پاکستان بار کونسل کے ممبران نے لاہور ہائی کورٹ کے چیف جسٹس کی تعیناتی کیلئے چیف جسٹس آف پاکستان کو خط ارسال کردیا ہے۔
خط پاکستان بارکونسل کے ممبرشفقت محمود چوہان سمیت چھ ممبران کی جانب سےچیف جسٹس کوبھجوایاگیا
تفصیلات کے مطابق پاکستان بار کونسل کے ممبران کی جانب سے چیف جسٹس لاہور ہائی کورٹ کی تعیناتی کے معاملے پر سینئر ترین جج کی بطور چیف جسٹس تعیناتی کیلئے بھیجے گئے خط میں کہا گیا ہے کہ لاہور ہائی کورٹ کے چیف جسٹس کی تعیناتی میں سنیارٹی کو مد نظر رکھا جائے ۔
مراسلے میں الجہاد ٹرسٹ کیس کا حوالہ دیتے ہوئے کہا گیا کہ اس کیس میں ججز سنیارٹی کا اصول طے شدہ ہےاگر سینئر ترین جج کو چیف جسٹس کے عہدے کیلئے اہل نا سمجھا گیا تو بطور جج ان کے منصب پر سوال اٹھے گا۔
چیف جسٹس پاکستان کو بھیجے گئے مراسلے میں کہا گیا ہے کہ ٹھوس شواہد کی بنیاد پر سینئر ترین جج کیلئےسینارٹی کے اصول سے انحراف نہیں کیا جاسکتا۔
خط میں کہا گیا کہ حکومت چیف جسٹس کی تقرری میں سنیارٹی سے انحراف کی کوشش میں ہے۔متن الجہاد ٹرسٹ کیس میں ججز سنیارٹی کااصول طے شدہ ہے
خط کے متن کے مطابق امید ہے ہائیکورٹ کےچیف جسٹس کی تقرری میں سنیارٹی کومدنظر رکھا جائے گا۔لاہور ہائیکورٹ کےجج کی ترقی کےلئے آپ نے سنیارٹی کےاصول کےخلاف ووٹ دیا۔تجاویز سنائی دے رہی ہیں کہ سنیارٹی کےاصول کو نظرانداز کیاجاسکتاہے۔
- Featured Thumbs
- https://www.siasat.pk/data/files/s3/khati1hi11h31.jpg
