جب پاکستان میں نیا نیا کمپیوٹر آیا تو میاں صاحب جیسے کسی گھامڑ شخص نے احباب پر رعب جھاڑنے کے لئے ایک کمپیوٹر خرید لیا، قریباً تین چار ماہ بعد جس کمپنی / دوکان سے کمپیوٹر خریدا تھا ، اسے فون کیا اور کہا کہ جی میرے کمپیوٹر کا کپ کیریئر خراب ہوگیا ہے، اسے بدل دیجئے، اب کمپنی والے حیران کہ یہ کونسا پرزہ ہے؟مذکورہ گھامڑ شخص بضد کہ کپ کیریئر کمپیوٹر میں لگا ہے، خیر کمپنی نے اپنا نمائندہ بھیجا تو بھید کھلا کہ موصوف سی ڈی روم کو بطور کپ کیرئیر استعمال کررہے تھے اور سی ڈی روم کا گیٹ کھول کر اس پر چائے / کافی کا کپ ٹکا لیا کرتے تھے، اب سی ڈی روم کا گیٹ کسی وجہ سے باہر نہیں نکل رہا تھا، تو انہوں نے کمپنی کو فون کر ڈالا، خیر کمپنی نے ان کا" کپ کیریئر "بدل دیا اور وہ پھر سے کام کرنے لگا۔
ویسے اگر میاں صاحب آپ کا یہ کمنٹ پڑھ لیں تو اپنے لئے میاں جی کا لفظ دیکھ کر خوشی سے نڈھال ہوجائیں گے:)۔
