سینئرصحافی نسیم زہرہ نے دھمکی آمیز خط کے حوالے سے دعویٰ کیا ہے کہ ڈاکٹر اسد کو کہا گیا کہ جب تک وزیراعظم عمران خان ہیں تعلقات بہتر نہیں ہونگے۔
سماجی رابطے کی ویب سائٹ ٹوئٹر پر اپنے ٹوئٹ میں نسیم زہرہ نے بتایا کہ امریکی انڈر سیکریٹری اسٹیٹ نے پاکستانی سفیر کو ملاقات کیلئے بلایا۔ جہاں ڈاکٹر اسد کو کہا گیا جب تک عمران خان وزیراعظم ہیں تعلقات بہتر نہیں ہونگے۔
انہوں نے یہ بھی دعویٰ کیا کہ پاکستانی سفیر ڈاکٹر اسد مجید کو بتایا گیا کہ عمران خان کے جانے پر پاکستان کی غلطیاں معاف ہوسکتی ہیں۔ سرکاری ملاقاتوں میں ایسی غیرمعمولی اور سخت بات چیت حیران کن ہے، سب کو چاہیے کہ اس طرح کے اشتعال انگیز رویے کی مذمت کریں۔
نسیم زہرہ کے علاوہ صحافی انصار عباسی نے بھی ان کی ٹوئٹ کو ری ٹوئٹ کیا اور کہا کہ یہ انتہائی قابل مذمت اور شرمناک ہے۔
انہوں نے مزید کہا کہ اپوزیشن وزیر اعظم کے خلاف عدم اعتماد ضرور کرے لیکن امریکا کی اس بے ہودگی پر آواز بھی اُٹھائے
یاد رہے کہ اس حوالے سے وزیراعظم عمران خان آج شام قوم سے خطاب کرینگے، گذشتہ روز انہوں نے اپنا قوم سے خطاب مؤخر کردیا تھا۔وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر جاری بیان میں کہا ہے کہ وزیر اعظم عمران خان آج رات قوم سے خطاب کریں گے۔
- Featured Thumbs
- https://www.siasat.pk/data/files/s3/nasim11.jpg
