بھارت کی جانب سے افغانستان کو شکست تو توجہ کا مرکز بنی ہوئی ہے، لیکن بھارتی کھلاڑی رویندرا جڈیجا کا کیچ بھی کسی سے کم نہیں تھا، سوشل میڈیا پر وائرل ویڈیو میں رویندرا جڈیجا کے کیچ کی دھوم مچی ہے، جسے کیچ آف دی ٹورنامنٹ کہا جارہاہے۔
افغانستان سے میچ کے دوران بھارتی کرکٹر نے کافی فاصلے سے بھاگ کر آتے ہوئے کیچ کیا،جس کو بھرپور داد دی گئی تاہم ٹی وی امپائر نے فیصلے پر نظرثانی کی اور اسے ناٹ آؤٹ قرار دیا،امپائر کے فیصلے پر خوب تبصرے جاری ہیں۔
دیگرممالک کے کھلاڑی سیم بلنگز، ڈیل اسٹین، اسٹورٹ براڈ اور مچل میکلینگن سمیت سب ہی پریشان ہیں،امپائر کے فیصلے پر حیرانی کا اظہار کررہے ہیں۔
کھلاڑیوں کا کہنا ہے کہ کیچ کو آؤٹ قرار دینا چاہئے تھا، اس طرح تو تھرڈ امپائر نے جڈیجا سے کیچ آف دی ٹورنامنٹ کا اعزاز چھین لیا ہے۔
ویڈیو لنک
ٹی ٹوئنٹی ورلڈ کپ میں بھارت کو افغانستان کو شکست دے کر پہلی کامیابی ملی تھی، جس کے حوالے سے کہا جارہاہے کہ میچ فکسڈ تھا،جبکہ سوشل میڈیا کی جانب سے بھی بھارت کو خوب آڑے ہاتھوں لیا گیا تھا، صارفین کا کہنا تھا کہ افغانستان کی ٹیم نے میچ فکسنگ کے ساتھ ناقص کارکردگی دکھائی۔