شانزے خان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
يہ بات خاصی حيران کن ہے کہ کچھ راۓ دہندگان اب بھی اس بات پر بضد ہيں کہ امريکی حکومت کسی بھی طور ان دہشت گرد تنظيموں اور ان کے سرغناؤں کی سرپرستی کر رہی ہے جو نا صرف يہ کہ خطے ميں ہمارے اتحاديوں کے مفادات ليے خطرہ ہيں بلکہ ہمارے فوجیوں پر بھی حملے کر رہے ہيں۔ ان دہشت گردوں کے خلاف ہماری مسلسل کاوشوں اور ان کے خاتمے کے ليے اپنے اتحاديوں کو ديے جانے والے وسائل اس بے سروپا دليل کی نفی کے ليے کافی ہيں کہ ان دہشت گردوں کو ہماری پشت پنائ حاصل ہے۔
يقينی طور پر ان دہشت گردوں کے خاتمے کے ليے ہم ہرگز وسائل فراہم نا کرتے اگر بعض راۓ دہندگان کے الزام کے مطابق ہم ان دہشت گرد افراد کو اپنے اثاثے سمجھتے۔
اگر اس دليل کو درست تسليم کر ليا جاۓ تو پھر سوال يہ اٹھتا ہے کہ ٹی ٹی پی کے قائدين اور اس تنظیم سے وابستہ وفادار جنگجو کيونکر ايک ايسے "کٹھ پتلی نچانے والے" مالک کی خاطر اپنی جان داؤ پر لگائيں گے جو نا صرف يہ کہ خود انھيں ٹارگٹ کر رہا ہے بلکہ وہ حکومت پاکستان کو بھی ہر قسم کے وسائل، لاجسٹک امداد اور جنگی سازو سامان مہيا کر رہا ہے تا کہ ان کے محفوظ ٹھکانوں کو تباہ و برباد کيا جا سکے؟
کيا آپ واقعی يہ سمجھتے ہيں کہ ٹی ٹی پی يہ جانتے ہوۓ ہمارے ساتھ تعاون کرے گی اور ہمارے اشاروں پر کام کرے گی کہ ہم نے نا صرف يہ کہ اس تنظيم کے قائدین کی گرفتاری پر انعام مقرر کر رکھا ہے بلکہ ہم خطے ميں اپنے اسٹريجک اتحاديوں کے ساتھ مل کر اس امر کو يقینی بنا رہے ہيں کہ اس تنظيم کو اس حد تک غير فعال کر ديا جاۓ کہ وہ کسی قسم کی دہشت گرد کاروائ کرنے کی صلاحيت سے عاری ہو جاۓ؟
کوئ بھی تعميری ذہن يہ ناقابل ترديد حقيقت ديکھ سکتا ہے۔ ان تنظيموں کا واضح کردہ مقصد اور اس ضمن ميں بے شمار شواہد موجود ہيں۔ غلط تاثرات پر مبنی مبہم سازشی کہانياں ان کے خونی نظريے کو جلا بخشنے کا سبب بنتی ہيں
شانزے خان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
