پاکستانی نوجوان کی محبت میں گرفتار 50 سالہ جاپانی خاتون اپنی بیٹی کے ہمراہ شادی کے لیے پاکستان پہنچ گئیں۔
خبر رساں اداروں کے مطابق جاپانی خاتون حیاسا سائیکا اور سرگودھا کے 32 سالہ رضوان تین سال تک فیس بک پر ایک دوسرے سے رابطے میں رہے۔
حیاسا سائیکا کی یہ چوتھی شادی ہے۔ جاپانی خاتون نے اپنی کمسن بیٹی کے ساتھ اسلام قبول کیا اور اس کے بعد رضوان سے شادی کی۔ شادی کے لیے گھر میں سادہ تقریب کا انعقاد کیا گیا جس میں صرف قریبی رشتہ داروں نے شرکت کی۔
یاد رہے کہ یہ پہلا موقع نہیں کہ کوئی غیر ملکی لڑکی یا خاتون پاکستان نوجوان کے لیے یہاں آئی ہو۔ اس سے قبل 2018 میں امریکی خاتون پاکستانی لڑکے سے شادی کے لیے سیالکوٹ آئی تھی اس طرح سیالکوٹ کے رہائشی 21 سالہ کاشف کی امریکا کی 41 سالہ خاتون ہلینا سے سوشل میڈیا کے ذریعے دوستی ہوئی تھی جو بعد میں محبت میں بدل گئی۔
شادی کی تقریب میں دولہے کے والدین سمیت عزیز و اقارب نے شرکت کی تھی جب کہ امریکی خاتون نے شادی سے قبل باقاعدہ اسلام قبول کیا تھا۔
