آج یوم تکبیر ہے اور آج سے ٹھیک 27 سال پہلے پاکستان نے 6 ایٹمی دھماکے کرکے بھارت کو منہ توڑ جواب دیا تھا اور پاکستان باقاعدہ ایٹمی طاقت بن گیا۔۔ اس وقت نوازشریف برسراقتدار تھے
ایٹمی پروگرام ذوالفقار علی بھٹو نے شروع کیا تھا جس کی سربراہی معروف سائنسدان ڈاکٹر عبدالقدیر خان نے کی تھی۔ ذوالفقار علی بھٹو کی پھانسی کے بعد کئی صدور اور وزرائے اعظم آئے مگر پاکستان کا ایٹمی پروگرام جاری رہا اور اسکے روح رواں ڈاکٹر عبدالقدیر خان رہے۔
آج حیران کن طور پر ڈاکٹر عبدالقدیر خان کی تصویر حکومتی اشتہارات سے غائب تھی جس پر سوشل میڈیا صارفین اور صحافیوں نے حیرت کا اظہار کیا اور حکومت کو آڑے ہاتھوں لیا۔
سینیٹر مشتاق نے تبصرہ کرتے ہوئے لکھا کہ آج یوم تکبیر پر اس سرکاری اشتہار میں محسن پاکستان ڈاکٹر عبدالقدیر خان کانام اور ان کی تصویر کیوں نہیں ہے؟؟؟کیا اپنے قوم کے محسن ،نیوکلیئر و میزائل ٹیکنالوجی کے بانی کیساتھ کوئی اس طرح کا رویہ رکھتا ہے؟؟کیا حکومت اب بھی امریکی خوف سے ڈاکٹر عبدالقدیر خان کےنام اور تصویر سے دور بھاگتی ہے؟؟
انہوں نے مزید کہا کہ ڈاکٹر عبدالقدیر خان کو نظرانداز، بدنام کرنے کی پالیسی پرویز مشرف کی پالیسی تھی ،پرویز مشرف آج تاریخ کے کوڑے دان میں نفرت کی علامت ہے، لیکن ڈاکٹر عبدالقدیر خان آج پاکستان اور امت مسلمہ کے ہر فرد کے دل میں محبت و احترام کیساتھ زندہ ہے۔
سینیٹر مشتاق نے سوال اٹھایا کہ کیا شہباز حکومت پرویز مشرف کی پالیسی پر عمل پیرا ہے؟؟؟ قومی خزانے ،عوام کے ٹیکس سے ذاتی تشہیر کے اشتہارات میں اپنی جعلی کارناموں کا تذکرہ ہوتا ہے لیکن قوم کا حقیقی محسن ڈاکٹر عبدالقدیر خان نظرانداز ہے،محسن پاکستان کے ساتھ حکومت کا یہ رویہ افسوسناک ہے۔
شفاء یوسفزئی نے ردعمل دیا کہ محسن پاکستان ڈاکٹر عبدالقدیر خان جو ایٹمی دھماکوں کے پیچھے کام کرنے والی اہم ترین شخصیت تھی انکی تصویر آج کے سرکاری اشتہار سے غائب
ثمینہ پاشا نے تبصرہ کیا کہ خاک میں مل گئے نگینے لوگ ۔۔۔ حکمران بن گئے کمینے لوگ۔۔ محسن پاکستان ڈاکٹر عبدالقدیر خان قوم آپ کی احسان مند ہیں۔ موقع کوئی بھی ہو ن لیگ اپنی “عزت افزائی” کا بندو بست کر ہی لیتی ہے
ہاشمیات نے سوال کیا کہ اس اشتہار میں ڈاکٹر عبد القدیر خان کہاں ہیں؟
احمد بوباک کا کہنا تھا کہ حکومت پاکستان نے سرکاری سطح پر ڈاکٹر عبد القدیر خان کو مائنس کر دیا ہے۔ یہ وزارت اطلاعات کی طرف سے تمام اخبارات کو اشتہار دیا گیا ہے
خرم نے لکھا کہ اشتہارات میں مُحسن پاکستان کو بھول گئے۔۔
سردار مسرور عباسی نے تبصرہ کیا کہ یہ کتنی افسوسناک بات ہے کہ سرکاری اشتہارات میں پاکستان کے عظیم محسن ڈاکٹر عبدالقدیر خان کی تصویر کو نظر انداز کر دیا گیا۔ قوم کے دفاع کو ناقابل تسخیر بنانے والے محسن کو فراموش کرنا دراصل پاکستان کی تاریخ کو مسخ کرنے کے مترادف ہے۔ ڈاکٹر عبدالقدیر خان پاکستان کی شان تھے، ہیں اور رہیں گے
لطیف شاہ نے کہا کہ اربوں روپے کے اشتہارات میں محسن پاکستان ڈاکٹر عبد القدیر خان کو جگہ نہ ملی۔
ثاقب بشیر نے ردعمل دیا کہ محسن پاکستان ڈاکٹر عبد القدیر خان مرحوم کی تصویر لازم تھی پتہ نہیں کس سیانے کے مشورے سے موجود نہیں
Last edited by a moderator:
