنے والے ہفتوں میں عمران خان کو انصاف نہ ملا تو ہم اسمبلیوں میں نہیں بیٹھیں گے
چیئرمین سنی اتحاد کونسل (ایس آئی سی) نے پاکستان تحریک انصاف (پی ٹی آئی) کی قیادت کو تجویز دی ہے کہ اگر عمران خان کو آئندہ ہفتوں میں انصاف نہ ملا تو وہ اسمبلیوں سے مستعفی ہوجائیں اور سڑکوں پر نکل آئیں۔
سوشل میڈیا ویب سائٹ کا رخ کرتے ہوئے انہوں نے لکھا ہم اس حکومت کو سانس لینے کی جگہ دینے کے لیے اسمبلیوں میں نہیں بیٹھے ہیں۔صاحبزادہ نے مزید کہا کہ میں عمران خان کے لیے قومی اسمبلی سے استعفیٰ دینے والا پہلا شخص ہوں گا۔
سوشل میڈیا صارفین ، صحافی صاحبزادہ حامدرضا کی اس تجویز سے متفق نہیں ہیں، انکا کہنا تھاکہ یہ اپنے ہاتھ پاؤں کٹوانے کی ضرورت نہیں انصاف استعفے دینے سے نہیں احتجاج کرنے سے ملے گا
صحافی فہیم اختر نے کہا کہ ایسے چند لوگوں نے پہلے بھی عمران خان کو جذباتی مشورے دئیے تھے پھر سب سے پہلے پارٹی چھوڑنے والوں میں بھی وہی لوگ شامل تھے
احمد وڑائچ نے کہا کہ پہلے استعفیٰ دے کر شوق پورا نہیں ہوا؟
ایک سوشل میڈیا صارف نے کہا کہ یہ ہی تو شہباز شریف چاہتا ہے۔ راجا ریاض جیسی ایک اور اپوزیشن