سینئر صحافی رؤف کلاسرا کا ٹی وی چینل پر پروگرام بند کردیا گیا ہے۔
تفصیلات کے مطابق سینئر صحافی و تجزیہ کار رؤف کلاسرا کی جانب سے مائیکروبلاگنگ ویب سائٹ پر جاری بیان میں کہا گیا ہے کہ ٹی وی چینل پر میرا پروگرام بند کردیا گیا ہے، ٹیلون نیوز پر آج میرا آخری پروگرام ہوگا، اس وقت براڈ کاسٹنگ میڈیا میں آئے روز نئے سے نئے چیلنجز کا سامنا کرنا پڑررہا ہے۔
انہوں نے مزید کہا کہ میں اپنی ٹیم کے تمام ارکان کا شکریہ ادا کرتا ہوں جنہوں نے ہمیشہ میرا ساتھ دیا اور میرے پروگرام کو خصوصی رپورٹس، فراڈز کے انکشافات اور تجزیات کی مدد سے کامیاب بنانے کیلئے جدوجہد کی۔
رؤف کلاسرا نے کہا کہ سیاسی طور پر منقسم اور پولرائزڈ ماحول کا شکار اس معاشرے میں ایسی صحافت کرنا انتہائی خطرناک ہے۔
- Featured Thumbs
- https://www.siasat.pk/data/files/s3/4kaslalbabtalon.png
