arifkarim
Prime Minister (20k+ posts)
وزیر خارجہ اور پاکستان پیپلز پارٹی کے چیئرمین بلاول بھٹو زرداری نے کہا ہے کہ ہمارے کچھ جنرلز سیاست میں مداخلت کررہے ہیں ، سوشل میڈیا صارفین نے سوال اٹھایا ہے کہ کیا آئی ایس پی آر وزیر خارجہ کے اس بیان پر اپنی وضاحت جاری کرے گا۔
ان خیالات کا اظہار انہوں نے کونسل آن فارن ریلیشنز (امریکی تھنک ٹینک) سے خطاب کرتے ہوئے کیا ۔ وزیر خارجہ بلاول بھٹو زرداری کا کہنا تھا اگر پاکستانی سیاست میں جنرلز کی مداخلت جاری رہی تو اس طرح سے ملک چلنا مشکل ہو جائے گا۔
بلاول بھٹو زرداری کا کہنا ہے ہماری تاریخ میں ایک وزیراعظم کو پھانسی دی گئی اور ایک وزیراعظم کو جلاوطنی پر مجبور کردیا گیا۔ مگر ہم نے ایک جمہوری طریقے اور آئین پر عمل کرتے ہوئے ووٹ کے ذریعے عمران خان کی حکومت ختم کی۔
چیئرمین پیپلزپارٹی کا کہنا تھا پی ڈی ایم نے ایک متوازن حکومت کی بنیاد رکھی ہے، ہم ملک میں جمہوری اور پرامن نظام قائم کرنا چاہتے ہیں۔ مگر کچھ قوتیں ایسی ہیں جو پاکستان میں کبھی جمہوریت نہیں چاہتی ہیں، اور نہ وہ چاہتی ہیں کہ ملک میں اقتدار جمہوری حکومتوں کو منتقل ہو۔
وزیرخارجہ نے کہا کہ وہ قوتیں مسلسل اس پیشرفت کو کمزور کرنے اور اسے الٹانے کی کوشش کر رہی ہیں۔ چیئرمین تحریک انصاف پر تنقید کرتے ہوئے بلاول نے کہا عمران خان نیازی فوج، انٹیلی جنس ایجنسیز اور عدلیہ کو اپنے ذاتی کنٹرول میں لانا چاہتے ہیں۔
سوشل میڈیا صارفین کا کہنا ہے کہ وزیر خارجہ بلاول بھٹو زرداری نے سیاست میں فوجی اور ایجنسیز کی مداخلت کی بات ہے اب دیکھنا یہ ہے کہ آئی ایس پی آر اس پر کیا وضاحت جاری کرتا ہے ، کیونکہ جب عمران خان نے سیاست میں فوجی مداخلت کی بات کی تو ترجمان آئی ایس پی آر نے بڑی صراحت سے بیان جاری کیا تھا اور انتباہ بھی جاری کیا تھا۔
اس پر اویس نامی صارف نے کہا آپ غیر ملکی کونسل ریلیشن میں گھر کی باتیں لے کر بیٹھے ہیں۔
اظہر نے کہا مائی باپ کوئی اس پر بھی پریس کانفرنس کریں گے؟
ندیم بلوچ نے بھی ڈی جی آئی ایس پی آر سے سوال کیا کہ وہ اس پر کیا کہیں گے کیونکہ پاکستانیوں کو ان کے جواب کا انتظار رہے گا۔
کرنل ریٹائرڈ حامد نقوی نے کہا کسی وزیر خارجہ سے یہ توقع بالکل نہیں کہ وہ اپنی مسلح افواج کے بارے میں یہ سب کہے اور وہ بھی غیر ملکی سرزمین پر کسی غیر ملکی انٹرویو لینے والے کے سامنے۔
کامران حیدر نے کہا کہ اگر اس بیان پر آئی ایس پی آر کی جانب سے کوئی بیان سامنے آتا ہے تو مجھے ضرور مطلع کیجیے گا۔
ایک صارف نے کہا کہ ہمیں تو کچھ نہیں پتا پر آپ تو سب جانتے ہیں، اب آگے بڑھیں ورنہ آپ کی غیر جانبداری پر سوال اٹھے گا۔
تیمور اشرف نے کہا صاف ظاہر ہے یہ جانتے ہیں باجوہ رخصت ہو رہا ہے، PDM کی حکومت ختم ہو رہی ہے اور اسٹیبلشمنٹ کا بغل بچہ ہونے کا طوق گلے میں ڈالے الیکشن میں جا نہیں سکتے۔ لہٰذا۔
- Featured Thumbs
- https://i.ibb.co/SnGSb5v/bilawal-bhutto-irma-khan-jnr.jpg
Last edited by a moderator:
