آپ تمام مثالیں ضرب عضب شروع ہونے سے پہلے کی دے رہے ہیں۔ اس وقت واقعی ہم بیک فٹ پر تھے اور دنیا ہم سے ہر معاملے میں ڈو مور کا مطالبہ کر رہی تھی۔ ایک وقت تو ایسا بھی تھا جب ہمارے ملک میں مسلسل شبرات رہتی تھی۔ لیکن اب جب دنیا نے دہشتگردی کے خلاف ہمارے اقدامات کو سراہا ہے اور مانا ہے کہ ہم نے اس عفریت کو سینگھوں سے قابو کر کے گرا لیا ہے تو اب ہم اس مقام کے بہت قریب ہیں کہ ڈو مور سننے کی بحائے دنیا کو اینف از اینف کہہ سکیں۔ جب دنیا ہماری کامیابیوں کا اعتراف کر رہی ہے تو ایسے میں ہم پر حملہ کرنے والا کھلا دشمن اور ہم پر حملے کی منادی کرنے والا ہمارے دشمن کا ساتھی ہو گا۔ آپ کا پتہ نہیں لیکن میں تو ایسا ہی سمجھتا ہوں۔ اب اگر فیس بک والوں سے واقعی غلطی ہوئی ہے تو ہمیں ان کی معذرت قبول کرنی چاہیے۔ اگر ان کے ہاں کسی نے شرارت کی ہے تو انہیں یہ باور کرانا چاہیے کہ آپ کی صفوں میں غلط لوگ بیٹھے ہیں جو ہمارے بُغض میں آپ کا کاروبار خراب کر رہے ہیں۔ اتنی بڑی کمپنی کے پریزیڈنٹ کا اپنی غلطی پر معذرت کرنا معمولی بات نہیں ہے۔
