جی اس بات سے اتفاق ہی رہے گا کہ بہتر ہوتا کہ اگر یہ پہلے سے بتا دیا جاتا کہ پرائیویٹ میسجز پر بین لگنے والا ہے۔ بہرحال، پھر بھی آپ لوگوں کے پاس وزیٹر میسج کی سہولت موجود ہے۔
دیکھیں، یہ سب حادثاتی طور پر بھی ہو سکتا تھا کہ یہ ڈیٹا یا انفارمیشن ضائع ہو جاتی۔ اب ہماری ٹیم کو سچ بولنے پر اتنا بھی رسوا نہ کریں۔
دوسری گزارش یہ کہ یہ ویبسائٹ دراصل ایک ڈسکشن فورم ہے، جہاں ہماری اور اکثر دیگر ممبران کی کوشش سیاسی موضوعات پر اظہار خیال ہی ہوتا ہے۔ اب اسکو پرایئویٹ نیٹورکنگ یا دیگر نجی سماجی تعلقات کی ویبسائٹ سے ملانا زیادتی ہو گی، ہمارے ساتھ بھی اور انکے ساتھ بھی۔ تو یہ فورم اب بھی اپنے نظریاتی پہلو، یعنی سیاسی مباحثے کے لیئے کھلا ہے اور رہے گا۔ آپ سب ممبران کی شکایت سر آنکھوں پر، لیکن ہمارے زاویئے سے بھی ایک مرتبہ اس مسئلے پر غور کیجیئے گا، کیا سچ بول کر ہم نے اتنی ہی بڑی غلطی کر دی؟
میں ایک مرتبہ پھر تمام موڈز اور ایڈمن کی طرف سے اس معاملے میں ہونے والے نقصان کے لئے معافی کا خواستگار ہوں، چلیں ہم اپنی کھوپڑی کے حجم کی کمی کے باعث شائد اس غلطی کا ارتکاب کر بیٹھے، لیکن کبھی اخلاقی حدود پار کر کے کسی کی ذاتی معلومات پڑھنے یا غلط طور استعمال کرنے کے گناہ سے بچے رہے بلکہ آئندہ کے لیے بھی اسطرح کے بے بنیاد الزامات کا راستہ بند کر دیا۔ ہم اپنی کوتاہ بینی کے بھی معترف ہیں، اب ہم تو غلطی تسلیم کر رہے ہیں، آپ بھی اپنے ظرف کے شایان شان معاملات فرمایئے۔
