ریسکیو 1122 مری کے ذرائع کے مطابق ہوٹل کے کمرے سے چاروں افراد نیم بے ہوشی کی حالت میں ملے تھے۔
تفصیلات کے مطابق مری ایکسپریس وے پر ڈنہ کے مقام پر تھانہ پتریاٹہ کے علاقے میں واقع ایک نجی ہوٹل کے کمرے سے 4سیاح بے ہوشی کی حالت میں ملے جن میں سے 3 افراد اپنی جان سے ہاتھ دھو بیٹھے جبکہ ایک کی حالت انتہائی نازک ہے۔ چاروں سیاحوں کا تعلق صوبہ پنجاب کے مختلف علاقوں سے بتایا جا رہا ہے، بے ہوش سیاح کی شناخت محمد کے نام سے جبکہ جاں بحق 3 اشخاص کی شناخت 29 سالہ محمد شاہ رخ، 30 سالہ فیصل ایاز اور 28 سالہ محمد اویس کے نام سے ہوئی ہے۔
نجی ہوٹل میں پولیس و ریکسکیو 1122 کے اہلکار اور امدادی کارکن 4 سیاحوں کے ایک کمرے میں بے پائے جانے کی اطلاع ملنے پر پہنچے تھے جن میں سے 3 سیاح ہسپتال منتقل کیے جانے کے دوران جاں سے ہاتھ دھو بیٹھے جبکہ ایک بے ہوش شخص محمد کی حالت انتہائی نازک بتائی جا رہی ہے۔ ریسکیو 1122 مری کے ذرائع کے مطابق ہوٹل کے کمرے سے چاروں افراد نیم بے ہوشی کی حالت میں ملے تھے۔
مری پولیس کے مطابق جائے وقوعہ سے سے شواہد اکٹھے کر رہے ہیں اور واقعے کی تحقیقات شروع کر دی گئی ہے۔ سٹی پولیس آفیسر سید شہزاد ندیم بخاری نے واقعے کا نوٹس لیتے ہوئے پولیس اہلکاروں کو تحقیقات کرنے کے بعد تفصیلی رپورٹ پیش کرنے کا حکم دے دیا ہے۔ انہوں نے میڈیا سے گفتگو کرتے ہوئے کہا کہ فرانزک شوہد اور لاشوں کا پوسٹ مارٹم کرنے کے بعد ہی جاں بحق افراد کی موت کی وجہ کا تعین کر سکیں گے، ہم قانون کے مطابق میرٹ پر تحقیقات کر رہے ہیں۔
یاد رہے کہ اس سے پہلے مری میں ہونے والی برفباری میں پھنسنے کے باعث خواتین اور بچوں سمیت 22 افراد کے سردی سے ٹھٹھر کر جاں بحق ہونے کا واقعہ پیش آیا تھا اور پنجاب حکومت کی طرف سے مری کو آفت زدہ قرار دیتے ہوئے ایمرجنسی نافذ کر کے سرکاری ریسٹ ہائوس اور دفاتر کو سیاحوں کیلئے کھولنے کی ہدایت کی تھی۔