پاکستان کے معروف اداکار و ہدایتکار سیفی حسن نے کراچی میں منعقدہ ایک تقریب میں کہا کہ پی ٹی وی ایسے ڈرامے دکھارہا ہے جن کا ہماری ثقافت سے تعلق نہیں ہے۔
انہوں نے کراچی آرٹس کونسل ميں جاری اردو کانفرنس میں بات کرتے ہوئے کہا کہ ہم نے اپنے ہیروز بنائے ہی نہیں ہم نے دوسروں کے ہیروز مستعار لیکر گانے بنائے جو تشدد پر مبنی تھے ایسے میں سیالکوٹ جیسے واقعات رونما ہوں گے۔
اداکار نے مزید کہا کہ ڈراموں کے ذریعے اقوام کی تربیت ہوتی ہے ٹی وی معاشرے کی تربیت کرتا ہے لیکن ہم نے ٹی وی سے بڑے غلط کام لیے۔
آرٹس کونسل میں جاری اردو کانفرنس کے تیسرے روز فنون لطیفہ کی صورتحال پر ہونے والے سیشن میں مزید اداکاروں نے شرکت کی جن میں اداکارہ بشریٰ انصاری ، بی گل، سیفی حسن اور ممتاز ادیب اصغر ندیم سید بھی شامل تھے۔
بشریٰ انصاری نے کہا کہ موجودہ ڈرامے اور فلم کے موضوعات کومایوس کن قراردیا، انہوں نے کہا کہ ماضی کی ترقی پسند ہیروئین اب ٹی وی پردکھائی نہیں دیتیں۔ اب بہت اچھے پڑھنے لکھنے والے نوجوان آگے آرہے ہیں، ہمارے دور میں ہم نے فنون و لطیفہ کی باقاعدہ تعلیم حاصل نہیں کی تھی لیکن آج کل کے نوجوان کو یہ سہولت حاصل ہے۔
سینئر اداکارہ نے مزید کہا کہ اگر اس نوجوان نسل کو موقع نہ ملا تو وہ گھبرا کر بیرون ملک بھاگ جائیں گے یا پھر مایوس ہوکر فیلڈ ہی بدل لیں گے۔ ہم جس سفر کے راہی ہیں اس میں ہم پر کافی دباؤ رہا ، آرٹ اور کلچر کو تھرڈ کلاس چیز کی طرح لیا گیا ہم آرٹ کے متوالے دباؤ شکار ہوتے رہے کمرشل ڈراموں سے کافی چیزیں بہتر ہوئی ہیں۔
ممتاز ادیب اصغر ندیم سید نے پاکستانی فلمی صنعت کی بدحالی کا ذمہ دار گزشتہ حکومتوں کو قرار دیا۔ ان کا کہنا تھا کہ فلم کے عروج کا ایک دور تھا لیکن تھیٹر ایسا میڈیم ہے جسے پھلنا پھولنا چاہیئے تھا لیکن بدقسمتی سے ایسا نہیں ہوا۔
- Featured Thumbs
- https://www.siasat.pk/data/files/s3/3safehassan.jpg
