بلوچستان کے ضلع کوہلو میں گیس کے نئے ذخائر دریافت
ملک بھر میں موسم سرما شروع ہونے سے قبل ہی گیس کے بحران نے زور پکڑ لیا، گھروں میں خواتین کیلئے کھانا پکانا مشکل ہوگیا، ایسے میں پاکستانیوں کیلئے خوشی کی خبرسامنے آگئی، ملک بھر میں گیس کے نئے ذخائر دریافت ہوگئے ہیں،آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کے مطابق بلوچستان کے ضلع کوہلو میں گیس کے نئے ذخائر دریافت ہوئے ہیں۔
او جی ڈی سی ایل کے مطابق جندران ایکس۔ ون کنویں سے یومیہ 2.391 ملین مکعب کیوبک فٹ گیس دریافت ہوئی،کنواں 1627 میٹر گہرائی تک کھودا گیا تھا، او جی سی ایل نے 19 مئی 2021 کو جندران کنواں ایکس۔ون کی کھدائی شروع کی تھی۔
او جی ڈی سی ایل کے مطابق ملک میں تیل و گیس کے ذخائر کی مزید تلاش کیلئے اقدامات تیز کردیئے گئے ہیں،جندران ویسٹ ایکس۔ ون کنواں کی دریافت سے ملک میں گیس کی بڑھتی ہوئی ضروریات کو پورا کرنے میں مدد گار ثابت ہوگی،جبکہ او جی ڈی سی ایل جندران ویسٹ ایکس ۔ ون بلاک میں 100 فیصد حصہ کی مالک ہے، جو ہائیڈرو کاربن ریزرو بیس میں بھی اضافے کا باعث بنے گی۔
دوسری جانب وفاقی وزیر حماد اظہر نے گیس سے متعلق سوالات پر جیونیوز کے پروگرام میں جوابات دینے سے گریز کیا، پروگروام میں سوال کیا گیا کہ وفاقی حکومت نے سردیوں کے موسم کے لیے ایل این جی کا بندوبست کیا یا نہیں؟ کیا اس سال سردیوں میں بھی پاکستان میں ایل این جی کا بحران آئے گا؟ جس پر حماد اظہر میں بعد میں بات کرنے کا کہہ ڈالا، اس سے قبل لیگی رہنما احسن اقبال کا کہنا تھا کہ پورا ملک معاشی و اقتصادی بد حالی کا شکارہے ، دسمبر میں ملک کی تاریخ کا بدترین گیس بحران آ رہا ہے ،فیصلہ کن تحریک چلا کر حکمرانوں کو گھر بھیجیں گے۔
You are using an out of date browser. It may not display this or other websites correctly.
You should upgrade or use an alternative browser.
You should upgrade or use an alternative browser.
خبریں
Filters
Show only:
Loading…
ملک بھر میں کورونا کے حملے کم ہونے لگے، جس کی وجہ عوام کی جانب سے احتیاط اور ویکسین لگوانے کا عمل جاری رکھنا ہے، اور اب حکومت نے کورونا کے خاتمے کیلئے گھرگھر ویکسی نیشن مہم کا اعلان کردیا ہے، مہم کا آغاز پچیس اکتوبر سے ہوگا، اور یہ مہم بارہ نومبر تک جاری رہے گی،
مہم کے حوالے سے حکومت نے نوٹیفکیشن بھی جاری کردیا، جس کے مطابق مہم کے لیے فوکل پرسن تعینات کیا گیا ہے اور یہ پنجاب کے 36 اضلاع میں جاری رہے گی،اور اس مہم کا مقصد 100 فیصد افراد کی ویکسینیشن کا ہدف پورا کرنا ہے۔
ملک میں کورونا کیسز میں کمی جاری ہے،گزشتہ روز مثبت کیسز کی شرح ایک اعشاریہ چار چار فیصد ریکارڈ کی گئی ، جبکہ گزشتہ چوبیس گھنٹے میں انتالیس ہزار دو سو ٹیسٹ کیے گیے جس میں پانچ سو سڑسٹھہ میں وائرس کی تصدیق ہوئی، مزید سولا افراد زندگی کی بازی ہار گیے ،
مجموعی اموات اٹھائیس ہزار تین سو چوالیس تک پہنچ گئی، چوبیس ہزار تین سو چھیاسی فعال کیسز ہیں،ملک کورونا متاثرین کی مرتب فہرست میں 33 ویں نمبر پر آ گیا۔
گوجرہ میں موٹروے پر زیادتی کا نشانہ بننے والی خاتون کو مختلف نمبرز سے ہراساں کئے جانے کا انکشاف ہوا ہے۔تفصیلات کے مطابق گوجرہ میں زیادتی کا شکار ہونے والی خاتون نے انکشاف کیا ہے کہ اُسے مختلف نمبروں سے کال کر کے ہراساں کیا جا رہا ہے جبکہ کیس واپس لینے کے لئے دباؤ ڈالا جارہا ہے۔
متاثرہ خاتون نے علاقہ مجسٹریٹ کے روبرو پیش ہوکر بیان دیا اور ایف آئی آر میں درج واقعے کی تصدیق کرتے ہوئے پولیس کی تفتیش پر عدم اعتماد کا اظہار کیا۔متاثرہ لڑکی نے مجسٹریٹ کو بتایا کہ وہ ڈی ایس پی اور ایس ایچ او کی تحقیقات سے مطمئن نہیں ہے، لڑکی نے تحقیقات کے غیر شفاف ہونے کا بھی دعویٰ کیا۔
متاثرہ خاتون نے بیان میں مزید کہا کہمختلف نمبروں سے کال کر کے ہراساں کیا جا رہا ہے، ملزمان بااثر ہیں، دھمکیاں دی جا رہی ہیں، کیس واپس لینے کے لئے دباؤ ڈالا جارہا ہے۔مجسٹریٹ نے خاتون کے بیان کو سن کر تفتیشی افسر کو آئندہ سماعت پر پیشرفت سے آگاہ کرنے اور چالان جمع کرانے کی ہدایت کی۔
عدالت نے پولیس کی استدعا پر گرفتار ملزمان حماد اور رحمان کا مزید 4 روزہ جسمانی ریمانڈ منظور کرلیا۔
واضح رہے کہ گوجرہ میں نوکری کا جھانسہ دے کر خاتون کو اجتماعی زیادتی کا نشانہ بنایا گیاتھا، تفصیلات کے مطابق متاثرہ خاتون اپنے شوہر کے ساتھ جارہی تھی جب مسلح افراد نے اغوا کیا اور جنگل میں لے جا کر زیادتی کا نشانہ بنایا۔ پولیس نے واقعے کی ایف آئی آر درج کر کے ملزمان کو گرفتار کر کے عدالت میں پیش کیا تھا۔
وفاقی وزیر برائے انسانی حقوق شیریں مزاری کی صاحبزادی ایمان زینب مزاری نے حکمران جماعت پر ایک بار پھر کڑی تنقید کردی، لیگی نائب صٖدر مریم نواز کی جانب سے عمران خان پر جادو ٹونا کرانے کا الزام عائد کیا گیا،جس پر ٹویٹ میں ایمان زینب مزاری نے لکھا کہ اگر ملک کو جادو ٹونے سے ہی چلانا تھا تو پھر اس قوم کا پیسہ اتنی بڑی کابینہ پر کیوں ضائع ہو رہا ہے،انہوں نے مزید لکھا کہ ملک کا مذاق جادو ٹونے سے اڑایا جا رہا ہے اور آپ چاہتے ہیں کے جادو کرنے والوں پر بات بھی نا ہو، ایسا تو ہر گز نہیں ہوگا۔
بیٹی کے تنقیدی ٹویٹ پر شیریں مزاری نے جوابی ٹویٹ داغ دیا، اپنی جماعت اور عمران خان کو سپورٹ کرتے ہوئے انہوں نے لکھا کہ میں شرمندہ ہوں کہ آپ اس طرح کے غیر مستند حملوں کا سہارا لے رہی ہیں،ایک وکیل کی حیثیت سے آپ کو بغیر کسی ثبوت کے اس طرح کے الزامات لگانا زیب نہیں دیتا،جب انسان ناکام ہوجاتا ہے تو وہ تنقید کا سہارا لیتے ہوئے ذاتی سطح پر حملہ کرتا ہے جو شرمناک ہے۔
ایسا پہلی بار نہیں ہوا کہ شیریں مزاری اور ان کی بیٹی کے درمیان سوشل میڈیا پر لفظی جنگ جاری رہی ہو، اس سے قبل بھی دونوں کے درمیان سیاسی بیانات پر اختلافات ابھر کر سامنے آچکے ہیں۔
مریم نواز نے الزام عائد کیا تھا کہ عمران خان آئینی وزیراعظم نہیں ہیں، یہ اہم تقرریاں جادو ٹونے سے کرتے ہیں، جادو ٹونا اتنا ہی کامیاب ہے تو عوام کی بھلائی کے لیے استعمال کیوں نہیں کرتے؟ جنتر منتر اتنا کامیاب ہے تو پیٹرول، ڈیزل، آٹا، سستا کریں، جب آپ جنات کے ذریعے یہ سب کریں تو یہ ہی ہو گا، جنات کچھ اور کہہ رہے ہیں اور آپ کا حساب کچھ اور، ایسے لوگوں پر ہنسی آتی ہے، اگریہی طریقہ رہا تو ملک کا اللہ ہی حافظ ہے۔
پاکستان ایک بار پھر ایف اے ٹی ایف کی گرےلسٹ سے نکلنے میں ناکام ، فنانشل ایکشن ٹاسک فورس(ایف اے ٹی ایف) نے پاکستان کو بدستور گرے لسٹ میں رکھنے کا فیصلہ کیا ہے۔
ڈان نیوز کی رپورٹ کے مطابق تین روزہ اجلاس کے بعد ایف اے ٹی ایف کے صدر ڈاکٹر مارکوس پلییئر نے ورچوئل پریس کانفرنس سے خطاب کیا اور کہا کہ پاکستان نے مالی معاملات کی شفافیت کے حوالے سے بہتری دکھائی ہے تاہم پاکستان کو ابھی بدستور نگرانی میں رکھیں گے۔
انہوں نے مزید کہا کہ پاکستانی حکومت نے ایف اے ٹی ایف کے دیئے گئے 34 نکات میں سے 30 میں بہتری دکھائی ہے ، پاکستان مجموعی طور پر نئے ایکشن پلان پر بہتر کارکردگی کا مظاہرہ کررہا ہے۔
پریس کانفرنس کے دوران انہوں نے گھانا اور موریشس کو گرے لسٹ سے نکلنے میں کامیاب ہونے کا اعلان کیا اور ان ممالک کو مبارکباد بھی دی۔
واضح رہے کہ پاکستان کو ایف اے ٹی ایف نے 2018 میں اپنی گرے لسٹ میں شامل کیا تھا جس کے بعد سے اب تک متعدد بار ایف اے ٹی ایف پاکستان کو منی لانڈرنگ، دہشت گردی کیلئے فنڈنگ جیسے معاملات کے باعث اس فہرست میں برقرار رکھے ہوئے ہے۔
دنیا کے 43 ممالک میں مہنگائی کی شرح کے حوالے سے جاری فہرست میں پاکستان چوتھے نمبر پر آگیا ہے۔
خبررساں ادارے جیو نیوز کی رپورٹ کے مطابق بین الاقوامی جریدے دی اکانومسٹ نے گزشتہ ماہ کے دوران دنیا کے 43 ممالک میں مہنگائی کی شرح کے حوالے سے ایک رپورٹ مرتب کی ہے جس میں مہنگائی کے اعدادوشمار اور اعشاریے پیش کیے گئے ہیں۔
اس فہرست میں پاکستان کو چوتھے نمبر پر رکھا گیا ہے جہاں مہنگائی کی شرح 9 فیصد تک پہنچ چکی ہے۔ فہرست میں سب سے زیادہ مہنگائی والا ملک ارجنٹائن کو قرار دیا گیا جہاں 51اعشاریہ4 فیصد شرح مہنگائی ہے، دوسرے نمبر پر ترکی ہے جہاں مہنگائی کی شرح 19اعشاریہ6 فیصدریکارڈ کی گئی ہے۔
تیسرے نمبر پر برازیل ہے جہاں مہنگائی کی شرح10اعشاریہ2 فیصد ہے، پاکستان کا پڑوسی ملک بھارت 4اعشاریہ 3 فیصد شرح مہنگائی کے ساتھ 43 ممالک کی اس فہرست میں 16ویں نمبر پر ہے۔
رپورٹ کے مطابق ان 43 ممالک میں سب سے کم مہنگائی جاپان میں ریکارڈ کی گئی جہاں مہنگائی کی شرح منفی صفراعشاریہ 4 فیصد ہے۔
لاہور میں مطالبات کے حق میں کالعدم تحریک لبیک پاکستان کا دھرنا دوسرے روز بھی جاری ہے، جس کے باعث وزارت داخلہ نے مخصوص علاقوں میں موبائل فون سروس معطل کردی ہے، وزارت داخلہ نے پاکستان ٹیلی کمیونیکیشن کو لکھے خط میں لاہور کے علاقے سمن آباد، شیرا کوٹ، نواں کوٹ، گلشن راوی میں انٹرنیٹ سروس بند کرنےکی ہدایت کی، سبزہ زار اور اقبال ٹاؤن بھی شامل ہیں۔
کالعدم تحریک لبیک پاکستان کیخلاف پولیس کی کارروائی کا امکان بھی ہے،پولیس کے مطابق اسکیم موڑ کے چاروں اطراف کنٹینر لگا کر سیل کردیا گیا، جبکہ موٹر وے اور رنگ روڈ پر بھی کنٹیر سے راستے بند کردیئے گئے ہیں۔
پولیس ذرائع کے مطابق کالعدم تحریک لبیک پاکستان کے دو کارکنان کو حراست میں لے لیا گیا ہے۔ ٹی ایل پی قائدین کا کہنا ہے کہ آج شام پانچ بجے کا لائحہ عمل طے ہے،اگر پولیس نے پہلے سے کوئی بھی کارروائی کی تو جوابی کارروائی ہوگی۔
کالعدم تحریک لبیک پاکستان مطالبات کے حق میں یتیم خانہ چوک کے قریب ٹی ایل پی کے مدرسے کے باہر دھرنا دیئے ہوئے ہیں،قائدین فرانسسی سفیر کی ملک بدری اور سربراہ کالعدم تحریک لبیک پاکستان سعد حسین رضوی کی رہائی کا مطالبہ کررہے ہیں،قائدین کہتے ہیں سعد حسین کی گرفتاری غیرقانونی ہے۔
انگریزی اخبار ڈان کے مطابق راولپنڈی کے علاقے رحمان آباد والے میٹرو بس کے انڈر پاس میں خاتون مبینہ طور پر جنسی زیادتی کا شکار ہو گئی۔
پولیس کے تفتیشی افسر نے بتایا کہ خاتون کی جانب سے درخواست دیئے جانے کے فوراً بعد ملزم کو گرفتار کر لیا گیا ہے جو کہ نجی یونیورسٹی میں انفارمیشن ٹیکنالوجی کا طالب علم ہے۔
متاثرہ خاتون نے تھانہ نیوٹاؤن میں درخواست دی جس میں بتایا کہ اس نے ملزم کے فیس بک اکاؤنٹ پر بوائز ہاسٹل میں نوکری کا اشتہار دیکھا تھا جس سے متعلق اپنے بھائی کو آگاہ کیا، اس کے بھائی نے ملزم سے رابطہ کیا جس کے بعد ہی وہ اپنی خالہ کے ہمراہ اس کے پاس گئی تھی۔
ایف آئی آر کے متن کے مطابق ملزم متاثرہ خاتون کو پہلے ایک بوائز ہاسٹل میں لے گیا جہاں اسے جسمانی تشدد کا نشانہ بنایا گیا اور بعد ازاں میٹرو انڈر پاس میں لیجا کر زیادتی کا نشانہ بنایا گیا۔
رپورٹ کے مطابق متاثرہ خاتون کا طبی معائنہ کیا گیا ہے، ملزم اور مدعیہ کے ڈین این اے سیمپل لے لیے گئے ہیں جن کی رپورٹ کا انتظار ہے۔
یاد رہے کہ اس سے قبل پیر کے روز ایک خاتون کو وفاقی دارالحکومت اسلام آباد کے علاقے کھنہ میں نوکری کا لالچ دیکر اسلحے کے زور پر زیادتی کا نشانہ بنایا گیا تھا۔
راولپنڈی میں وفاقی وزیر داخلہ شیخ رشید نے گورنمنٹ ایسوسی ایٹ کالج فار ویمن میں ملٹی پرپز اکیڈمک ہال کا افتتاح کر دیا۔ اس موقع پر انہوں نے کہا کہ وہ اپنی رہائشگاہ لال حویلی کو یونیورسٹی بنائیں گے۔
شیخ رشید کا کہنا تھا کہ میں لال حویلی کو یونیورسٹی بنانے کا اعلان کرتا ہوں، لڑکے نالائق ہو گئے، جب کہ لڑکیاں آگے نکل گئی ہیں۔ اب ان شاء اللہ راولپنڈی میں آئی ٹی یونیورسٹی بھی بنائیں گے۔ ان کا کہنا تھا کہ میں تو کہتا ہوں جو بھی پلاٹ خالی نظر آئے وہاں کالج اور یونیورسٹی بنائیں۔
وفاقی وزیر نے کہا کہ لال حویلی کو بھی مستقبل میں یونیورسٹی کا درجہ دیں گے، بچیوں کو باہر کی ٹاپ یونیورسٹی سے تعلیم دلانے کے لیے لال حویلی کردار ادا کرے گی۔ بچیوں کے کالجز میں ٹرانسپورٹ پر خصوصی توجہ دی ہے اور آئندہ بھی دیں گے، کوئی بچی ایک کلو میٹر سے زیادہ فاصلے پر پیدل نہیں جائے گی۔
وزیر داخلہ نے تقریب سے خطاب میں یہ بھی کہا کہ نالہ لئی ایکسپریس وے اور رنگ روڈ منصوبہ منظور کروایا ہے۔ اب ہمارا فوکس اسپتالوں پر ہے، ہولی فیملی اسپتال کو 20 وینٹی لیٹرز دیئے ہیں راولپنڈی کیلئے مزید کام بھی کریں گے۔
وزیراعظم پاکستان عمران خان کی سابقہ اہلیہ جمائما گولڈ اسمتھ نے ٹویٹر پر ایک نیا موضوع چھیڑتے ہوئے پاکستان صارفین سے اس پر جواب مانگ لیے ہیں۔
تفصیلا ت کے مطابق جمائما نے ٹویٹر پر اپنی ایک ٹویٹ میں پاکستانی صارفین سے سوال پوچھا کہ" شادیوں پر چلانے کیلئے پاکستان کا موجودہ دور کا بہترین پاپ گانا کون سا ہے؟۔
جمائما کے اس سوال پر ٹویٹر صارفین نے جوابات کے انبار لگادیئے اور سب نے اپنی اپنی تجاویز پیش کرنا شروع کردیں۔
ایک صارف نے جمائما کے سابق شوہر اور وزیراعظم پاکستان عمران خان کی پارٹی کے ایک ترانے"تبدیلی آئی رے" کو بطور شادی کے گانا بجانے کی تجویز دی۔
ایک پٹھان صارف نے پشتو لوک گیت کا لنک شیئر کرتے ہوئے کہا کہ ہم اپنی زیادہ تر شادیوں میں یہ گیت بجاتے ہیں۔
ایک صارف نے کہا کہ اگر آپ نے عمران خان کے بیٹے قاسم کی شادی کیلئے یہ سوال پوچھا ہے تو آپ کو فکر کرنے کی ضرورت نہیں ہے، قاسم کو پاکستان لائیں ہم پاکستانی ان کی شادی کے سارے انتظامات خود کرلیں گے۔
ایک صارف نے پشتو گانے کی تجویز دی۔
کچھ صارفین نے شہنشاہ قوالی نصرت فتح علی خان کا بھارتی فلم کیلئے گایا ہوا گانا "دولہےکا سہرا سہانا لگتا ہے" کی تجویز دی۔
تو کسی نے "منڈیا دوپٹہ چھڈ میرا" کو شادی کیلئے بہترین گانا قرار دیا۔
پاکستان میں بھی ہیکرز سرگرم ہوگئے ہیں ، سیالکوٹ میں اے ٹی ایم کو ہیک کرکے لاکھوں روپے لوٹ لیے ہیں۔ جیو نیوز کی رپورٹ کے مطابق پنجاب کے شہر سیالکوٹ میں ہیکرز ایک بینک کی اے ٹی ایم مشین کو ہیک کرکے28 لاکھ روپے لوٹنے میں کامیاب ہوگئے ہیں۔
رپورٹ کے مطابق سیالکوٹ میں مراد پور تھانے کی حدود میں بینک کی اے ٹی ایم کیبن کے اندر لگے سی سی ٹی وی کیمرے کی فوٹیج پولیس نے اپنے قبضے میں لے لی ہے۔
بینک کے برانچ مینجر نے واقعے کی اطلاع پولیس کو دی اور کہا کہ17 اکتوبر کی دوپہر اے ٹی ایم میں 3 ملزمان نے گھس کر انٹرنیٹ کی مدد سے اے ٹی ایم مشین کو ہیک کیا اور اس میں سے 28 لاکھ روپے نکال کرفرار ہوگئے۔
پولیس کا کہنا ہے کہ16 اکتوبر کو بینک کے عملے نے اے ٹی ایم مشین میں 50 لاکھ روپے کیش ڈالا تھا، 17 اکتوبر کے روز چھٹی تھی جس دن یہ واردات پیش آئی، 18 اکتوبر کو اے ٹی ایم مشین میں باقی ٹرانزیکشنز کے علاوہ 28 لاکھ روپے کم تھے۔
واقعے کی سی سی ٹی وی فوٹیج میں دیکھا جاسکتا ہے کہ 2 ملزمان اے ٹی ایم کیبن میں داخل ہوئے جبکہ ان کا تیسرا ساتھی کیبن سے باہر کھڑا رہا، ملزمان نے اے ٹی ایم میں گھس کر سی سی ٹی وی کیمروں پر کلر سپرے بھی کردیا تھا۔
پولیس نے مقدمہ درج کرکے تفتیش شروع کردی ہے اور ساتھ ہی تحقیقات میں معاونت کیلئے ایف آئی اے سائبر کرائم ونگ واقعے کی رپورٹ بھی ارسال کردی ہے۔
اسٹیٹ بینک پاکستان کے مطابق حکومت مالی سال 2022 میں 37 بلین ڈالرز کی ریکارڈ برآمدات کا ہدف حاصل کرنے کا ارادہ رکھتی ہے۔ جبکہ رواں مالی سال کی پہلی سہ ماہی میں 8.8 بلین ڈالر کی برآمدات کی گئی ہیں۔
تفصیلات کے مطابق ان 3 ماہ (جولائی، اگست، ستمبر) کے دوران 7.24 بلین ڈالر کی برآمدات جبکہ 1.57 بلین ڈالر کی برآمدی سروسز شامل ہیں۔
اس سے قبل پاکستان نے مالی سال 2013 میں 8 اعشاریہ 32 بلین ڈالرز کی غیر معمولی برآمدات کی تھیں جس کا موجودہ اعدا وشمار سے موازنہ کیا جائے تو پتہ چلتا ہے کہ یہ اس سے 6 فیصد زیادہ ہے۔
جبکہ مالی سال 2018 کی نسبت یہ برآمدات میں 25 فیصد اضافہ ہے اور گزشتہ مالی سال کی پہلی سہ ماہی کی نسبت 32 فیصد زیادہ ہے۔
گزشتہ ادوار سے موازنہ کیا جائے تو پیپلزپارٹی کی حکومت کے دوران مالی سال 2011 میں 6.34، مالی سال 2012 میں 7.38 اور 2013 میں 8.32 بلین ڈالر کی برآمدات کی گئی تھیں۔
مسلم لیگ ن کے دور حکومت میں مالی سال 2014 کی پہلی سہ ماہی میں 7.25، 2015 میں 7.70، 2016 میں 7.09، 2017 میں 6.28، 2018 میں 7.04 برآمدات ریکارڈ کی گئی تھیں۔
ورلڈ جسٹس پروجیکٹ روُل آف لاء انڈیکس 2021 نے قانون کی بالا دستی کے معاملے پر دنیا کے بدترین ممالک کی فہرست پر رپورٹ جاری کردی، ایک سو انتالیس ممالک کی فہرست میں پاکستان کا ایک سو تیسواں نمبر ہے،جیونیوز کی رپورٹ کے مطابق بدترین ممالک کی فہرست کے اسکور کی حد صفر سے ایک تک ہے،جس میں اگر کسی ملک کا اسکور ایک ہے تو اس کا مطلب یہاں قانون کی بالادستی بہت ہی سخت ہے،اس لحاظ سے پاکستان کا اسکور 0.39 جبکہ فہرست میں نمبر 130 ہے۔
جنوبی ایشیا کی رینکنگ کے لحاظ سے پاکستان آخری دوسرے نمبر پر ہے،رپورٹ کے مطابق پاکستان کی کارکردگی کرپشن، بنیادی حقوق، امن عامہ اور سلامتی، نگران ضابطوں کا عدم نفاذ کی وجوہات کی بنا پر خراب رہی، فوجداری نظام انصاف،شہری انصاف، شفاف حکومت اور حکومتی اختیارات پر ضابطوں کے معاملات میں پاکستان خطے کے 6؍ ممالک میں سے چوتھے نمبر پر ہے،مجموعی طور پر پاکستان کی کارکردگی بدتر رہی ہے۔
عالمی سطح پر 139ممالک میں سے دیکھیں تو امن عامہ اور سیکورٹی کے معاملات میں پاکستان تین بدتر ممالک میں شامل ہے اور صرف اس معاملے میں 139؍ ممالک میں سے پاکستان کا نمبر 137واں ہے۔ سول جسٹس، ریگولیٹری انفورسمنٹ، بنیادی حقوق اور کرپشن کے معاملے میں تیار کردہ فہرست میں پاکستان بالترتیب 124، 123، 126 اور 123ویں نمبر پر ہے۔
خود مختار میڈیا میں پاکستان کا اسکور 0.89 ہے اور 139میں سے پاکستان کا نمبر 89 ہے، کرپشن کی غیر موجودگی اس کیٹگری میں یہ دیکھا جاتا ہے کہ حکومت میں کرپشن نہیں ہے۔ کرپشن کی اشکال معلوم کرنے کیلئے تین عوامل پر غور کیا جاتا ہے، کرپشن، سرکاری اور نجی مفادات کا غیر مناسب اثر اور سرکاری فنڈز،عدلیہ، فوج، پولیس اور قانون ساز اداروں میں میں پاکستان کا اسکور 0.31؍ اور 139؍ میں سے 123ویں پوزیشن پر ہے۔
کرپشن کے معاملے میں پاکستان کو فہرست میں ریڈ زون میں رکھا گیا،جہاں کرپشن انتہائی حد تک زیادہ ہے، حکومتی شفافیت اس معاملے میں یہ دیکھا جاتا ہے کہ حکومت اپنے شہریوں کو کس قدر معلومات فراہم کرتی ہے، اپنے عوام کو ایسے اختیارات دیتی ہے جس سے وہ اپنی منتخب کردہ حکومت کو جوابدہ بنا سکیں، پالیسی سازی کے معاملے میں عوام کو کتنا اختیار دیا گیا ہے۔ اس حوالے سے دیکھا جائے تو پاکستان کا اسکور 0.42 ہے جبکہ رینکنگ 101 ہے، اگرچہ یہ اوسط رینکنگ سے بھی کم ہے،لیکن اس معاملے میں پاکستان کو ریڈ زون میں شامل نہیں رکھا گیا۔
امن و سلامتی کی کیٹیگری میں پاکستان کا نمبر 137؍ ہے جبکہ اسکور 0.37؍ ہے،قانونی اور انتظامی ضابطے میں پاکستان کا نمبر 123 جبکہ اسکور 0.39؍ ہے،نظام کی غیر جانبداریت، موثریت اور مسائل کے حل کے متبادل نظام کے موثر ہونے یا نہ ہونے میں پاکستان کا اسکور 0.40؍ اور رینکنگ 124؍ یعنی اوسط سے بھی نیچے ہے، پولیس، وکلا، سرکاری وکلاء، جج اور جیل کے افسران سمیت پورا نظام انصاف کی فراہمی کے معاملے میں پاکستان کی رینکنگ 108؍ اور اسکور 0.35 ہے،رپورٹ کے مطابق نیپال، سری لنکا، بھارت، بنگلادیش نے قانون کی بالادستی کے معاملے میں پاکستان سے بہتر کارکردگی دکھائی۔
سول ایوی ایشن اتھارٹی نے پاکستان میں ڈومیسٹک پروازیں روک کر انٹرنیشنل فلائٹس چلانے کے عمل کا نوٹس لیتے ہوئے قومی ایئرلائن (پی آئی اے) ودیگر 3 ایئرلائنز سے جواب طلب کر لیا۔ سی اے اے نے کہا کہ اسے فضائی کمپنیوں کی اندرون ملک پروازیں روکنے سے متعلق شکایات موصول ہوئی ہیں۔
سی اے اے کا کہنا ہے کہ آپریشنل وجوہات اور دیگر بہانوں سے بین الاقوامی پروازوں کے لیے طیارے استعمال ہوئے، تکنیکی وجوہات پر ڈومیسٹک پروازوں کی منسوخی کیلئے پہلے اجازت طلب کی جائے اور انٹرنیشنل چارٹرڈ پروازوں کی اجازت مانگنے سے قبل ایئر لائن آپریٹرز حلف نامہ پیش کریں گے۔
سول ایوی ایشن اتھارٹی نے پی آئی اے و دیگر 3 ایئرلائنز کو جاری کیے گئے نوٹس میں کہا ہے کہ شیڈولڈ ڈومیسٹک پروازیں پابندی کے ساتھ چلائی جائیں، ایئر لائنز مسافروں کو سفری سہولت فراہم کرنے میں اپنی ذمے داریاں پوری کریں۔ کیونکہ اسے یکم اکتوبر سے 18 اکتوبر کے درمیان 383 ڈومیسٹک پروازوں کی منسوخی کا علم ہوا ہے۔
عبدالغفور حیدری کا لیگی قیادت میں اختلافات کا انکشاف
مسلم لیگ ن کی قیادت کے درمیان اختلافات کی خبریں تو زیر گردش ہیں ہیں، اور اب جمعیت علما اسلام کے جنرل سیکریٹری اور پی ڈی ایم کے رہنما عبدالغفور حیدری نے بھی مسلم لیگ ن کی قیادت کے درمیان اختلافات کا انکشاف کردیا،چینوٹ میں میڈیا سے گفتگو میں رہنما عبد الغفور حیدری نے کہا کہ مریم نواز اورشہبازشریف سمیت ن لیگ کی قیادت کے درمیان اختلافات جنم لے چکے ہیں، سیاسی جماعتوں میں اختلافات ہونا کوئی نئی بات نہیں،مسلم لیگ ن کے تمام فیصلے نوازشریف ہی کرتے ہیں اور ان کی رضامندی کے بعد ہی پارٹی حکمت عملی تیار کرتی ہے۔
عبدالغفور حیدری نے واضح کیا کہ پیپلز پارٹی اور ہمار ایجنڈا الگ الگ ہے، پیپپلز پارٹی نے حکومت کا ساتھ دینے کی ٹھان رکھی ہے جبکہ پی ڈی ایم عوام کو اس حکومت ست نجات دلانا چاہتی ہے، انہوں نے ساتھ ہی وزیرداخلہ شیخ رشید پر تنقید کرتے ہوئے کہا کہ وہ خانہ بدوش ہیں اس حکومت کے بعد اُن کا پڑاؤ کہاں ہوگا،
اس کا علم نہیں،جے یو آئی کے رہنما عبدالغفور حیدری نے عوام سے اپیل کی کہ وہ مولانا فضل الرحمان کا ساتھ دیں کیونکہ وہ ملک کی خاطرباہر نکلے ہیں،پی ڈی ایم مہنگائی کے خلاف ملک گیر احتجاج شروع کررہی ہے،عوام سے اپیل کی کہ وہ حکومت سے چھٹکارا حاصل کرنے کے لیے متحد ہوں اور آواز بلند کریں۔
مہنگائی کے خلاف پی ڈی ایم کا احتجاج کا پہلا مظاہرہ آج راولپنڈی میں ہوگا، احتجاجی مظاہرے کی صورت میں تحریک کا آغاز ہوگا، شہریوں نے مہنگائی کیخلاف احتجاج لالی پوپ قرار دے دیا،گزشتہ روز مسلم لیگ ن کے صدر شہباز شریف کی زیر صدارت پارٹی کا اجلاس ہوا،جس میں ملک گیر احتجاج اور ریلیوں کو حتمی شکل دی گئی،
آزاد کشمیر کے شہری مہنگائی کیخلاف سڑکوں پر آگئے ہیں، شہریوں نے نکیال کی مرکزی شاہراہ کو احتجاجاً بند کر دیا،مظاہرین کا کہنا تھا کہ اشیا خورونوش کی بڑھتی قیمتوں کے باعث گھر کا نظام چلانا مشکل ہوگیا۔ مہنگائی نے غریب کو مرنے پر مجبور کردیا ہے۔
ن لیگی قیادت میں اختلافات کی خبریں اکثر سامنے آتی رہتی ہیں۔
گھی کی قیمت میں اضافے کی خبر جھوٹی ہیں،اظہر مشوانی
ملک بھر میں ویسے تو مہنگائی کا طوفان ہے، ایسے میں عوام کیلئے کیا یہ خبر اچھی ثابت ہوگی کہ حکومت کی جانب سے گھی کی فی کلو قیمت میں 109 روپے اضافے کی خبریں جعلی نکلیں، جی ہاں چند روز قبل وفاقی حکومت کی طرف سے یوٹیلیٹی اسٹورز میں اشیائے خورو نوش کے بعد اوپن مارکیٹ میں گھی کی قیمتوں میں اضافہ کیا گیا تھا، اس دوران خبریں گردش کررہی تھیں کہ حکومت کی طرف سے گھی کی فی کلو قیمت میں 109 روپے کا اضافہ کر دیا گیا ہے۔
وزیراعلیٰ پنجاب سردار عثمان بزدار کے فوکل پرسن اظہر مشوانی نے سماجی رابطے کی ویب سائٹ ٹویٹر پر خبروں کو جعلی اور بے بنیاد قرار دے دیا، انہوں نے لکھا کہ حکومت گھی کی قیمتوں میں اضافہ یا کمی نہیں کرتی،گھی خوردنی تیل سے بنتا ہے جو بیرون ملک سے خریدا جاتا ہے اور عالمی منڈی میں خوردنی تیل کی قیمت میں اضافے یا کمی سے گھی کی قیمت ذیادہ یا کم ہوتی ہے، جبکہ حکومت نے خوردنی تیل پر امپورٹ ڈیوٹی بھی انتہائی کم کر دی ہے۔
رواں ماہ قیمتوں میں اضافے کا نوٹیفکیشن جاری کر دیا گیا تھا،جس کا اطلاق بھی فوری ہونا تھا، نوٹی فکیشن کے مطابق یوٹیلیٹی اسٹورز پر ڈالڈا گھی کا 10 لٹر کین 1090 روپے مہنگا ہوگیا 10 لٹر ڈالڈا گھی کا کین 2500 روپے بڑھ کر 3590 روپے کا ہوگیا ہے۔
یوٹیلیٹی اسٹورز پر 5 لٹر پلانٹا کوکنگ آئل کی قیمت میں 463 روپے اضافہ اور پلانٹا کوکنگ آئل کا 5 لیٹر کا ڈبا 1332 سے بڑھ کر 1795 روپے کا ہوگیا،ایک ماہ قبل 11 ستمبر کو بھی حکومت نے گھی کی قیمت میں اضافہ کیا تھا،ایک ماہ قبل مختلف برانڈز کے گھی کی قیمتوں میں 96 روپے تک فی کلو اضافہ کیا گیا تھا۔
وفاقی وزیر منصوبہ بندی اسد عمر نے کہا تھا کہ اشیاء کی قیمتوں میں اضافہ طلب میں اضافےکےباعث ہوا ہے،اشیاکی قیمتیں صرف پاکستان نہیں،پوری دنیامیں بڑھیں ، دنیامیں خوردنی تیل کی قیمت میں 48فیصداضافہ ہوا،تیل اورگھی کی قیمت میں 50روپےتک کمی ہوجائےگی۔
پاکستان کے عوام مہنگائی سے سخت پریشان،عمران خان کی معاشی پالیسیوں پر کردیا اظہار عدم اطمینان،جی ہاں ملک میں بڑھتی مہنگائی اور وزیراعظم عمران خان کی معاشی پالیسیوں سے عوام سخت ناراض ہوگئے ہیں، جس کی وجہ سے عمران خان کی معاشی پالیسیوں پر بھروسہ نہ کرنے والوں کی تعداد میں اضافہ ہوگیا ہے،جیو نیوز کے مطابق وزیراعظم کی پالیسیوں کے حوالے سے ایک سروے کیا گیا جس میں جولائی 2021ء میں 38؍ فیصد افراد نے معاشی بحران سے نکلنے کے وزیراعظم کے دعوے کو صرف دعویٰ ہی قرار دیا تھا اب یہ تعداد بڑھ کر 57 فیصد ہوچکی ہے۔
عوام کاکہنا ہے کہ معیشت کی بحالی کا وزیراعظم کا دعویٰ قابل اعتبار نہیں رہا،جولائی 2021 کے سروے میں وزیراعظم کے بیان پر 17 فیصد نے اعتماد کا اظہار کیا تھا، اب یہ تعداد کم ہوکر صرف سات فیصد رہ گئی،جولائی میں معاشی سمت درست نہ سمجھنے والوں کی شرح 56 فیصد تھی اور تعداد میں 19 فیصد کا اضافہ ہوگیا، 77 فیصد پاکستانیوں نے مہنگائی کو ملک کا سب سے بڑا مسئلہ قرار دیا۔
پلس کنسلٹنٹ کی سہہ ماہی سروے رپورٹ کے مطابق 18سو سے زائد افراد نے ملک بھر سے حصہ لیا۔یہ سروے 4اکتوبر سے11 اکتوبر 2021 کے درمیان کیا گیا،سروے میں جولائی میں معاشی سمت درست نہ سمجھنے والوں کی شرح 56 فیصد تھی جب کہ موجودہ سروے میں اس میں 19فیصد کا اضافہ ہوگیااور یہ 75فیصد ہوگئی،معاشی سمت کو درست سمجھنے والوں کی شرح جولائی میں 43 فیصد تھی جو اب 24فیصد رہ گئی،موجودہ سروے میں معاشی سمت کو غلط کہنے والوں کی سب سے زیادہ شرح پنجاب میں 79فیصد نظر آئی ۔ سندھ میں 73 فیصد، خیبر پختونخوا میں 67فیصد جبکہ بلوچستان میں 59فیصد نے حکومتی معاشی سمت کو غلط کہا۔
سہ ماہی رپورٹ میں جولائی میں 92 فیصد پاکستانیوں نے جبکہ اب 98فیصد پاکستانیوں نے مہنگائی میں اضافے کا شکوہ کیا،سروے میں77فیصد افراد نے مہنگائی کو ملک کا سب سے بڑا مسئلہ قرار دیا۔35 فیصد نے کرپشن ، 25فیصد نے بیروزگاری ، 11 فیصد نے لوڈ شیڈنگ جبکہ10فیصد نے اخراجات پورا نہ ہونے کو پاکستان کے اہم مسائل میں شامل کیا، 61 فیصد افراد نے موجودہ خراب مالی حالات کی ذمہ داری موجودہ حکومت پر ڈالتے ہوئے ناقص پالیسیز پر تنقید کی،
جبکہ 30فیصد نے سابقہ حکومتوں کی جانب سے قرضے پر بھی شدید تنقید کی،53 فیصد افراد مشیر خزانہ شوکت ترین کی کارکردگی کو بھی ناقص قرار دیا۔
گوجرہ ریپ کیس میں پیش رفت،متاثرہ لڑکی نے بیان ریکارڈ کروا دیا
گوجرہ موٹروے پر زیادتی کا شکار ہونے والی لڑکی نے اپنا بیان ریکارڈ کرادیا،پولیس کو دیئے گئے بیان کے مطابق لڑکی نے مقامی پولیس کے رویئے پرعدم اطیمنان کا اظہار کردیا، لڑکی نے انکشاف کیا کہ ملزمان بااثر ہیں دھمکیاں دے رہے ہیں، جان کو خطرہ ہے،کچھ ہوا تو ذمہ دار ملزمان ہوں گے،مقامی پولیس کا رویہ بھی نامناسب ہے۔
بیان میں متاثرہ لڑکی نے حکام بالا سے انصاف کا مطالبہ کردیا، کہا ملزمان کو کیفرکردار تک پہنچانا چاہتی ہوں،عدالت میں بیان ریکارڈکرانےکیلئےدرخواست بھی کردی،ڈی پی او ٹوبہ ٹیک سنگھ نجیب الرحمان کا کہنا ہے کہ اب تک کی تفتیش میں متاثرہ لڑکی اور ملزمان میں پہلے سے ٹیلی فونک رابطے تھے،یہ اچانک ہونے والا واقعہ نہیں، کیس کی تمام زایوں سے تفتیش جاری ہے،حقائق جلد سامنے آجائیں گے۔
11 اکتوبرکو پیش آنے والے اقعے کا مقدمہ بھی درج ہے،جس کے مطابق تین ملزمان حماد،رحمان اور لائبہ نے گارڈن ٹاؤن کی رہائشی اٹھارہ سالہ لڑکی کو نوکری کے انٹرویو کا جھانسہ دے کر کارمیں بیٹھایا اور فیصل آباد موٹر وے ایم فور پر ملزمان نے لڑکی کا ریپ کیا،جس کے بعد ملزمان متاثرہ لڑکی کو فیصل آباد انٹر چینج پر پھینک کر بھاگ گئے۔
وزیر اعلیٰ پنجاب عثمان بزدار نے واقعہ کا نوٹس لیتے ہوئے آئی جی پنجاب اور آر پی او فیصل آباد سے رپورٹ طلب کرلی،دو ملزمان حماد احمد اور رحمان پولیس کی حراست میں ہیں،گرفتار دونوں ملزمان کو چار دن کے جسمانی ریمانڈ پر پولیس کے حوالے کردیا گیا ہے، جبکہ زیادتی کے مقدمہ میں نامزد شریک ملزمہ لائبہ کی تلاش جاری ہے۔
شاہ رخ کے بیٹے آریان خان کا نارکوٹکس کنٹرول بیورو کے تفتیشی افسر سے اچھا انسان بننے کا وعدہ
خبر رساں ادارے ایکسپریس کے مطابق بالی ووڈ کے کنگ خان شاہ رخ کے بیٹے آریان خان نے این سی بی کے تفتیشی آفیسر سمیر واکھنڈے سے وعدہ کیا ہے کہ جیل سے باہر جانے کے بعد وہ ایک اچھا انسان بنیں گے۔
2 اکتوبر کو منشیات کیس میں گرفتار ہونے والا شاہ رخ خان کا بیٹا آریان جو اس وقت آرتھر روڈ جیل میں قید ہے نے نارکوٹکس کنٹرول بیورو کے زونل ڈائریکٹر سمیر واکھنڈے سے وعدہ کیا ہے کہ وہ اب سے اچھے کام کرے گا اور ایک دن سمیر واکھنڈے کو بھی آریان پر فخر ہوگا۔
بھارتی خبر رساں ایجنسیوں کے مطابق آریان نے این سی بی سے یہ وعدہ بھی کیا ہے کہ جیل سے باہر جانے کے بعد وہ نہ صرف ایک اچھا انسان بنیں گے بلکہ معاشی طور پر کمزور طبقات کی مدد بھی کریں گے۔
یاد رہے کہ عدالت نے 14 اکتوبر کو ہونے والی آریان خان کی ضمانت کی درخواست پر فیصلہ محفوظ کرتے ہوئے سماعت 20 اکتوبر تک ملتوی کردی تھی۔
اس سماعت کے بعد آریان کو 20 اکتوبر تک آرتھر روڈ سنٹرل جیل منتقل کیا گیا ہے جہاں انہیں قیدی نمبر بھی الاٹ کر دیا گیا ہے۔
قبل ازیں یہ بھی خبریں تھیں کہ آریان خان کی جیل میں گزاری جانے والی زندگی انتہائی کربناک ہے کیونکہ شہزادوں کی طرح اپنے گھر میں رہنے والے آریان کو باتھ روم کے استعمال میں کڑی مشکلات کا سامنا کرنا پڑ رہا ہے۔
میڈیا رپورٹس میں انکشاف کیا گیا کہ 1926 میں بننے والی ممبئی کی سنٹرل جیل میں وہی پانی دستیاب ہے جو بیت الخلاء کے نلکوں میں آتا ہے، جیل کی دیواریں انتہائی گندی ہیں جن میں سے ہر وقت بو آتی ہے۔
جیل کے باتھ روم کے لاک بھی نہیں ہیں جب کہ باتھ روم کے باہر بھی لمبی لمبی قطاریں لگی ہوتی ہیں جس کے باعث اپنی باری آنے پر ہی کوئی بھی ملزم اندر جاتا ہے۔
کچھ بھارتی میڈیا چینلز یہ بھی دعویٰ کر رہے ہیں کہ اس جیل میں چوہوں اور چھوٹے موٹے کیڑوں کی بھرمار ہے اور قیدیوں کی کوئی رازداری بھی نہیں۔
جشن عید میلاد النبی ﷺ،وزیراعظم کے گھرپرچراغاں
وزیراعظم نے عوام سے بارہ ربیع الاول مذہبی عقیدت و احترام سے منانے کی اپیل کردی، انہوں نے کہا کہ ہمارے نبی ﷺ دنیا کے سب سے بڑے لیڈر تھے، انھوں نے انسانوں کو متحد کیا،وزیراعظم نے بارہ ربیع الاول کی مناسبت سے پیغام میں کہا یہ برکتوں کا مہینہ ہے،نبی کریمﷺ دنیا کی تاریخ کے سب سے بڑے لیڈر تھے،لیڈر کی سب سے بڑی خاصیت لوگوں کو اکٹھا کرنا ہے،لیڈرنفرتیں نہیں پھیلاتا۔
وزیراعظم عمران خان نے عوام بھرپور طریقے سے جشن میلادالنبی ﷺمنانے کی اپیل کی اور کا کہا کہ رواں سال 12 ربیع الاول ایسے منائیں کہ ملکی تاریخ میں پہلے نہ منایا گیا ہو،
بنی گالا میں وزیراعظم کے گھر پر خصوصی چراغاں بھی کیا گیا، انہوں نے سوشل میڈیا پر بنی گالا میں چراغاں کی تصویر بھی شیئر کی۔
دوسری جانب ملک بھر میں عشرہ رحمت اللعالمین منایا جارہاہے، جشن عید میلاد النبی کی مناسبت سے محفل میلاد اور تقریبات کا اہتمام کیا جارہاہے، گورنرپنجاب چوہدری محمد سرور نے گورنر ہاؤس میں 3 روزہ جشن عید میلاد النبیﷺ منانے کا اعلان کرچکے ہیں، آج سے گورنر ہاؤس کے دروازے تین روز عوام کے لیے کھلے رہیں گے، جبکہ چراغاں بھی ہوگا،بارہ ربیع الاول بروز منگل ہوگی، اس دن حسب معمول عام تعطیل ہوگی۔
© Copyrights 2008 - 2025 Siasat.pk - All Rights Reserved. Privacy Policy | Disclaimer|
Official Siasat.pk Social Media Accounts
