راجہ جی ! زلزلے کے دوران آپ نے جو نیک کام کیا الله آپکو اجر دے اور انشاءاللہ ضرور دیگا . رضاے الہی کے لئے کیے گئے کام کا صلہ وہ خود دے گا . آپ نے جو کیا اچھا کیا ، بلکہ بہت اچھا کیا . انسانیت اسی چیز کا نام ہے . الله آپکو انسانیت کی بھلائی کے لیے کام کرنے کا اور زیادہ جذبہ دے . آمین
آپکی دونوں پوسٹس پڑھ کر مجھے آپکو اندر سے دیکھنے کا موقع ملا اور مجھے اطمینان ہوا کہ ہمارے بچے اپنی ہر طرح کی ذمہ داریوں سے نہ صرف بخوبی آگاہ ہیں بلکہ انہیں احسن طریقے سے نبھانا جانتے بھی ہیں اور اسکے لیے تیار بھی
یہی وه نقطہ ہے جس کی جانب میں ہمیشہ اشارہ کرتا رہا ہوں یہ کہہ کر " او راجے تو بندہ بن جا " میں نے اگرچہ کشمیر کا براہ راست ذکر تو نہیں کیا تھا لیکن ایک بڑے بھائی ہونے کے ناطے آپکو بتانے کی جسارت کی تھی کہ آپ کوئی بیوقوف نونی پٹواری نہیں ہیں . آپ ایک پڑھے لکھے جہاندیدہ انسان ہیں اور آپکا کام کراؤڈ کو لیڈ اور دلوں کی کدورتیں کم کروا کر انکو جوڑنا ہے . آپ میرا اس فورم پر ٹریک ریکارڈ چیک کر لیں میں ہمیشہ انصافی نوجوانوں کو بھی میانہ روی کی تلقین کرتا ہوں اور بہت سوں کو پی ایم کر کے کھری کھری سناتا بھی ہوں اور انسان بننے کا بھاشن بھی دے دیتا ہوں . آپ خود گواہ ہیں کہ لوگ کس بدتمیزی کا مظاہره کرتے ہیں آپکے ساتھ ایم حفیظ اور زیدی قاسم کے ساتھ لیکن میرا آپ سب بچوں کے ساتھ بہترین احترام کا رشتہ ہے . مطلب کہنے کا یہ ہے ہم پڑھے لکھے تجربہ کار لوگ ہیں اسلئے ہماری ذمہ داری زیادہ ہے . مجھے بتائیں کہ ٢٢ کروڑ کی آبادی میں کتنے فیصد لوگ انجینیر یا ڈاکٹر ہیں ؟ بَمشکل اعشاریہ سفر پانچ فیصد ؟ آخر کیوں الله نے مجھے اور آپکو منتخب کیا کہ ہم ان مرتبوں پر پہنچیں ؟ کوئی تو آخر وجہ ہو گی رب کے یہ کام کرنے کی ؟ آخر ہمیں ہی کیوں یہ مراتب قدرت نے دئیے ؟؟ طفیل تھیلا ، نجیب اُسترا اور شکور گرنیڈ بھی تو ہماری طرح کے ہی انسان ہیں الله نے انھیں کیوں منتخب نہ کیا ؟؟
تو بھائی میرے جتنا بڑا مرتبہ اتنی بڑی ذمے داری . ہم نے تو گزار لی اپنی، اب ملک کے مالک آپ ہیں ملک آپ کے حوالے ہے . جو غلطیاں ہم نے کیں ہمیں انکا اقرار، اور کیے پر ندامت ہے، لیکن ہمارا یہ بھی فرض ہے کہ اپنے بچوں کو اُن غلطیوں سے بچائیں جو ہماری نسل نے کیں . اور بچوں پر بھی یہ لازم ہے کہ وہ اپنے سے پہلوں کی غلطیوں سے سبق سیکھیں اور آگے چلیں . حکومت اور مُلک دو الگ الگ چیزیں ہیں، ان میں زمین آسمان کا فرق ہے . حکومتیں آنے جانے والی چیز ہے لیکن ملک سدا قائم رہنے والی چیز ہے . حکومت اے کی ہے بی کی ہے یا سی کی ہے بھلے ہوتی رہے لیکن ایک پروفیشنل ہونے کے ناطے آپکا کام ملک کی حفاظت اور اسکی خدمت کرنا ہے . ملک کی ترقی کے ساتھ بائی پروڈکٹ میں الله آپکو اور آپکی آل اولاد کو ترقیاں اور اجر دیگا
جو کسی طرح بھی گھاٹے کا سودا نہیں