are bhai bat nabi ki peravi ki nahin hai balkeh sunnat ki tareef ki hai. sunnat ke peeche chalna aur baat hai aur yeh jaanana ke sunnat kia hai dono baatun main zameeno aasmaan ka farq hai.
jab aap kisi bat ko sunnat koho ge to us ke liye saboot ki zaroorat ho gi aur woh baat sunnat saabit hi nahin ki jaa sakti jis ka maqsad hi samajh na aaye islam ke daanche main.
jab ham nabi ke amaal ko dekhte hen to un ko quran ki roshni main jo imaarat pesh ki gayee hai us ke mutaabiq dekhna padta hai.
sirf is bat e ke nabi ne yeh kaha yaa yeh kiya is baat se koi baat sunnat nahin ho jaati.
http://www.siasat.pk/forum/showthre...-کیا-ہو-رہا-ہے&p=417839&viewfull=1#post417839
http://www.youtube.com/watch?v=OTo_S_r0cO8&feature=related
http://www.youtube.com/watch?v=Ad5ihWXgM7o&feature=related
http://www.youtube.com/watch?v=N9ZzHP08zzQ&feature=related
http://www.youtube.com/watch?v=lUuunOt7Xno&feature=related
http://www.youtube.com/watch?v=tlrGzZLtBqk&feature=related
http://www.youtube.com/watch?v=vH6FDlLBHQc&feature=related
http://www.youtube.com/watch?v=SvKeNTD1nEU&feature=related
asal main is baat par alag behs ki zaroorat hai keh yeh jis ko aap sunnat samajh baithe hen is ki zaroorat kis ko pesh ayee aur kyun ayee. is ki waja islam ko deen ke bajaye mazhab main badalna tha. yeh tareef jis ka koi sar per nahin hai malookiyati mullah ki pedawaar hai. is ki aad le kar mullah ne bahot si jhooti rawayaat ghad lin ta ke un ki bunyaad par kuchh qawaaneen bana saken jin ke zariye woh malookiyat ka jawaaz nikaal saken.
yeh baat bahot hi ghor talab hai ke jis qaom ne quran ko paaya aur samjha us main kisi ne quran ke siwaa koi doosrikitaab kabhi likhi hi nahin 200-300 saal tak. is baat par khoob ghor karne ki zaroorat hai keh hadith ki woh kitaaben kahan gayen jo sahaba ne likhi thin? Jo tabieen ne likhi thin aur jo un ke baad waale logoon ne likhi thin. aakhir un ko mitaa kar ne sire se nayee kitaaben likhwaane ki zaroorat kyun pesh aayee?
kia waja hai keh shia sunni hadith ki kitaabun ko nahin maante aur kia waja hai sunni shia ki kitaabun ko nahin maaante? isi liye har woh baat jis ko log hadith kehte hen us ko hadith tasleem nahin kiya jaa sakta bila soche samjhe.
baaz logoon ne to hadithun ko quran ke baraabar darja de diya tha aakhir kyun? isi liye taa keh logoon ke dilun se quran ki hamiyat kam kar den aur aja aik hi thi kyunkeh quran malukiyat ka dushman hai. quran na sirf malukiyat ka dushman hai balkeh mullaiyat ka bhi dushamn hai. jin logoon ne islam par tehqeeq ki hai un ko yeh sab baten maloom hen aur jo chhupaate hen un ke apne mafadaat hen. in main siasatdaan, sarmaayadaar, mullah sab hi shaamil hen. yeh aik bahot hi badi chaal hai islam ke khilaaf. isi liye quran ko samajhna bahot hi zaroori hai taa keh pata chale asal baat kia hai aur logoon ne apni taraf se kia kia baaten banaa li hen.
jo bhi quran ko pade ga khudbakhud maloom pad jaaye ga keh quran aik khudayee dastoor hai. is se yeh baat khudbakhud waaze ho jaati hai keh kisi aur shakhs ko apni taraf se dastoor saazi ki islam main gunjaaish hi nahin hai.
quran to khud peghamber ko bhi yeh ijaazat nahin deta ke woh logoon se apni ghulaami karwaye to baadshah kis keth ki mooli hai 3/64,79, 9/31 etc? isi liye nabi ki itaat ka woh mani hi nahin liya jaa sakta jo nabi ko haakim banaa de aur logoon ko us ka mahkoom. sab log nabi hun ya ghaire nabi Allah ke qanoon ke paband kiye gaye hen aur nabi ka kaam logoon ko aik doosre ki ghulaami se nikaal kar khudaa ke qanoon ka paband karna hen. isi liye idaarun ki zaroorat hai aur un main kam karne walun ki tak maashre ki tamaam zaruriyaat ko poora kiya jaa sake. administration ka aik idaara aisa hona zaroori hai jo is bat par nazar rakhe ke log aur idaare qanoon ki pabandi kar rehe hen yaa nahin.
isi liye sunnat ka mafoom bhi soch samajh kar quran ki rochni main hi tayun kiya jaaye ga na ke bila soche samjhe. albatta deen ki samajh ham ka aapas main aik doosre ko samjhaane hi se aye gi. kuchh aap achhi baaten ham ko sikhao ge kuchh ham achhi baten aap ko sikhayen ge aur yun mil kar ham aik doosre ko samjhaa len ge. haan in baatunke liye waqt darkaar hai aur ghoro filkar bhi.
Allah ham sab ko sahee raasta dikhaye ta keh ham log hidayat yaafta ho saken aur insaaniyat ki khidmat kar saken.