درندہ

tariisb

Chief Minister (5k+ posts)




درندہ


اس سے پہلی ملاقات دبئی ائیرپورٹ لاؤنج میں چلتے چلتے ہوئی ، میرے لیے دائیں بائیں دیکھنا محال ، اپنے کسی خیال کی گرفت میں آگے بڑھتے ہوے ، اچانک ایک خاتون کی آواز آئ ، دائیں جانب تیز تیز چلتی ، قدم اٹھاتی وہ ساتھ آ لگی ، سنئیے ؟ جی ؟ میں نے مختصر سا جی کہنا ہی مناسب سمجھا ، خاتون نے فوری ایک ایڈریس تھما دیا ، کین یو گائیڈ می ؟ آئ مین ہاؤ ٹو ؟ وہیر ٹو ؟؟؟؟؟ جی ، میرے پھر سے جی نے اسے یکلخت خاموش کر دیا ، ہم تیز تیز چلتے جاتے تھے ، مجھے باہر نکل کر سگریٹ سلگانے کی جلدی تھی ، ساتھ ساتھ اس کا لکھا ہوا پتہ پڑھنے لگا ، لیکن نامکمل سا لگا ، آپ کے مطلوبہ پتہ میں ایک ابہام ہے ، ہوٹل بھی درست ، معروف شاھراہ بھی ٹھیک ، لیکن دونوں ایک جگہ پر نہیں ، سڑک درست ہے یا ہوٹل ٹھیک ؟ آپ فیصلہ کر لیں ، شاہراہ کی طرف جانا ہے یا ہوٹل میں ؟ آف کورس ، مائی ڈسٹینین از دیر ، اس نے تہیہ کر رکھا تھا ، جو کہنا ہے انگریزی میں کہنا ہے ، انگریزی کے سوا کچھ نہیں کہنا ، خیر ہم دونوں میں زبان کا فرق محسوس نا ہوا ، اجنبیوں کی طرح چلتے چلتے مکالمہ جاری رہا ، آپ کا ہوٹل دوسری طرف ہے ، اس کے لیے آپ کو شاہراہ ..... پر جانا ہو گا ، باہر بآسانی ہر طرح کی ٹرانسپورٹ میسر ہے ، ٹیکسی ؟ میٹرو ؟ بسز؟ آپ جس سے جانا چاہیں ہروسیلہ دستیاب ہے ، لیکن شاہراہ اور مقام ذہن نشین کر لیں ، اگر ؟ میرا جملہ "اگر" تک پہنچا ہی تھا ، اس بار اس نے مجھے ٹوک دیا ، شائد بلا ارادہ اس کے منہ سے لفظ "جی" نکل گیا ، اس کی طرف دیکھا ، جھینپ سی گئی ؟ نہیں بلکل نہیں ، میرے دیکھتے ہی اس نے پھر سے "جی؟" کہہ دیا ، اب کی بار سوالیہ انداز تھا ، اگر ؟ پھر بھی کوئی مشکل درپیش ہو تو ، میں راستے میں آپ کو ڈراپ کرتا چلا جاتا ہوں ، اٹز ان مائی روٹ ، اینڈ نتھنگ برڈن فار می ،.................. باہر دوست منتظر تھا ، لیکن زندگی میں پہلی بار ہوائیاں اس کے چہرے پر دیکھیں ، مجھے کوئی حیرانگی نا ہوئی ، ساتھ خاتون ، دیکھ کر ایک دیسی کے تاثرات جانے پہچانے ہوتے ہیں ، میں نے حسب عادت تمہید کو حذف کیا ، ..... مرکز کی طرف سے جانا ہے ، خاتون کو ڈراپ بھی کرنا ہے ، جی رائیٹ ، .....کی خوبی یہی سوال کم کرتا ہے ، کوئی بھی بات سمجھ آنے پر رائٹ کہہ کر تسلی رسید کردیتا ہے ، راستے میں کوئی بات نا ہوئی ، میں کھڑکی سے باہر موسم اور ٹریفک دیکھتا رہا ، وہ پیچھے بیٹھی پتہ نہیں کیا سوچتی رہی ، سفر جلدی ختم ہوا ، اس کی منزل آ چکی تھی ، میں مروتا ، باہر نکل آیا ، جی یہی ہوٹل ہے ، سٹی سنٹر یہاں سے اتنے فاصلے پر ہے ، مرکز ادھر ، اودھر ، یہاں ، وہاں ہے ، ضروری تفصیل ایک سانس میں بتا دی ، ٹیک کیر آف یو ؟ رسمی سا سلام کر کے ہم آگے نکل پڑے


ابو ظہبی رئیل سٹیٹ ایکسپو کا پہلا دن ، توقع مطابق مصروف تھا ، سب ہی مٹی بیچنے آے تھے ، بہت سے مانوس اور جانے پہچانے چہرے نظر آے ، سب اپنے پروجیکٹس سجاۓ اپنے اپنے حجروں میں بیٹھے تھے ، کوئی خریدار نا بھی ہو ، میزبان ایک دوسرے سے معلومات کے تبادلے میں زیادہ مصروف رہے ، دوسرا دن ؟ لنچ کے بعد ، کرسی پر ہی سستانے کو غنیمت سمجھا ، نیند کا خوشگوار سا جھونکا ، ذرا دیر نا گزری تھی ، نسوانی آواز ؟ سنئیے ، میں سننے کو تیار نا تھا ، دھیان نا دیا ، غنودگی نے دماغ کو جلدی بوجھل کر دیا تھا ، پھر سے ؟ سنئیے ؟ وہ مرے سامنے کھڑی تھی ، سمجھ نا آیا "فرنٹ آفس" پھلانگ کر یہاں پچھواڑہ تک کون آ سکتی ہے ؟ لیکن وہ کھڑی تھی ، لباس ، حلیہ ، سب کافی بدلا بدلا تھا ، تازگی ، خوشبو کا جھونکا سا تھا............. میں اٹھ کھڑا ہوا ، آپ ؟ یہاں ؟ میرے کہے بغیر کرسی کھینچتے ہوے وہ بیٹھ گئی ، جی میں یہاں ؟ یہ نا سوچیے گا ، آپ کا تعاقب کر رہی ہوں ، انگریزی لہجہ میں اردو سن کر اچھا لگا ، یہ میرا "سبجیکٹ" نہیں تھا لیکن اٹینڈ کرنا ضروری بھی تھا ، اسی لیے آگئی ، اٹز نائیس گیدرنگ ، وہاٹ یو ڈوئنگ ہیر ؟ میں کچھ نہیں ؟ بس آپ کا انتظار تھا ؟............ ہم دونوں ہنس پڑے ، ڈونٹ بہییو دیسی ، اب کی بار صرف میں ہنسا ، آئیں آپ کو ایکسپو دکھاتا ہوں ، دیر تک چہل قدمی جاری رہی ، سوال بھی ہوے ، جواب بھی ، لیکن ؟............ اس کی باتوں میں ایک بے رحم سا اعتماد جھلکتا رہا ، کسی بھی چیز پر اس کی آنکھوں کی گرفت بہت گہری ، لیکن اس کا چہرہ کہیں بھی تاثر دینے سے عاری ، رویہ ؟ رویے میں بے اعتنائی ، گفتگو میں کہیں کہیں تضحیک ، کسی کو بھی بات مکمل کرنے نا دیتی ، اس طرح بات کاٹ دیتی ، جیسے سامنے کوئی ہیولہ نہیں ، روبوٹ کھڑا ہے ، اور یہ کوئی "مسٹریس" ، چند ایک جگہوں پر میں ذرا جھینپ سا گیا ، اس کا رویہ اکثر تلخ سا رہا ، دوسرے میری طرف ایک بار ضرور دیکھتے ، میں اپنی توجہ کسی نا کسی اور طرف کر کے نظریں چرا لیتا ، خدا خدا کر کے چہل قدمی ختم ہوئی ، آپ کو پاکستان سے گارمنٹس ایکسپورٹ کا نالج ہے ؟ نالج ؟ آپ کو کیا معلومات درکار ہیں ؟ میں نے جوابی سوال داغ دیا ، یہی ٹیکسیشن ، لاز ، فراڈز ، اور احتیاط وغیرہ ؟ ؟ ؟ ، جی کسی حد تک گائیڈ کر سکتا ہوں ، کمی ہوئی تو مزید معلومات مستعار لے سکتے ہیں ، نو اشو ، کوئی مسلۂ نہیں ، آج شام آپ ڈنر میرے ساتھ کر سکتے ہیں ؟ اس کا کہنے کا حاکمانہ انداز مجھے ناگوار گزرا ، جی ؟ میں نے جان بوجھ کر جی کو ذرا طویل کر لیا ؟ آپ شام کو کھانا میرے ساتھ کھا سکتے ہیں ؟ ، کچھ ڈسکشن اینڈ انفرمیشن چاہیے ، جی ٹھیک ؟ لیکن ؟ آپ ڈنر میرے ساتھ کر سکتی ہیں ، اس نے اپنے ڈنر اور میرے ڈنر میں چھپی تلخی اور فرق کو سمجھے بغیر ، ہاں کہہ دیا ، اسے احساس ہی نا ہوا ، مجھے کیا بات بری لگی ، میں نے بھی تاثرات کو مزید تلخ نا ہونے دیا


مرد ؟ مرد مت کہیں ، درندہ کہیں ، ہر مرد میں ایک درندہ چھپا ہوتا ہے ، جو کسی نا کسی عورت پر بری طرح نازل ہوتا ہے ، اور تمام عمر عورت اس درندے کی اذیت جھیلتی رہتی ہے ، یہ سب کہتے ہوے اس کی گہری آنکھوں میں سے ٹپکتی وحشت صاف دیکھی جا سکتی تھی ، ایک ہفتہ قیام میں ہم پانچویں بار کھانا اکٹھا کھا رہے تھے ، اس کے علاوہ ملاقات کا کوئی امکان نہیں ہوتا تھا ، وہ ایک فیشن ڈیزائنر اور آرٹ کی دلدادہ تھی ، لیکن مرد ؟ مردوں سے اسے شدید نفرت تھی ، تیسرے ڈنر پر اس نے مجھے "تم" کہا ، میں نے صرف ایک بار غور سے دیکھا ، ایک دم سنبھل گئی ، آپ ؟ آپ ؟ آپ جڑ کر فقرہ مکمل کر دیا ، سوری ؟ معزرت ؟ نہیں میں نے کسی سے بھی ، کہیں بھی ، اسے لفظ "سوری" استعمال کرتے نہیں دیکھا ، مجھ سے بھی نہیں ، لیکن ایک بات یقینی تھی ، وہ مجھے "روبوٹ" نا سمجھتی تھی ، فوری گفتگو بدل لیتی تھی ، شائد پردیس کا اثر تھا ، یا میری خشک مزاجی کو بھانپ چکی تھی ، وہ پھر سے گویا ہوئی ، مرد ؟ مرد مت کہیں ، درندہ کہیں ، مجھے گھر والوں نے ، سجا کر ، اس کی بیوی بنا کر امریکہ دھکیل دیا ، میری خوشی ، سب کی خوشی امریکہ اور خاوند دونوں ایک ساتھ ملے تھے ، امریکہ پہنچ کر امریکہ تو ملا ، لیکن خاوند نا ملا ، ایک درندہ دکھا ، تمہیں معلوم ہے ؟ اس کا مشغلہ کیا تھا ؟ مرے کچھ کہے بغیر ، وہ فی البدیہہ کہتی رہی ، وہ اکثر مجھے برہنہ کر کے ، مارتا پیٹتا تھا ، سب سے مرغوب ضرب ؟ مجھے بالوں سے پکڑ کر فرش پر گھسیٹنا ، دیواروں سے میرے وجود کو مارنا ، ٹکرانا ، یہ اس کی درندگی کی طلب ، اور میں اس کے رحم و کرم پر تھی ، میری زندگی کے دس سال اس جانور کی قید میں صرف ہوے ، بیٹے کی پیدایش نے بھی اسے تبدیل نا کیا ، البتہ وقت کے ساتھ ساتھ اس کی مشق ستم میں نت نئی جہتیں آتی رہتیں ، ساری رات کھڑی رہو ، میں کھڑی رہتی ، وہ خراٹے بھرتا رہتا ، کسی نا کسی پہر آنکھ کھول کر دیکھ لیتا ، کھڑی ہے یا جا مری ہے ؟ ، درندہ ، ایک وحشی درندہ تھا وہ ، ایک وقت ایسا آیا ، میں اس کے ظلم و ستم کی عادی ہو چکی تھی ، میرا جسم بے حس ، سوچ مفلوج ہو چکی تھی ، اسے تسکین ملتی نا ملتی ، مجھے اذیت محسوس نا ہوتی ، مجھے اس ایک مرد نہیں ، سب مردوں سے شدید نفرت ہے ، تم مرد نہیں ، درندے ہوتے ہو ، خوداری ، اعتماد ، وقار و وجاہت سب ایک ڈھونگ ہوتا ہے ، تم بیڈ روم میں جا کر اپنی اصلیت ظاہر کردیتے ہو ، جانور ، بلکل جانور ، سڑکوں پر کیا لگتے ہو ، گھروں کے قید خانوں میں کیا کیا کرتے ہو ؟ وہ ایک درندہ تھا ، ایک اصلی درندہ ، مردوں سے وہ پھر سے اسی مرد تک آپہنچی ، میں نے اس کی آنکھوں میں کوئی آنسو نا دیکھا ، لیکن آنکھوں سے نکلتی آگ کی حدت صاف محسوس کر رہا تھا


میں آج سٹیلڈ ہوں ، فیشن ڈیزائنر ہوں ، دولت ہے ، سہولت ہے ، سب کچھ ہے ، اور ہاں بیٹا بھی ہے ؟ نہیں بیٹا نہیں ، وہ بھی ایک مرد ہے ، اس کے اندر بھی ایک درندہ چھپا بیٹھا ہو گا ، آپ کو پتہ ہے ، میں اس کی ہر ضرورت پوری کرتی ہوں ، لیکن کبھی اس کو پیار نہیں دے سکی ، نا دے سکوں گی ، کیوں کہ ، میں جب بھی اسے دیکھتی ہوں ، مجھے درندہ نظر آتا ہے ، نظریں چرا چرا کر میں نے اسے پالا ہے ، بیٹا نہیں ، آخر ہے تو مرد ، دیوار ، ٹکریں ، چیخیں ، مرے لمبے بال جنھیں ماں پیار سے کنگھی کیا کرتی تھی ، وہ بالوں سے پکڑ کر مجھے فرش پر گھسیٹتا تھا ، جانور ، درندہ ، قید خانہ ، قید خانہ ، بیٹا ؟ نہیں مرد ، مرد نہیں ، درندہ ، ایک مرد ؟ نہیں ہر مرد ، درندہ و وحشی ، بیٹا ہی کیوں نہیں ، خاوند ہی کیوں نہیں ، وہ مسلسل بولے جا رہی تھی ، اور مجھے سردی سی لگنے لگی ، جھرجھری سے محسوس ہوئی ، مجھ سے کوئی جواب نہیں بن پا رہا تھا ، موضوع کیا بدلتا ، میرے کہنے پر ہی یہ سب وہ سناتی جاتی تھی ، وہ داستان کے اختتام پر ایک طاقتور وجود لگ رہی تھی ، مجھے اپنا آپ نڈھال سا محسوس ہونے لگا ، میں نے اپنا بوجھل سا ہاتھ اٹھایا اس کے سر پر رکھ دیا ، وہ خاموش ہو گئی ، میری طرف دیکھا ، دیکھتی چلی گئی اور پھر ؟ پھوٹ پھوٹ کر رونے لگی ، میں نے زندگی میں پہلی بار ، ہاں پہلی بار ، کسی کو بلکتے ہوے روتے دیکھا ، وہ جو آہنی اعصاب ، خود سر و خود مختار خاتون تھی ، مگر آخر "پگھل" چکی تھی .................... دو دن بعد اس کی روانگی تھی ، ائرپورٹ پر صرف شکریہ کا تبادلۂ ہوا ، مجھے اس کی آنکھوں میں غصہ نا نظر آیا ، لیکن خاموشی ، گہری خاموشی ، اس نے جاتے ہوے مسکراتے ہوے خدا حافظ کہا ، لیکن میں مسکرا نا سکا ، سوچ رہا تھا ؟ ایک پتھر کو پگھلنا نہیں چاہیے تھا ، اسی میں بقا ہے ، تحفظ ہے ، اس عورت کی کامیابی پنہاں ہے ، اسے پتھر کی طرح رہنا ہو گا ، موم بن کر پگھلتی رہی تو بقا نہیں ؟ آخر فنا ہے ، بلاخر فنا ہے

______________________________________


 

Two Stooges

Chief Minister (5k+ posts)
tariisb said:
ایک پتھر کو پگھلنا نہیں چاہیے تھا ، اسی میں بقا ہے ، تحفظ ہے ، اس عورت کی کامیابی پنہاں ہے ، اسے پتھر کی طرح رہنا ہو گا ، موم بن کر پگھلتی رہی تو بقا نہیں ؟ آخر فنا ہے ، بلاخر فنا ہے

بہت عمدہ تحریر ،، اس کے اختتامی الفاظ میں عورت کے تحفظ کا سب سے بڑا ھتیار چھپا ھے،، عورت کو بلاشبہ پتھر کی طرح مضبوط ھونا چاھئیے، اسی میں اس کی بقا ھے
 

Haidar Ali Shah

MPA (400+ posts)
"میں آپ کو مشورہ دینا چاہتا تھا "بریک بھائی بریک

بریک ضرور لگے گی لیکن ہمیشہ والی. ویسے بھی ہر پوسٹ کی ہر لائن کی تشریح کرکے اکتا چکا ہو. آپ کو بہت جلد مجھ سے "چھٹکارا" مل جائے گا
 

jani1

Chief Minister (5k+ posts)


عمریں اپنی ایک جیسی پر تجربہ ہے الگ۔۔۔
کیا کہانی لائے ہو جس پہ روئے فلک۔۔
ہے اس میں احساس اک عورت کا۔۔۔۔۔
اور ہے اس میں مرد کی اک جھلک۔
۔۔۔


 

Two Stooges

Chief Minister (5k+ posts)
یہ تو نہیں کہوں گی ایسی کہانیاں عام ہیں ..لیکن ہیں ضرور

نادان جی، شکریہ ماحول کی سنجیدگی کو دیکھتے ھوئے، بہت موتوازن کمنٹ دیا ھے آپ نے ، ، آخر مرد بیچاروں کا بھی چڑیلوں سے ٹاکرا ھو جاتا ھے ، ، بیچارے مرد
اب طاری بھیا، کسی مظلوم مرد کے بارے میں اس جیسی عمدہ تحریر لکھ کر حساب برابر کرے، تو بہت سارے دوستوں کی اشک شوئی ھو جائے گی
http://bust.com/general/9702-women-more-often-the-aggressors-in-domestic-violence.html
 
Last edited:

jani1

Chief Minister (5k+ posts)
بریک ضرور لگے گی لیکن ہمیشہ والی. ویسے بھی ہر پوسٹ کی ہر لائن کی تشریح کرکے اکتا چکا ہو. آپ کو بہت جلد مجھ سے "چھٹکارا" مل جائے گا


یرہ نہ کرو ایسا۔۔۔
مزاق اپنی جگہ مگر یہ جانے کی باتیں مت کرو۔۔۔


 

atensari

(50k+ posts) بابائے فورم
بریک ضرور لگے گی لیکن ہمیشہ والی. ویسے بھی ہر پوسٹ کی ہر لائن کی تشریح کرکے اکتا چکا ہو. آپ کو بہت جلد مجھ سے "چھٹکارا" مل جائے گا
مجھے آپ سے کوئی مسئلہ نہیں ہے. اتفاق اختلاف ہوتا رہے گا. سپیڈ ہلکی کرنے کے ساتھ ساتھ دائیں بائیں کا خیال رکھیں. بعض ڈرائیور ایکسڈنٹ کرنے کے بہانہ ڈھونڈتے رہتے ہیں
 

نادان

Prime Minister (20k+ posts)
بریک ضرور لگے گی لیکن ہمیشہ والی. ویسے بھی ہر پوسٹ کی ہر لائن کی تشریح کرکے اکتا چکا ہو. آپ کو بہت جلد مجھ سے "چھٹکارا" مل جائے گا


نہ جی نہ ..یہ ظلم نہ کرنا ..اور جو ظلم کرنے کی ٹھان ہی لو تو پتا دے کر جانا
 

نادان

Prime Minister (20k+ posts)

نادان جی، شکریہ ماحول کی سنجیدگی کو دیکھتے ھوئے، بہت موتوازن کمنٹ دیا ھے آپ نے ، ، آخر مرد بیچا
روں کا بھی چڑیلوں سے ٹاکرا ھو جاتا ھے ، ، بیچارے مرد

اب طاری بھیا، کسی مظلوم مرد کے بارے میں اس جیسی عمدہ تحریر لکھ کر حساب برابر کرے، تو بہت سارے دوستوں کی اشک شوئی ھو جائے گی
http://bust.com/general/9702-women-more-often-the-aggressors-in-domestic-violence.html

بیچاری چڑیل جتنی مرضی چڑیل ہو ...لیکن اتنی ظالم نہیں ہو سکتی ....
باقی رہی لنک کی بات کوئی بہت ہی متعصب دکھی آتما ہے
 

Shah Shatranj

Chief Minister (5k+ posts)
درندہ یا دردمند
فیصلہ تو ماں کی کوکھ ہی کرتی ہے
تو درندہ کیوں
درد مند کیوں نہیں
 

kwan225

Minister (2k+ posts)
جیسا نادان نےلکھا۔۔ ایسی کہانیاں ہیں پر عام نہیں۔۔
سو میں سے ایک۔۔
شادی کے بعد عورت کو اڈجسٹ ہونے میںایک سال سے کم کا عرصہ درکار ہوتا ہے۔۔ اُس کے بعد ایسی اڈجسٹ ہوتی ہے کہ باقی سبھی رشتے ڈس اڈجسٹ کردیتی ہے۔۔
پہلے دوست، پھر رشتے دار،پھر بہن بھائی اور کچھ لوگ تو ماں باپ تک بھول جاتے ہیں۔۔
 

Haidar Ali Shah

MPA (400+ posts)
طاری صاحب سے معذرت کے ساتھ مضمون سے باہر کی بات ہے. لیکن میری عادت ہے چپکے چپکے آتا ہو سنتا ہو سناتا ہو اور دبے پاؤں چلا جاتا ہو. بچپن میں قلمی دوستی کا بہت شوق تھا لیکن ہمت نہیں کرسکا اور اب ناک کے سیدھ چلتا ہو. دوستوں کو تکلیف دینے کا عادی نہیں ہو پچھلے دن ایک پوسٹ میں "معصوم" دوست کی اچھی خاصی بے عزتیں ہو گئی تھی یہ مجھے کہا گوارا ہے
 

نادان

Prime Minister (20k+ posts)
طاری صاحب سے معذرت کے ساتھ مضمون سے باہر کی بات ہے. لیکن میری عادت ہے چپکے چپکے آتا ہو سنتا ہو سناتا ہو اور دبے پاؤں چلا جاتا ہو. بچپن میں قلمی دوستی کا بہت شوق تھا لیکن ہمت نہیں کرسکا اور اب ناک کے سیدھ چلتا ہو. دوستوں کو تکلیف دینے کا عادی نہیں ہو پچھلے دن ایک پوسٹ میں "معصوم" دوست کی اچھی خاصی بے عزتیں ہو گئی تھی یہ مجھے کہا گوارا ہے

اب قلمی دوستی کا نہیں فورمی دوستی کا رواج ہے ..یقین مانیں یہاں میں نے بہت ہی اچھے دوست پائے ہیں
 

Two Stooges

Chief Minister (5k+ posts)

بیچاری چڑیل جتنی مرضی چڑیل ہو ...لیکن اتنی ظالم نہیں ہو سکتی ....
باقی رہی لنک کی بات کوئی بہت ہی متعصب دکھی آتما ہے

مرد فطری طور پر زن مرید ھے، میرا مطلب ھے کہ عورت کا طلب گار ۔ ۔ اور ھر مرد عورت کے بارے میں لطیف احساس رھتا ھے،،لیکن اگر معاملہ مار پیٹ، اور گالم گلوچ تک پہنچ جائے، تو اس میں ذیادہ قصور عورت کا ھوتا ھے
5179517a5df00.jpg
 

نادان

Prime Minister (20k+ posts)
مرد فطری طور پر زن مرید ھے، میرا مطلب ھے کہ عورت کا طلب گار ۔ ۔ اور ھر مرد عورت کے بارے میں لطیف احساس رھتا ھے،،لیکن اگر معاملہ مار پیٹ، اور گالم گلوچ تک پہنچ جائے، تو اس میں ذیادہ قصور عورت کا ھوتا ھے
5179517a5df00.jpg

مسلہ یہ ہے کہ مرد کو صرف عورت چاہئے ..ذہن رکھنے والی نہیں
 

Two Stooges

Chief Minister (5k+ posts)
مسلہ یہ ہے کہ مرد کو صرف عورت چاہئے ..ذہن رکھنے والی نہیں
زہن والی مل جائے، تو مار پیٹ، اور گالم گلوچ کی نوبت ھی نہیں آئے گی، اور مرد کی زندگی کسی جنت سے کم نہیں ھوتی
breakfast-edhi-and-bilquis-e4o1540-copy.jpg
 

نادان

Prime Minister (20k+ posts)
زہن والی مل جائے، تو مار پیٹ، اور گالم گلوچ کی نوبت ھی نہیں آئے گی، اور مرد کی زندگی کسی جنت سے کم نہیں ھوتی
breakfast-edhi-and-bilquis-e4o1540-copy.jpg

تبھی نوبت آتی ہے ...جب وہ عقلی دلائل دیتی ہے ...تو اسے کہا جاتا ہے کہ بحث کرتی ہے ..چاہئے ڈسکشن سیاست پر ہی کیوں نہ ہو
 

Back
Top