Re: Islam and Democracy ------ اسلام اور جمہوریت
Aap ney kaha hai "qawm ki taraqi ke liye behso mubaasa intahayee zaroori hai".
tu aap mujh se behas o mubahesa kar lo,main phelay bhi ghamdi k cheelo se is forum pe bhot behes mubahesa quran aur hadees ki daleel k saath kar chuka hon aur ye baat Ahadees se sabit bhi kar chuka hon k Islam main SOOD dena haram hai likin ghamdi fitna kehta hai sood dena jaiz hai,aur ghamdi fitna Hazrat Esa alehey salam aur Hazrat Mehdi aleyhey salam k duniya main aney ka munkir ye baat bhi main aap k saathio (indigo,_pakistan, AGUddin) ko Ahadees ki roshni main ghalat sabit kar chuka hon.
Agar aap ko bhi koi behas karni hai tu main aap ko sabit kar sakta hon k Ghamdi FITNA hai.
azeezam paki-muslim sb, mujhe behso mubasa se inkaar nahin hai magar kia aap ne ghor farmaaya hai keh behso mubasa dalaail par mabni hota hai mehz man ghadat khayalaato nazriyaat par nahin?
sirf yeh ke quran aur hadith main kuchh ilfaaz istemaal hue hen is baat ki daleel hain hoti ke aap unka matlabo maqsad bhi jaan gaye hen. is ke liye aqlo fikar darkaar hota hai aur haqaaiq aalam ki roshni bhi.
sab se pehle to yeh baat aati hai islam deen hai yaa mazhab?
deen zindagi guzaarne ke tareeqe ko kehte hen aur mazhab khudaa ki pooja paat karne ke tareeqe ko.
jo log islam ko deen samajhte hen woh qurano hadith aur fiqh ko un logun se mukhtalif nazar se dekhte hen jo islam ko mehz aik mazhab samjhte hen.
deene islam ki bunyaad aqal, qurano hadith, fiqh aur haqaaiqe aalam hen. is ke barex mazhab bebunyaad tuhamaat parasti hai.
Deene islam ko samajhne ke liye sab se pehle aqal darkaar hai aur aqal us waqt tak nahin aati jab tak aadmi is ko seekhta nahin. peda hone ke baad sab se pehle aadmi dimaagh ka istemal seekhta hai phir hawaas ka aur phir badani aza waghaira waghaira. jab aadmi apni badni salahiyatun par aboor haasil kar leta hai tab jaa kar woh is qaabil hota hai ke us ke saamne jo haqaaiq hen un ko samjhe. aadmi ko kaise pata chalta hai aag jalaane dene waali cheez hai? khaana bhook mitaa deta hai, paani pyaas bhuja deta hai? Ya flaan cheez insaan ko takleef deti hai aur flaan takleef rafa kar deti hai? jab aadmi in tamaam baatun se aqal main kisi had tak pukhta ho jaata hai tab woh in sab baatun se oopar ki sochta hai aur yun us par yeh bat khulti hai us ko mazeed maloomaaat ki zaroorat hai jo us ko un baatun ki haqeeqat bataayen jo us ki dastras se bahir hen. misaal ke tor par woh jaanana chahta hai woh kahan se aaya hai, kyun aaya hai aur kahan jaaye ga waghaira waghaira.
Ab woh aise ilm ki talaash main nikalta hai jo us ko un sawaalaat ka jawaab de jin ka us ko khayaal aa gayaa hai. yahee waja hai jin logoon ko is baat ka ehsaas hi nahin hota woh aise ilm ki talaash main nikalte bhi nahin na us ke liye mehnat karne hen. is liye ke mehnat insaan us waqt karta hai jab us ke saamne us ka koi maqsad ho. yahee waja hai jo koi jo kuchh karna chahta hai sirf aur sirf us ke liye woh mehnat karta hai. baaqi sab hewaanu ki tarah jeete hen aur yun aik doosre se zor zabardasti karte hen apna apna kaam karwaane ke liye. yahee waja hai duniya aaj tak aik jahanum hi bani rahee insaanu ke liye. isi jahanum se nikaalne ke liye insaanu ke paas khudaa ki taraf se paighaambar aate rehe. albata insaanu ne kam hi un ki taraf tawaju di kyunkeh insaan apna hewaani chalan na chhor sake.
Ab wahee ke zariye jo ilm insaanu ko diya jaaye zahir hai us ka khilaafe zahiri haqaaiq hona mumkin hi nahin kyun keh insaan ke ilm ko bunyaad zahiri haqaaiq hi fraham karte hen. so jo ilm zahiri haqaaiq ke khilaaf ho aur us ko khudaa aur rasool ki taraf mansoob kia jaaye to us ko khudaa aur rasool ka ilm nahin kaha jaa sakta kyunkeh us ka banavati hona khud bakhud saabit ho jaata hai.
isi liye har woh baat jis ko log quran aur hadith keh kar logoon main phelaa dete hen zaroori nahin keh woh khudaa aur rasool ki baat ho. hamaara zaati tajarba bataata hai log bahot si bebunyaad baten khudaa aur rasool ki taraf mansoob kar dete hen jin ka na sar na per.
Quran khudaa ka kalaam bataya jaata hai magar kia yeh fil waaqia khudaa ka kalaam hai? is baat ka jawaab sirf aur sirf yahee hai keh is ka moiana kiya jaaye aur agar yeh us pemaane par poora utre jo is ke kalaame khudaa hona ke lioye zaroori hai to phir to is ko kalaame khudaa maane baghair chaara hi nahin.
Ab sawaal yeh peda hota hai woh pemaana kia hai?
Woh pemana yeh hai keh quran un maqaasid ko poora karta nazar aaye jin ke liye us ki insaanu ko zaroorat hai. insaanu ko khuayee wahee ki zaroorat kis liye hai? hamaara zindagi ka tajarba bataata hai insaanu ko achhi zindagi guzaarna darkaar hai. un ki yeh zaroorat kaise poori ho sakti hai? is ka jawaab yeh hai ke un ko yahee maqsad de diya jaaye keh tum insaanu main amno skoon peda karo ta ke amno salaamti ki zindagi tum ko muyasar aaye.
yahee waja hai quran ke mutaabiq achhi zindagi guzaarne ke liye isi baat ko khudaa ne insaanu ke liye zindagi ka mqsad banaa diya. har paighambar ko yahee mission de kar bheja gayaa keh insaanu ko ilm ke zariye bulandi haasil karne ka sabaq do takeh insaan hewaanu ki si zindagyan na guzaaren.
zahir hai betarzo tareeqa yaa be dhang zindagiyan barbaad zindagiyan hoti hen isi liye quran batore aik manshoor diya gaya bahesiyate dastoor ta keh is ke bataaye hue tareeqe se log qawaneen bnaayen aur phir aik munazam zindafi guraaren. pas shariayt isi ka naam hai aur isi shariyat ke mutaabiq zindagi guzaarna insaanu ki salaamti, taraqi aur khushhaali ka zaamin hai.
jin logoon ne quran ko kisi aur tareeqe se tor maror kar pesh kia woh na to khud kabhi salaamti ki zindagi guzaar sakte hen na aurun ko salaamti ki taraf le jaa sakte hen. unke dawe bebunyaad hen aur un ke amaal ghalat aur nuqsaan deh nataaij ke haamil.
duniya aakhrat ki kheti hai lehaaza jo log apni duniya ko barbaad karen ge un ki aakhrat bhi barbaad ho gi. isi liye aise bebunyaad aqeedun ko mat apnaiye jo duniya ki barbaadi main aakhrat ki behtari bataayen. inaam behtar kar kardagi par diya jaata hai badtar kar kardagi par nahin. agar islam duniya ko barbaad karne ki taleem deta to is ko amno salaamti waala deen kehna hi ghalat hota.
isi liye quran har us baat se mana karta hai jis main insaniyat ke liye nusaan aur barbaadi hai.
Quran insaani azaadi, insaaf, pyaro mohabat, bhaichaare, taraqi aur khushhaali ki baaten karta hai. in ke barex batun se rokta hai zulm, nainsaafi, dushmani, har tarah ki ghurbat waghaira waghaira. in baatun se saaf zahir hai islam kia hai aur kia nahin hai.
kyunkeh islam amno salaamti par mabni maashre ki takmeel chahta hai isi liye har woh qanoon jo is ke is maqsad se insaanu ko door le jaaye ghair islami qanoon hai.
ab sab par yeh baat waaze ho jaani chahiye musalm kon se log ho sakte hen aur kon se nahin. kon se logoon ki quran ki samajh drust hai aur kon se logoon ki nahin.
quran main islam ka khaaka saaf saaf zahir hai aur jo baat is diye ge qurani khaake main fit nahin hoti us ka islam se kuchh bhi taaluq nahin hai aur yahee is baat ka saboot hai ke woh na quran ka matlab hai na hadith yaa islami fiqh.
Allah taala ham sab ko islam ko sahee tor par samjhne ki tawfeeq de.