سابق وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ سیلاب میں متاثرین کی مدد کے بجائے کمپنی کی مشہوری کو لوگ خوب سمجھتے ہیں۔
سابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ چین، دبئی، قطر اور سعودی عرب نے بھی اس مرتبہ مدد نہیں کی نہ ہی عالمی مالیاتی ادارے (آئی ایم ایف) کا بیل آؤٹ پیکج ابھی تک آیا ہے۔
شیخ رشید نے بتایا کہ امریکی امداد کی شرائط پر چین کو شدید تحفظات ہیں اور 90 دن کی بجائے صرف 45 دن کے زر مبادلہ کے ذخائر رہ گئے ہیں۔ مولانا فضل الرحمان اور ٹی ٹی پی کا فاٹا کے انضمام پر ایک ہی مؤقف ہے جبکہ سیلاب میں مدد کے بجائے کمپنی کی مشہوری کو لوگ خوب سمجھتے ہیں۔
یاد رہے کہ وزیراعظم نے آج بلوچستان کا دورہ کیا ہے جہاں متاثرین کے کیمپوں کا دورہ کیا اس دوران وہ متاثرین سے پشتو زبان میں گفتگو کرتے رہے اور متاثرین کو دو وقت کا کھانا بھی نہ ملنے اظہار برہمی کیا۔