روسی وزارت خارجہ کی ترجمان ماریہ زخارووا کا کہنا ہے کہ امریکا انتہائی بےشرمی کے ساتھ پاکستان کے اندرونی معاملات میں مداخلت کر رہا ہے۔ امریکا نے عمران خان پر دباؤ ڈالا کہ وہ دورہ روس منسوخ کریں مگر انہوں نے امریکی دباؤ کو مسترد کر دیا اور روس کا دورہ کیا۔
غیر ملکی میڈیا کےمطابق روسی وزارت خارجہ کی جانب سے دھمکی آمیز خط پر دیئے گئے ردعمل میں تحریک انصاف کی حکومت کے مؤقف کی تائید کی گئی ہے اور ترجمان ماریہ زخارووا نے کہا ہے کہ چونکہ عمران خان نے روس کا دورہ منسوخ نہیں کیا اس لیے امریکا نے عمران خان کو سزا دینے کا فیصلہ کیا تھا۔
https://twitter.com/x/status/1511167604777529344
انہوں نے کہا یہ یہی وجہ ہے کہ اچانک وزیراعظم پاکستان کے خلاف عدم اعتماد کی تحریک آ گئی ان کی جماعت اور اتحادیوں میں شامل ارکان کا ایک فارورڈ گروپ بن گیا جب کہ پاکستانی میڈیا پر بھی یہ بات سامنے آئی ہے کہ امریکا ان کی حکومت کے خلاف سازش کر رہا ہے خود عمران خان نے بھی متعدد بار اس کی نشاندہی کی ہے۔
روس کی جانب سے کہا گیا ہے کہ عمران خان نے واضح طور پر کہا تھا کہ ان کے خلاف ہونے والی سازش میں بیرونی طاقتوں کی جانب سے فنڈنگ کی گئی ہے۔ اسی مالی امداد کے نتیجے میں یہ سازش سامنے آئی ہے۔
واضح رہے کہ ترجمان وزارت خارجہ کا بیان کسی ملک کا پالیسی بیان ہوتا ہے لہٰذا ماریا زخارووا کا بیان انتہائی اہمیت کا حامل ہے موجودہ سیاسی تناظر میں بڑی اہمیت اختیار کر چکا ہے۔
