روس کی جانب سے یوکرین پر حملے کے نتیجے میں لگائی گئی عالی پابندیوں کے اثرات روسی کرنسی پر نظر آنے لگے۔
خبررساں ادارے کی رپورٹ کے مطابق روس کی جانب سے یوکرین پر حملے اور جنگ بندی سے انکار کے بعد مغربی ممالک نے روس پر سخت پابندیاں عائد کردی ہیں جس کے نتیجے میں روسی کرنسی کی قدر میں ریکارڈ کمی واقع ہوئی ہے۔
رپورٹس کے مطابق پابندیوں کے بعد سے اب تک روسی کرنسی روبل کی قدر میں 20 فیصد تک کمی واقع ہوگئی ہے۔
آج کی تازہ ترین صورتحال کے حساب سے ایک روسی روبل اس وقت 103عشاریہ43 امریکی ڈالر کی سطح ٹریڈ ہورہا ہے۔
آج ایک موقع پر روسی کرنسی 83 اعشاریہ53 امریکی ڈالر میں فروخت ہوئی جبکہ اس کے بعد اس میں استحکام دیکھا گیا اور یہ 119 روبیل فی ڈالر کی سطح تک بھی جاتی دکھائی دی، واضح صورتحال آج انٹربینک مارکیٹ میں ٹریڈنگ کے اختتام پر سامنے آجائے گی۔
واضح رہے کہ روس کی جانب سے یوکرین پر حملے کے بعد عالمی طاقتوں نے روس پر سخت پابندیاں عائد کردی ہیں اور روس سے فوری طور پر یوکرین میں جنگ بندی کا مطالبہ کیا جارہا ہے، تاہم روسی فوج تاحال یوکرین میں حملے جاری رکھے ہوئے ہے۔
- Featured Thumbs
- https://www.siasat.pk/data/files/s3/putn11n1h.jpg
