گزشتہ روز وزیراعلیٰ خیبرپختونخوا علی امین گنڈاپور نے جلسے سے خطاب کیا اور کہا کہ اب ہم پر امن نہیں رہے گے، ڈنڈا مارو گے تو ڈنڈا ماریں گے، اس بار ہتھیاروں کے ساتھ اڈیالا جیل جائیں گے، ایک گولی کے بدلے دو گولی چلائیں گے
انہوں نے مزید کہا کہ اگر گولی ماری تو ایک کے بدلے دو گولیاں ماریں گے ۔ ماریں گے نہیں بلکہ ٹھوکیں گے۔
علی امین گنڈاپور کے اس بیان پر سوشل میڈیا پر شدید ردعمل دیکھنے کو ملا، سوشل میڈیا صارفین نے سوال اٹھایا کہ علی امین گنڈاپور کس ایجنڈے پر ہیں؟ کیا وہ ایسی باتیں کرکے تحریک انصاف پر پابندی لگوانا چاہتے ہیں؟ سوشل میڈیا صارفین کے مطابق علی امین گنڈاپور ایسی باتیں اسٹیبلشمنٹ کے ایماء پر کر رہے ہیں، یہ عمران خان کی پالیسی ہی نہیں ہے۔
رائے ثاقب کھرل نے حیرت کا اظہار کرتے ہوئے لکھا کہ علی امین گنڈاپور صاحب ہتھیار ساتھ لانے اور ٹھوکنے کی باتیں کر رہے ہیں، کیا کبھی عمران خان صاحب یا تحریک انصاف نے مسلح جدوجہد کا کوئی زکر کیا؟ یہ چل کیا رہا ہے بھائی!
سعید بلوچ نے تبصرہ کیا کہ 11 مئی 2023 کے روز جب عمران خان کو سپریم کورٹ میں پیش کیا گیا تو عمران خان نے روسٹرم پر کھڑے ہو کر کہا تھا کہ انہوں نے اپنی 26 سالہ سیاسی جدوجہد میں کبھی بھی پرتشدد احتجاج کا پرچار نہیں کیا۔ گزشتہ چند ہفتوں سے عمران خان نئی احتجاجی تحریک شروع کرنے کی بات کر رہے ہیں اور بار بار یہ کہہ رہے ہیں کہ ہم اسلام آباد نہیں آئیں گے کیونکہ یہاں گولیاں چلائی جاتی ہیں بلکہ اب احتجاج ملک بھر میں قومی اسمبلی اور صوبائی اسمبلی کے حلقوں تک پھیلایا جائے گا۔
انہوں نے مزید کہا کہ دوسری جانب علی امین گنڈاپور بار بار بندوق کے ساتھ اسلام آباد آنے اور اڈیالہ جانے کی باتیں کرتے ہیں۔ ایک گولی کے بدلے دو گولیاں مارنے کی بات کرتے ہیں۔ بظاہر ایسے لگتا ہے جیسے علی امین گنڈاپور کوئی پرتشدد کاروائی کر کے عمران خان اور پی ٹی آئی پر مکمل پابندی لگوانے کے لیے گراؤنڈ تیار کر رہے ہیں۔ پی ٹی آئی کو اس بارے سنجیدگی سے غور کرنا چاہیے
سادات یونس نے تبصرہ کیا کہ علی امین گنڈا پور کے گولی چلانے اور بندوق لیکر آنے والے بیانات کوئی تحریک انصاف کو فائدہ نہیں پہنچائیں گے۔ یہ عمران خان کو کوئی فائدہ نہیں پہنچایا جا رہا!
رانا عمران سلیم نے ردعمل دیا کہ گنڈاپور صاحب کا دماغ خراب ھو گیا ہے۔ تحریک انصاف ایک سیاسی جماعت ہے جس نے کبھی مسلح جدو جہد کی بات نہی کی نا عمران خان کے منہ سے ہم نے سنا ہے کبھی مسلح جدو جہد کا۔ گنڈاپور صاحب فائدے کی بجائے نقصان کررہے ہیں۔
میر محمد علی خان نے تبصرہ کیا کہ علی امین گنڈاپور ہواس کھو چکے ہیں آپ ؟ آپ کو کس نے اجازت دی کہ آپ اعلان کریں کہ ہم اس مرتبہ اسلحہ لیکر آئینگے اسلام آباد۔ عمران خان نے ہمیشہ پُر امن احتجاج کی بات کی ہے۔ ہمیشہ۔
انہوں نے سوال اٹھایا کہ آپ کیا دوسری طرف کھیل رہے ہیذن وکٹ کے کہ پی ٹی آئ پر اسلحہ کی بُنیاد پر ہمیشہ کے لیئے پابندی لگے جاۓ۔
میر محمد علی خان نے مزید کہا کہ سوچے بغیر بولنے کا یہی اثر ہوتا ہے مگر اس دھمکی کا اثر عمران اور اُس کی پارٹی اور کارکنان پر ہوگا۔ نادان دوست سے دانا دُشمن بہتر ہوتا ہے۔
قمر میکن نے لکھا کہ وکٹ کے دونوں طرف کھیلنے والوں نے وکٹیں اکھاڑنا شروع کر دی ہیں۔ فاصلہ رکھیں ورنہ نقصان ہو جائے گا۔
پاکستانیت نے تبصرہ کیا کہ علی امین نے آج پھر یہ بات دہرائی ہے کہ ہم ہتھیاروں کے ساتھ اسلام آباد آئیں گے ایک گولی کے جواب میں دو گولیاں ماریں گے ، کوئی شک باقی نہیں رہ گیا کہ یہ شخص اسٹیبلشمنٹ کا دیا ہوا سکرپٹ دہرا رہا ہے ، یا تو بری طرح بلیک میل ہو رہا ہے یا بک چکا ہے ، اس شخص پہ اعتبار کرنا مہلک ہے
صحافی عمران ریاض نے تبصرہ کیا کہ علی امین گنڈاپور نے تحریک انصاف کی شکل کو بگاڑنا شروع کردیا ہے، یہ تحریک انصاف کو ڈیمیج کرنے کی کوشش کررہے ہیں۔اسے سمجھیں یہ باریک واردات ہے
انہوں نے مزید کہا کہ جو علی امین گنڈاپور کام کررہے ہیں یہ پاکستانی اسٹیبلشمنٹ کو سُوٹ کرے گا۔ کیونکہ عمران مخالفوں کو یہ کہنے کا موقع مل جائے گا کہ تحریک انصاف دہشتگرد جماعت ہے اور ان کا وزیراعلیٰ کہتا ہے کہ ہم ماریں گے نہیں ٹھوکیں گے
صحافی عمران ریاض نے تحریک انصاف کو مشورہ دیا کہ وہ اس بیان سے اعلان لاتعلقی اختیار کریں۔
Last edited by a moderator:
