50 ہزار ٹن چینی کی درآمد کا دوسرا ٹینڈر بھی مہنگی ترین بولی کے باعث منسوخ کردیا گیا ہے۔
نجی خبررساں ادارے کی جیو نیوز کی رپورٹ کے مطابق مہنگی ترین بولی اور اخراجات کے بعد 130 روپے فی کلو میں پڑنے والی چینی کی درآمد کا دوسرا ٹینڈر بھی منسوخ کردیا گیا ہے۔
رپورٹ کے مطابق حکومت کی جانب سے مہنگی ترین بولی کے باعث 50 ہزار ٹن چینی کی درآمد کا ایک اور ٹینڈر منسوخ کردیا گیا ہے، ٹینڈر منظور ہونے کی صورت میں چینی درآمد کے بعد تمام اخراجات کے بعد یوٹیلیٹی اسٹورز تک 130 روپے میں پڑتی۔
یادرہے کہ اس سے قبل بھی چینی کی درآمد کا ایک ٹینڈر مہنگی بولی کی وجہ سے ہی منسوخ کردیا گیا تھا، رپورٹس کے مطابق آخری ٹینڈر میں یوٹیلیٹی اسٹورز تک چینی پہنچتے ہوئے123 روپے کی ہوگئی تھی۔
واضح ہو کہ اس وقت وفاقی حکومت نے چینی کی ریٹیل قیمت 89 روپے75 پیسے مقرر کررکھی ہے تاہم اوپن مارکیٹ میں چینی115 روپے فی کلو کے حساب سے فروخت ہورہی ہے۔