Re: Javed Ahmad ghamidi great answer
Tum batao tum kon se Imam ko follow kartey ho???
YA tum sirf Ghamdi o pervezi fitnay ko follow kartey ho??
are bhai paki muslim sb aap ko maloom hona chahiye sab musalmaanu ka ambiyaa samait imaam sirf aur sirf quran hai jo kitabe mubeen hai. itibaa ka maani kisi ke peechhe chalna nahin hai balkeh kisi ke saath amlan qadam milaa kar chalna hai kisi maqsad ke liye. ambiyaa ka saath sirf is liye diya jaata hai kyunkeh woh khudaa ki taraf se mission par hote hen. un kji muhim ko kaamyaab karne main madadgaar hona hi ambiyaa ki sachi itibaa hai. sir phire mullah ke chamche ban kar andhun ki tarah un ke peechhe peechhe chalna islam nahin hai jahaalat aur himaaqat hai.
samajhdaar insaan woh hen jo har kisi ki poori baat ko ghoro fikar ke liye sunte hen phir agar un ko aqlan us main behtari maloom hoti hai to us baat ka saath dete hen warna us baat ko rad kar ke aage badh jaate hen.
aap apne saathiyun samaaith apni posts ko padho aur meri posts ko bhi padho aur faraq khud hi dekh lo.
apne har aik molvi ki har aik baat ko samjho aur phir un ki socho samajh ka parwez ki socho samajh se muaazna kar lo khud hi maloom ho jaaye ga kis kis ki kon kon si baat aqlan aur naqlan drust hai aur kahan kahan par baatun ko samjhne ki abhi mazeed zaroorat baaqi hai.
main aap logoon ko baar baar samjhaa rahaa hun keh abhi quran ki samajh insaniyat ko nahin aayee. is par abhi ghoro fikar ki intahae zaroorat hai. yeh baat aap ko samajh nahin aa rahee keh abhi insaani fikar quran ko saheeh tor par samjhne ki satah par nahin pohnchi. yeh koi mamoli kitaab nahin hai aap bas alif baa padh kar is ko samajh len.
yeh is jahan ka insaan ke haatun musakhar hona bataati hai, kia aap ne is jahan ko musakhar kar liye hai apne molavyun samait? agar aap ko quran ki baaten abhi samajh main nahin aa rahee hen to sabar se kaam len aur taleem jaari rakhen doosrun se bekaar ladayee jhagde main apna waqt kyun zaaya kar rehe ho.
main aap ko bhi support karta hun jin baatun main aap drust maloom hote ho aur deegar logoon ko bhi jahan un ki baaten drust maloom hoti hen. insaan ko aqal seekhni padti hai khud bakhud nahin aati. is liye aap bhi ilm seekhne main khud ko masroof karo. molavyun ke peechhe chal pade to kaam ho gayaa aap ka.
apni fikri saliyat ko buland karo aur apni baatun se ham ko bhi samjhaa bujhaa kar aqal sikhaao bebunyaad aqeede nahin. jin baatun main aap masroof ho un main ummat ki barbaadi hai. is liye ke aap insaani soch ko oopar utane hi nahin dena chahte aur apne molavyun ki soch ki had tak mehdood karna chahte ho, bhai kuchh to aqal se kaam lo.
ilm par kisi ki ajaara dari nahin honi chahiye kyunkeh yeh insaniyat ki mushtarik asaas hai. har insaan kuchh na kuchh soch raha hai kuchh na kuchh behtar hi kar raha hai aur usi ka nateejah hai keh aaj insaaniyat is maqaam par pohnchi.
agar aap koi achhi baat karo ge to ham bhi ap hi ka saath den ge aur agar aap aisi batn karo ge jin se insaniyat ko nuqsan pohnche to aap kaise ham ko apna saath dene ke liye qaail kar sakte hen aisi baaten kar ke jaisi aap kar rehe ho? is liye apni soch ko bedaar karo aur kuchh behtar karne ki koshish karo.
aap ghamdi sb ko fitna fasaad bataa rehe ho aur ap ko apna peda kiya huwa fitna fasaad nazar nahin aa raha? agar aap ghoro fikar karen ge to tasub ki pati aankhun se utar jaaye gi. islam sirf amal main hi insaaf se kaam lene ka dars nahin deta soch bhi insaaf par mabni karne ki dawat deta hai.
kia aap bataa sakte ho woh kon saa raasta hai jo ham ko yeh bataa de ke aap ki soch drust hai aur baaqi sab log ghalat hen? agar aap ko shok hai to is par behs kar lete hen? quran main isi liye kaha gayaa hai logoon ko kaho aisi bunyaad par apni soch ki imaarat banaayen jo pakki ho. jis ko koi bhi sahibe aqlo daanish hilaa na sake. aap meri baatun par ghoro fikar kar ke khud dekh len kis ki baatun ki bunyaad pakki hai jis ko koi sahibe aqal hilaa nahin sakta?
meri baaten le kar apne kisi bhi molvi ke paas jaayen aur dekhen agar woh in baatun ko apni jaga se hilaa sakta hai. aap ko khud hi andaaza ho jaaye ga aap ka molvi kitne paani main hai.
aap ko parwez sb ki baaten har hal main sunani chaiyen aur phir un par khoob dat kar tanqeed karni chahiye jahan jahan un ki baaten aap ko ghalat saabit ho jayen.
mujhe maloom hai woh kahan kahan ghalti par hen magar woh un baatun par sochne ke moqe se mehroom reh gaye. insaan ki zindagi mehdood hai isi liye woh sochne ke liye itna waqt hi nahin paata. idhar soch bedaar hona shuru hui udhar mot ka waqt qareeb aan pohncha. yahee wajah hai insaaniyat nasal dar nasal bahot hi kam raftaar se chal rahee hai. aap apni zindagi par ghor karo. aap peda hote hi phd na the. jahan tak aap ponche ho us main bhi najaane kitna waqt aur kitni mehnat lagi kitne logoon ki jin ko aap jaante bhi nahin ho.
is liye insaanu ki qadar karna sekho aur har kisi ke peechhe paaglun ki tarah laathi le kar mat bhaago. isse insaan ki khud apni izzate nafs zakhmi hoti hai.
aap ne agar meri post padhne ki takleef gawara ki hai to aap dekh lijiye insaan ko aik doosre ko samjhne aur samjhaane ke liye kitni mehnat karni padti hai.
agar aap ko doosrun ki mehnat ka ehsaas hi nahin to phir koi kia keh sakta hai.
Allah ham sab ko baatun ko samjhne aur samjhaane ki towfeeq de ta keh ham miljul kar insaaniyat ko farogh de saken.