رکن اسمبلی فضل الٰہی مظاہرین کیساتھ دوبارہ رحمان بابا گرڈ اسٹیشن میں داخل ، بجلی بحال کرا دی
خیبر پختونخوا اسمبلی کے رکن فضل الہٰی مظاہرین کے ساتھ دوبارہ پشاور کے رحمان بابا گرڈ اسٹیشن میں داخل ہو گئے
ترجمان پیسکو کے مطابق فضل الہٰی نے رحمان بابا گرڈ اسٹیشن سے زبردستی 4 فیڈرز سے بجلی بحال کر دی ، مظاہرین نے زبردستی 4 فیڈرز آن کیے جو ہائی لاس فیڈرز میں شمار ہوتے ہیں۔
فضل الہٰی نے کہا ہے کہ لوڈشیڈنگ ختم نہ کی تو دوبارہ احتجاج کریں گے ،لوڈشیڈنگ نہ کرنے کی یقین دہانی پر احتجاج ختم کیا, لوڈشیڈنگ جاری ہے، ہمارے بچے گرمی میں نہ جلائیں۔
گزشتہ روز بھی فضل الہٰی نے پشاور کے رحمان بابا گرڈ اسٹیشن میں داخل ہو کر 10 فیڈرز کی بجلی بحال کر دی تھی ، حکام کے مطابق بجلی بحال کرنے سے پیسکو کو 26 لاکھ سے زائد کا نقصان ہوا۔
وزیرِ اعلیٰ خیبر پختون خوا علی امین گنڈاپور بجلی بحال کرنے ڈی آئی خان گرڈ اسٹیشن پہنچ گئے تھے,انہوں نے کہا خیبر پختون خوا میں کہیں بھی 12 گھنٹے سے زیادہ لوڈ شیڈنگ نہ ہونے دی جائے۔
انہوں نے ارکانِ اسمبلی اور انتظامیہ کو ٹاسک دےدیا، پولیس کو واپڈا کے کہنے پر کسی رکن کے خلاف مقدمہ نہ بنانے کی ہدایت کر دی,وزیرِ اعلیٰ نے اپنے اعلان کے مطابق لوڈشیڈنگ کا دورانیہ 12 گھنٹے فکس کردیا,اب کسی علاقے میں 12 گھٹنے سے زائد لوڈشیڈنگ نہیں ہو گی, پارلیمنٹیرینز اپنے علاقوں میں گرڈ اسٹیشنز کا دورہ کر کے لوڈشیڈنگ شیڈول پر عملدرآمد کرائیں۔
- Featured Thumbs
- https://www.siasat.pk/data/files/s3/fazl1h1i1h21.jpg
