غریدہ فاروقی نے تحریک انصاف کے ووٹوں سے جیت کر ن لیگ میں شامل ہونیوالے وسیم قادر کی صفائیاں دینا شروع کردیں
اپنے ٹوئٹر پیغام میں غریدہ فاروقی کا کہنا تھا کہ پی ٹی آئی کو بڑا دھچکا۔۔ وسیم قادر، این اے 121 سے کامیاب ایم این اے نے مسلم لیگ ن جوائن کر لی۔۔۔!
انہوں نے مزید کہا کہ وسیم قادر، سابقہ جنرل سیکرٹری لاہور پی ٹی آئی تھے۔ وسیم قادر کو پی ٹی آئی کی حمایت تھی ۔این اے 121 اس طرح واپس ن لیگ کے پاس آ گئی، جہاں سے شیخ روحیل اصغر ہارے تھے۔
وسیم قادر کا دفاع کرتے ہوئے انہوں نے مزید کہا کہ این اے 121 سے کامیاب ہونیوالے اور ن لیگ میں شامل ہونیوالے وسیم قادر، پرانے ن لیگی ہیں۔ 2008-2013 میں نون کے ایم پی اے بھی رہ چکے ہیں۔ پھر پی ٹی آئی میں شامل ہوئے۔
انہوں نے مزید کہا کہ اسی لیے ویڈیو میں کہہ رہے ہیں کہ میں اپنے گھر واپس آیا ہوں۔ حلقے میں اپنا بھی ووٹ بینک رکھتے ہیں اگرچہ شیخ روحیل اصغر تگڑے امیدوار تھے۔
قانون کا حوالہ دیتے ہوئے غریدہ فاروقی نے کہ اکہ قانون کے مطابق کسی بھی آزاد امیدوار کو تین دن میں کوئی بھی جماعت جوائن کرنی ہوتی ہے، اسی کے تحت وسیم قادر واپس ن لیگ میں شامل ہو گئے۔
انہوں نے مزید کہا کہ ایک حقیقت : پی ٹی آئی حمایت یافتہ آزاد کی تعداد قومی اسمبلی میں صرف 90 ہے؛ جب کہ دوسری جانب کے 152 ووٹ ہیں جن کی حکومت سازی جاری ہے۔
واضح ہے کہ پاکستان کے عوام کی اکثریت نے پیی ڈی ایم کے جمہوری فارمولے کو ترجیح دی ہے اور کارکردگی کی بنیاد پر پی ڈی ایم 2.0 طرز کا تسلسل پاکستان میں چاہتے ہیں، جسے ایک بھرپور، واضح اور مضبوط عوامی مینڈیٹ ملا ہو۔
انکا کہان تھا کہ یہ 8فروری کے الیکشن کی اصل حقیقت ہے جسے ایک گروہ جھوٹے بیانیے کے ذریعے دبانے کی کوشش کر رہا ہے۔
- Featured Thumbs
- https://www.siasat.pk/data/files/s3/gari1h112.jpg
