راولپنڈی کے تھانہ روات میں تعمیراتی منصوبے میں مبینہ فراڈ کا ایک مقدمہ درج کیا گیا ہے جس میں مشہور سابق کرکٹر شاہد آفریدی ، حساس ادارے کے سابق افسران سمیت 10 افراد کو نامزد کیا گیا ہے۔
سوشل میڈیا پر سامنے آنےو الی ایف آئی آر کی نقل کے مطابق شاہد آفریدی، حساس ادارے کے سابق افسران سمیت 10 افراد پر دفعہ 420 کے تحت مقدمہ درج کیا گیا ہے۔
ایف آئی آر کے متن میں درخواست گزار نےموقف اپنایا ہے کہ حساس ادارے کے سابق افسران و دیگر نے پرنٹ، سوشل و الیکٹرانک میڈیا پر مشہور کرکٹر شاہد آفریدی وغیرہ کے ذریعے اشتہارات دیئے اور لوگوں کو ایفل ٹاورکمرشل بحریہ ٹاؤن راولپنڈی میں سرمایہ کاری کی ترغیب دی۔
درخواست گزار کے مطابق میں نے اشتہار بازی اور ملزمان کے نام و شہرت کو سامنے رکھتے ہوئےاس منصوبے میں سرمایہ کاری کرتے ہوئے دو عدد دوکانیں خریدیں اور مبلغ 55لاکھ اور 40 لاکھ روپے کی ادائیگی کی، جس کے بعد مجھے ان دوکانوں کا مالک قرار دے کر معاہدہ کرایہ داری طے کیا اور کچھ مہینے کرایہ بھی ادا کیا۔
درخواست گزار کے مطابق بعدازاں یہ انکشاف ہوا کہ ملزمان نے بددیانتی، دھوکہ دہی و فراڈ سے عوام کو بے وقوف بنایا اور سابقہ تاریخوں میں نکالےگئے اسٹالے اشٹام پیپرز استعمال کیے ، موقع پر ابھی دو دوکانوں کی تعمیر بھی نہیں ہوئی اور ایک ایک دوکان کئی کئی لوگوں کو الاٹ کردی گئی ہے، براہ کرم نامزد کردہ اشخاص کے خلاف قانونی کارروائی عمل میں لائی جائے۔
- Featured Thumbs
- https://www.siasat.pk/data/files/s3/4افرییدیسفرائئدکدج.png
