لاہور: اسپیکر پنجاب اسمبلی چودھری پرویز الہٰی نے کہا کہ بلدیاتی انتخابات میں ہمارا مقابلہ عوام کے حقوق پر ڈاکہ ڈالنے والوں سے ہے، پاکستان مسلم لیگ پورے پنجاب سے بلدیاتی انتخابات میں حصہ لے گی۔
تفصیلات کے مطابق پاکستان مسلم لیگ ق کے سربراہ چودھری پرویز الہٰی کا بڑا بیان سامنے آ گیا۔ پاکستان مسلم لیگ ق کے سربراہ چودھری پرویز الٰہی نے بلدیاتی انتخابات کے حوالے سے جماعتی وفد سے ملاقات کی ۔ملاقات کے بعد سپیکر پنجاب اسمبلی کا کہنا ہے کہ بلدیاتی انتخابات میں ہمارا مقابلہ عوام کے حقوق پر ڈاکہ ڈالنے والوں سے ہے، پاکستان مسلم لیگ پورے پنجاب سے بلدیاتی انتخابات میں حصہ لے گی۔
چودھری پرویز الٰہی کا کہنا تھا کہ بلدیاتی نظا م عوامی خدمت کا سب سے زیادہ موثر نظام ہے جس میں عوام کے بنیادی مسائل ان کے گھر کی دہلیز پر حل کر دیئے جاتے ہیں۔ چودھری پرویز الہی نے ن لیگی قیادت کے فوج مخالف بیانات کو ملکی سلامتی کیلئے خطرہ قرار دیتے ہوئے کہا کہ جس پارٹی کا سربراہ ملک، فوج کے خلاف عزائم رکھتا ہو وہ ملک کاخیر خواہ کیسے ہو سکتا ہے، انہوں نے کہا کہ ایسے بیانات سے فوج کا مورال ڈاؤن ہوگا۔
http://gnnhd.tv/urdu/index.php/Pakistan/16339-1601146800