پارلیمنٹ ہاؤس اسلام آباد کی عمارت کا نام تبدیل کرنے کا فیصلہ۔۔پارلیمانی کمیٹی کی تشکیل کیلئے سینیٹر عرفان صدیقی، تاج حیدر، منظور کاکڑ اور شبلی فراز کے نام تجویز: ذرائع
ذرائع کے مطابق چیئرمین سینٹ محمد صادق سنجرانی کی طرف سے وفاقی دارالحکومت اسلام آباد میں واقع پارلیمنٹ ہائوس کی عمارت کا نام تبدیل کرنے کا فیصلہ کیا گیا ہے جس کے لیے انہوں نے سپیکر قومی اسمبلی ورہنما پی پی پی راجہ پرویز اشرف کو خط لکھ دیا ہے۔ چیئرمین سینٹ نے سپیکر قومی اسمبلی کو اپنے خط میں کہ پارلیمنٹ ہائوس اسلام آباد کو قومی وثقافتی اقدار سے جوڑنے کے لیے نام تبدیل کیا جائے۔
چیئرمین سینٹ محمد صادق سنجرانی نے اپنے خط میں لکھا کہ پارلیمنٹ ہائوس کی عمارت کا نیا نام تجویز کرنے کیلئے پارلیمانی کمیٹی بنانے کا فیصلہ کیا گیا ہے۔ سینٹ کی طرف سے سینیٹر عرفان صدیقی، تاج حیدر، منظور کاکڑ اور شبلی فراز کے نام پارلیمانی کمیٹی کیلئے تجویز کیے گئے ہیں۔ سپیکر قومی اسمبلی سے خط میں درخواست کی گئی ہے کہ پارلیمانی کمیٹی تشکیل دینے کے لیے اراکین قومی اسمبلی کے نام تجویز کیے جائیں۔
پارلیمنٹ ہائوس کا نام تبدیل کرنے کیلئے تیاریاں بھی شروع کر دی گئی ہےچیئرمین سینٹ محمد صادق سنجرانی کا کا کہنا تھا کہ پارلیمنٹ ہائوس کی عمارت کو قومی و ثقافتی اقدام سے جوڑنے کیلئے نام تبدیل کرنا چاہتے ہیں۔
پارلیمانی کمیٹی کی تشکیل کیلئے سینٹ سے مختلف سیاسی جماعتوں کے سینیٹرز کا نام تجویز کیا گیا ہے اسی سلسلے میں سپیکر قومی اسمبلی کو خط لکھا ہے۔ پارلیمنٹ ہائوس کی عمارت کا نام بدلنے کیلئے تیاریاں شروع کر دی گئی ہیں۔
یاد رہے کہ اسلام آباد میں پارلیمنٹ ہاؤس کی عمارت کا افتتاح 28 مئی 1986ء کو گیا گیا تھا جسے تعمیر ہونے میں 11 برس لگ گئے تھے۔ پارلیمنٹ ہائوس کی عمارت کو امریکہ سے تعلق رکھنے والے ماہر تعمیرات ایڈورڈ ڈورل سٹون نے ڈیزائن کیا تھا۔5 منزلہ عمارت میں بینک، ریستوران، پی آئی اے ریزرویشن آفس، ڈاک وٹیلی گراف آفس اور 450 نمازیوں کی گنجائش رکھنے والی مسجد موجود ہے۔