کچھ روز قبل حمزہ عباسی نے منصور علی خان کو انٹرویو دیا جس پر انہیں شدید تنقید کا سامنا کرنا پڑا۔۔
اپنے بیان میں انہوں نے کہا کہ نو مئی غلط تھا، لانگ مارچ نہیں ہونے چاہئیں، 2014 کا بھی لانگ مارچ نہیں ہونا چاہئے تھا۔
انہوں نے مزید کہا کہ سیاست میں حق اور باطل کے معرکے نہیں ہوتےیا صحیح اور غلط کی جنگ ، سیاست میں ایسا نہیں ہوتا، ایجی ٹیشن نہیں ہونی چاہئے،خان صاحب کی ن لیگ کے خلاف کنفنٹریشن غلط تھی۔
حمزہ عباسی نے یوٹیوبرز کو بھی تنقید کا نشانہ بنایا اور کہا کہ یوٹیوب پر کچھ لوگ پیسوں کیلئے خان صاحب سے متعلق غیر حقیقی باتیں کررہے ہوتے ہیں۔
حمزہ علی عباسی کو اپنے اس بیان پر پی ٹی آئی کے حامیوں کی جانب سے شدید ردِ عمل کا سامنا کرنا پڑا، جس پر انہیں اب ایک بیان جاری کر کے وضاحت دینی پڑ گئی۔
مائیکرو بلاگنگ پلیٹ فارم ایکس (سابق ٹوئٹر) پر ایک پوسٹ کرتے ہوئے ادکار نے لکھا کہ کچھ سوشل میڈیا پلیٹ فارمز نے میرے انٹرویو کو سیاق و سباق سے ہٹ کر پیش کیا اور یہ تاثر دیا ہے کہ میں نے عمران خان کے خلاف کوئی بیان دیا ہے۔
حمزہ عباسی نے مکمل انٹرویو کا یوٹیوب لنک شیئر کرتے ہوئے مزید کہا کہ یہ سراسر غلط ہے۔ براہ مہربانی مکمل انٹرویو دیکھیں تاکہ آپ خود جان سکیں کہ میں نے اصل میں کیا کہا تھا
اس کلپ میں حمزہ عباسی نے 8 فروری الیکشن، پی ٹی آئی احتجاج، 190 ملین پاؤنڈ کیس، عمران خان کی قیدو بند کی صعوبتوں پر بات کی۔
انہوں نے کہا کہ 8 فروری کو تحریک انصاف کیساتھ بالکل دھاندلی ہوئی ہے۔تحریک انصاف کو احتجاج کا پورا حق ہے لیکن احتجاج پرتشدد نہیں ہونا چاہئے۔
Last edited by a moderator:
