وزیر خارجہ بلاول بھٹو زرداری نے کہا ہے کہ برطانیہ نے پاکستان کو ہائی رسک تھرڈ کنٹریز کی فہرست سے نکال دیا۔
تفصیلات کے مطابق برطانوی کامن ویلتھ اینڈ ڈویلپمنٹ نے فیصلے سے پاکستان ہائی کمیشن کو آگاہ کر دیا ہے.
کامن ویلتھ اینڈ ڈویلپمنٹ کی جانب سے کہا گیا ہے کہ پاکستان نے ایف اے ٹی ایف میں منی لانڈرنگ اور انسداد دہشت گردی کے لیے گراں قدر اقدامات کئے ہیں۔
بلاول بھٹو زرداری نے اپنی ٹوئٹ میں کہا ہے کہ پاکستان کے لیے اچھی خبر ہے کہ ایف اے ٹی ایف کے ایکشن پلان کی جلد تکمیل کے بعد برطانیہ نے پاکستان کو "ہائی رسک تھرڈ کنٹریز" کی فہرست سے باضابطہ طور پر نکال دیا ہے۔
21 اکتوبر 2022 کو ایف اے ٹی ایف کے فیصلے کے بعد برطانیہ کے ٹریژری آفس نے 14 نومبر 2022 کو ہائی رسک کنٹریز سے متعلق قانون سازی کے ذریعے ایک فہرست مرتب کی جس کا ترمیمی قانون پاکستان کو اس فہرست سے نکال دیتا ہے۔
