کیا آپ کی معیشت تنگی کا شکار ہے؟

[QaiserMirza]

کیا آپ کی معیشت تنگی کا شکار ہے؟​

ہمارا ایک عجیب معاملہ ہے کہ اپنے حالات کے تناظر میں، دنیا کے موجودہ نظام میں چلتے چلتے ہم صرف ظاہری اسباب کو دیکھنے کے عادی ہوگئے ہیں۔

کبھی حکمرانوں کو کوستے ہیں، کبھی عالمی طاقتوں کو اپنے حالات کا ذمہ دار سمجھتے ہیں، کبھی کسی پر ذمہ داری ڈالتے ہیں۔
لیکن اللہ سبحانہ و تعالٰی ایک اصول بیان کر رہے ہیں جو انفرادی اور اجتماعی دونوں حالات پہ لاگو ہوتا ہے۔۔۔۔
وَمَنۡ اَعۡرَضَ عَنۡ ذِكۡرِىۡ فَاِنَّ لَـهٗ مَعِيۡشَةً ضَنۡكًا وَّنَحۡشُرُهٗ يَوۡمَ الۡقِيٰمَةِ اَعۡمٰى‏ ۞
اور جس نے میرے ذکر سے اعراض کیا تو یقیناً اس کی معیشت کو میں بہت تنگ کردوں گا اور قیامت کے دن ہم اسے اندھا اٹھائیں گے۔

اللہ تعالیٰ کا ارشاد ہے : اور جس نے میرے ذکر سے اعراض کیا تو یقیناً اس کی زندگی بہت تنگی میں گزرے گی اور قیامت کے دن ہم اسے اندھا اٹھائیں گے وہ کہے گا اے میرے رب ! تو نے مجھے اندھا کیوں اٹھایا ؟ حالانکہ میں (تو دنیا میں دیکھنے والا تھا اللہ فرمائے گا اسی طرح تیرے پاس دنیا میں میری نشانیاں آئیں تھیں تو تو نے ان کو فراموش کردیا تھا اور اسی طرح آج تجھے بھی فراموش کردیا جائے گا اور جو شخص اپنے رب کی آیتوں پر ایمان نہ لائے اور حد سے تجاوز کرے ہم اسی طرح اس کو سزا دیتے ہیں اور بیشک آخرت کا عذاب زیادہ سخت اور بہت باقی رہنے والا ہے (طہ :124-127)

مفسرین نے لکھا ہے کہ ذکر سے مراد اللہ کے دین کے احکامات اور اللہ کی کتاب یعنی قرآن کی تلاوت، اس کے تقاضوں پر عمل کرنا اور اپنی زبانوں کو اللہ اور اس کے رسول کے ذکر سے تر رکھنا ہے۔

اور ایک قول یہ بھی ہے کہ اس سے مراد ہے اسلام کے دین برحق ہونے پر جو دلائل نازل کئے گئے ہیں، ان کا استحضار کرنا ہے اور یہ بھی ہے کہ ذکر سے مراد رسول اللہ صلی اللہ علیہ وآلہ وسلم کی ذات گرامی کا ذکر اور ان پر پابندی کے ساتھ درود و سلام بھیجنا ہے، کیونکہ اللہ کا ذکر اور اس کی معرفت ہمیں آپ ہی کے توسط سے حاصل ہوئی ہے۔

"ضنکا" کے معنی ہیں تنگی اور اس کا معنی عربی میں زکام کے بھی ہیں۔ (المفردات ج ٢ ص 390)

حضرت ابوعبیدہ نے کہا ہے کہ اس کا معنی ہے تنگی میں بسر ہونے والی زندگی۔ ہر زندگی جو تنگی میں بسر ہو، پریشان کن حالات ہوں، روزی چاہے کاروبار کی شکل میں ہو یا ملازمت کی شکل میں، صحت کے مسائل ہوں، تعلقات کی خرابی ہو، معیشت کا نقصان ہو، معاشرت کا بگاڑ ہو، امن و امان دگرگوں ہو، یا رہائش کے لیے تنگ جگہ ہو یا تنگ منزل ہو اس کو "ضنک" کہتے ہیں۔

"ضنک" کی لغوی معنی ہیں، تنگی، عسرت اور سختی۔
(زاد المسیر ج 5 ص 330-331)

اہل علم نے لکھا ہے کہ تنگی میں زندگی گزرنے کے تین محمل ہیں۔
دنیا میں، قبر میں اور آخرت میں۔۔۔

اور یہ بھی ہو سکتا ہے کہ ان سب جگہوں پر کسی انسان کی زندگی تنگی سے گزرے یا ان میں سے ایک یا دو جگہوں پر اس کی زندگی تنگی سے گزرے۔

تو دنیا میں "ضنک" کے مظاہر تو ہم دیکھ رہے ہیں۔ قبر اور آخرت کی منزل آنے پر معلوم ہوگا کہ وہاں کیا حالات ملتے ہیں۔ اللہ ہماری حفاظت فرمائے۔

میرا کہنا صرف اتنا ہے کہ ہم انفرادی طور پر تو کم از کم اللہ تعالٰی کے ذکر سے اعراض کرنے والوں میں نہ ہوں۔
عبادت اور معاملات کے فرائض،

تلاوت اور زبان کو اللہ اور اس کے رسول کے ذکر سے تر رکھنا،

یہ تو کم از کم ہر پڑھنے والا کر ہی سکتا ہے۔ یا نہیں کر سکتے!

میرا انفرادی طور پہ یہ ذاتی تجربہ ہے کہ اللہ سبحانہ و تعالٰی اپنے ذکر کی بدولت ایسے راستے کھولتے ہیں کہ عمومی حالات کی خرابی ہونے کے باوجود اللہ تعالٰی بہت عافیت والے راستے بنا دیتے ہیں۔
یہ وہ غیبی اسباب ہیں جو ظاہری اسباب میں اثر پیدا کرنے کے واسطے، وہ کام کرتے ہیں جو صرف ظاہری اسباب سے آپ حاصل نہیں کر سکتے۔ اگر تو اللہ کے وعدوں پر یقین ہو!​

 

[QaiserMirza]

آج ہمارے وطن عزیز میں بھی ایسے ہی حالات ہیں
تصور کی جانے والی ہر برائی کو ہم نے اپنا لیا ہے اور اس پر ندامت بھی نہیں ہے
آج ہم اخلاقی ، معاشرتی برائیوں کی گہرائیوں میں گر چکے ہیں

الله سبحانہ و تعالی نعمتوں سے نوازتا ہے، پھر مہلت دیتا ہے پھر اس مہلت گزر جانے کے بعد اس قوم پر عذاب نازل فرماتا ہے
آج ہم جن حالات سے گزر رہے ہیں یہ سب الله کا عزاب ہی تو ہے ، مگر پھر بھی نہ ہی ہم سمجھتے ہیں اور نہ اپنے آپ کو بدلنے کی کوشش کر رہے ہیں ​

 

[Sonya Khan]

Jazakallah for the reminder .....

 

[There is only 1]

​

مفسرین نے لکھا ہے کہ ذکر سے مراد اللہ کے دین کے احکامات اور اللہ کی کتاب یعنی قرآن کی تلاوت، اس کے تقاضوں پر عمل کرنا اور اپنی زبانوں کو اللہ اور اس کے رسول کے ذکر سے تر رکھنا ہے۔

اور ایک قول یہ بھی ہے کہ اس سے مراد ہے اسلام کے دین برحق ہونے پر جو دلائل نازل کئے گئے ہیں، ان کا استحضار کرنا ہے اور یہ بھی ہے کہ ذکر سے مراد رسول اللہ صلی اللہ علیہ وآلہ وسلم کی ذات گرامی کا ذکر اور ان پر پابندی کے ساتھ درود و سلام بھیجنا ہے، کیونکہ اللہ کا ذکر اور اس کی معرفت ہمیں آپ ہی کے توسط سے حاصل ہوئی ہے۔
!​

​

سبحان الله

اہل سنت کے مطابق قرانی آیات کی تاویل کرنا حرام ہے . پھر اس آیت کی تاویل کیوں کی گئی ہے ؟​