انٹرنیشنل کرکٹ کونسل نے تازہ ترین ون ڈے رینکنگز جاری کردی ہیں جس کے مطابق بیٹنگ رینکنگ کی پہلی 2 پوزیشنز پر پاکستانی بلے بازوں نے قبضہ کررکھا ہے۔
تفصیلات کے مطابق پاکستان کرکٹ ٹیم کے کپتان بابراعظم اور اسٹار بیٹسمین امام الحق نےبھارتی بلے بازوں ویرات کوہلی اور روہت شرما کو تیسری اور چوتھی پوزیشن پر دھکیل دیا ہے۔
آئی سی سی رینکنگ کے مطابق کپتان بابراعظم بدستور پہلی پوزیشن پر موجود ہیں جبکہ امام الحق نے بہتری دکھاتے ہوئے دوسرے پوزیشن پر قبضہ کرلیا ہے۔
آئی سی سی کے مطابق بابراعظم ون ڈے اور ٹی 20 جبکہ انگلینڈ کے جو روٹ ٹیسٹ فارمیٹ کے بہترین بیٹسمین رہے، ون ڈے رینکنگ میں امام الحق دوسرے، ویرات کوہلی تیسرے جبکہ روہت شرما چوتھی پوزیشن پر رہے۔
ٹی 20 بیٹنگ رینکنگ کی پہلی2 پوزیشنز پر بھی پاکستانی بلے بازوں کا قبضہ ہے، پہلے نمبر پر بابراعظم دوسرے پرمحمد رضوان براجمان ہیں، ساؤتھ افریقہ کے ایڈن مرکرم اور ڈیوڈ ملان چوتھے نمبر پر رہے۔
ٹیسٹ فارمیٹ کی بیٹنگ رینکنگ میں جو روٹ نے آسٹریلیا کے مارنوس لابوشین کو پچھاڑتے ہوئے پہلی پوزیشن حاصل کی ، آسٹریلوی بلے باز تیسرے نمبر پر رہے جبکہ پاکستانی ٹیم کے کپتان بابراعظم چوتھی پوزیشن پر رہے، طویل عرصے تک اس رینکنگ میں پہلے نمبر پر رہنے والے ویرات کوہلی بدستور 10ویں پوزیشن پر رہے۔
آئی سی سی ون ڈے باؤلنگ رینکنگ میں آسٹریلوی باؤلرز نے پہلی تین پوزیشنز سنبھال رکھ ہیں، ٹرینٹ بولٹ پہلے، جوش ہیزل ووڈ دوسرے، میٹ ہنری تیسرے نمبر پر رہے جبکہ پاکستانی باؤلر شاہین آفریدی چوتھے نمبر پرر ہے۔
