مسلم لیگ ن کے رہنما رانا ثناء اللہ سوشل میڈیا پر اسلام آباد ہائی کورٹ کے حوالے سے جعلی بیان اور بے بنیاد ریمارکس شیئر کرنے لگے۔
تفصیلات کے مطابق مسلم لیگ ن پنجاب کے صدر رانا ثناء اللہ نے سوشل میڈیا پر جاری اپنے ایک بیان میں کہا کہ چیف جسٹس اسلام ہائی کورٹ نے ایک سماعت کے دوران پی ٹی آئی کے وکیل سے استفسار کیا کہ آپ کے پاس دھاندلی کے کیا ثبوت ہیں؟
تحریک انصاف نے موقف اپنایا اور کہا کہ ہم نے میڈیا پر دیکھا کہ ہم جیت رہے ہیں۔
رانا ثناء اللہ نے کہا کہ اس موقع پر چیف جسٹس اسلام آباد ہائی کورٹ نے ریمارکس دیئے اور کہا کہ پھر عدالت کیوں آئے ہیں اس چینل کے مالک کے پاس جائیں تاکہ وہ آپ کی کامیابی کراوسکے، چیف جسٹس نے پی ٹی آئی کی درخواست خارج کردی۔
رانا ثناء اللہ کی جانب سے شیئر کیا گیا یہ بیان جعلی اور بے بنیاد ہیں جس کی توثیق سینئر صحافیوں اور سوشل میڈیا صارفین نے بھی کی۔ جس کے بعد ایکس نے بھی کمیونٹی نوٹ لگا دیا۔
طارق متین نے لکھا الیکشن ہارنے کے بعد یہ شخص خواتین صحافیوں کے خلاف گھٹیا مہم میں ملوث تھا اور اب یہ عدالت کے بارے میں جھوٹ بول رہا ہے۔ اسلام آباد میں معروف کورٹ رپورٹر ثاقب بشیر بھی اس بات کو آن ریکارڈ جھوٹ قرار دے چکے ہیں۔
عادل سعید عباسی نے کہا کہ صدر ن لیگ رانا ثناء اللہ چیف جسٹس اسلام آباد ہائی کورٹ سے منسوب کرکے جھوٹا اور بے بنیاد الزام چلارہے ہیں۔
ثاقب بشیر نے بھی اس خبر کو جعلی قرار دیا۔
صحافی سعید بلوچ نے کہا کہ رانا ثناء اللہ شکست کی وجہ سے شدید ڈپریشن کا شکار ہے، اسی لیے چیف جسٹس سے مبسوب جعلی خبریں چلارہے ہیں۔
ایک صارف نے رانا ثناء اللہ اور صحافی گل بخاری کی ایک جیسی ٹویٹس کا سکرین شاٹ شیئر کیا اور کہا کہ عوام یہ نا سمجھیں کہ ن لیگ پراپیگنڈہ کررہی ہے کیونکہ دونوں ٹویٹس میں ایک سائن کا فرق ہے۔
- Featured Thumbs
- https://www.siasat.pk/data/files/s3/3ransanajhotadawa.png
