عالمی ایٹمی توانائی ایجنسی (آئی اے ای اے) نے پاکستان کی جوہری تنصیبات کو مکمل طور پر محفوظ قرار دیتے ہوئے بھارت کے جھوٹے پروپیگنڈے کا پردہ فاش کیا ہے۔ بھارت نے پاکستان کی ایٹمی تنصیبات کو نقصان پہنچنے کا دعویٰ کیا تھا، لیکن آئی اے ای اے نے اس کی تردید کرتے ہوئے کہا کہ بھارت کے حملوں کے دوران پاکستان کی تمام جوہری سائٹس بالکل محفوظ رہیں اور ان سے کوئی تابکاری خارج نہیں ہوئی۔
آئی اے ای اے کی وضاحت کے مطابق، بھارت کے میزائل حملوں کے دوران پاکستانی جوہری تنصیبات کی حفاظت یقینی بنائی گئی، اور ان میں سے کوئی بھی تابکاری مواد ماحول میں نہیں آیا۔ اس سے یہ بات واضح ہو گئی کہ بھارت کی جانب سے پاکستان کی جوہری تنصیبات پر کیے جانے والے حملوں کے بعد بھارت کا یہ دعویٰ کہ پاکستان کی ایٹمی تنصیبات کو نقصان پہنچا تھا، محض جھوٹ اور پروپیگنڈہ تھا۔
اس کے ساتھ ہی، پاکستانی افواج کے آپریشن بنیان مرصوص کے دوران نہ صرف بھارت کے براہموس میزائلوں کے ٹھکانے تباہ ہوئے، بلکہ بھارت کا ایس 400 میزائل دفاعی نظام بھی مکمل طور پر تباہ کر دیا گیا تھا۔ مزید برآں، پاکستانی شاہینوں نے بھارت کے آپریشن سندور کے دوران بھارت کے 6 طیاروں میں سے 3 رافیل طیارے مار گرائے، جس کے بعد مودی حکومت کو اپنے عوامی امیج کو بچانے کی شدید کوششیں کرنا پڑیں۔
بھارت نے اپنی ناکامیوں سے عوام کی توجہ ہٹانے کے لیے پاکستان کی جوہری تنصیبات کے نقصان کے بارے میں جھوٹا دعویٰ کیا، لیکن آئی اے ای اے کی وضاحت کے بعد اس پروپیگنڈے کا بھرم بھی ختم ہوگیا۔ اس سے بھارت کی جانب سے پاکستان کے خلاف پھیلائی جانے والی جھوٹ کی حقیقت سامنے آئی اور اس دعویٰ کی حقیقت بے نقاب ہو گئی۔
