کراچی کے ڈاکو بے لگام، مسجدیں بھی غیر محفوظ،کریم آباد میں ڈاکوؤں نے مسجد میں 3 افراد سے نقدی اور موبائل فون چھین لئ
کراچی کے علاقے کریم آباد میں ڈاکوؤں نے مسجد میں گھس کر لوٹ مار کی۔کریم آباد میں مسجد فیضان عطار میں داخل ہوکر ڈکیتوں کی لوٹ مار مسلح ملزمان نے مؤذن ،خادم اور نمازی سے موبائل و نقدی لوٹ لی۔
جنگ کی رپورٹ کے مطابق مسلح افراد نے مؤذن، مسجد کے خادم اور نمازی سے موبائل اور نقدی چھینی۔ ڈکیت واردات کے بعد مسجد سے با آسانی فرار ہوگئے۔
کریم آباد کی مسجد فیضان عطار کے مہتمم کا کہنا تھا کہ جب سے یہ واردات ہوئی ہے ہماری مسجد میں نمازیوں کی تعداد بہت کم ہوگئی ہے۔ یہ مارکیٹ کی مسجد ہے مغرب کے وقت بالکل بھری ہوتی ہے لیکن اب تین سے 4 صفیں رہ گئی ہیں
اب نمازی ڈررہے ہیں کہ مسجدیں محفوظ نہیں تو ہم کہاں جائیں حالانکہ مسجد وہ جگہ ہے جہاں نمازی اپنے آپکو محفوظ تصور کرتے ہیں۔
واضح رہے کراچی پولیس چیف کے مطابق کراچی میں ڈکیت اندرون سندھ اور دیگر علاقوں سے آئے ہیں۔