الیکشن کمیشن نے گورنر خیبر پختونخوا کے الفاظ کے چناؤ پر برہمی کا اظہار کیا ہے۔ گورنر غلام علی نے سیکریٹری الیکشن کمیشن عمر حمید کو لکھے گئے خط میں پُرامن انتخابات کے انعقاد کے معاملے پر تیاری کرکے آنے کی ہدایت کی۔
ذرائع الیکشن کمیشن کے مطابق سیکرٹری کا کہنا ہے کہ گورنر کا کام ہے سپریم کورٹ کے فیصلے کی روشنی میں انتخابات کی تاریخ دیں نہ کہ احکامات دیں۔ امن و امان سے متعلق مشاورت متعلقہ حکام سے کرنی ہے نہ کہ گورنر خیبر پختونخوا سے۔
ذرائع ای سی پی کے مطابق الیکشن کمیشن آئینی ادارہ ہے، کسی سے احکامات نہیں لیتا، گورنر کو مشورہ ہے کہ وہ اپنا متعلقہ کام کریں۔
