مسلم لیگ ن کےقائد میاں نواز شریف کی تقریر ٹی وی چینلز پر براہ راست نشر ہونے پر سوشل میڈیا صارفین نے سوالات اٹھاناشروع کردیئےہیں۔
تفصیلات کےمطابق مسلم لیگ ن کے قائد میاں نواز شریف نے ملک میں سیلاب متاثرین کی امداد کے حوالے سے اہم ویڈیو خطاب کیا جسے پاکستان ٹیلی ویژن سمیت تمام ٹی وی چینلز نے براہ راست نشر کیا گیا، سوشل میڈیا صارفین نےنواز شریف کی ٹی وی پر واپسی کے حوالےسے ردعمل دیتے ہوئے کہا ہے کہ لگتا ہے اندرون خانہ کوئی ڈیل طےپاگئی ہے۔
کچھ صارفین نے عمران خان کی تقاریر براہ راست نشر کرنےپر پابندی اور نوازشریف کی تقریر نشر کرنے کے اس اقدام کو بھی تنقید کا نشانہ بنایا۔
پاکستان تحریک انصاف کےآفیشل ٹویٹر ہینڈل سے جاری کردہ بیان میں کہا گیا ہے کہ " پاکستان کی عدالتوں سے جھوٹ بول کر مفرور مجرم نواز شریف کے خطاب پر تو پابندی تھی، کب اور کیسے ختم ہوئی کسی کو معلوم نہیں, اور دوسری جانب عمران خان کی لائیو تقاریر پر پابندی لگا رکھی ہے"۔
پی ٹی آئی کی جانب سے جاری کردہ بیان میں مزید کہا گیا کہ ایسا کرنے سے قوم نوازشریف جیسے بزدل بھگوڑے کو لیڈر نہیں مان لے گی۔
پی ٹی آئی کی جانب سے دوسرے بیان میں کہا گیا پاکستان کی عدالتوں سے جھوٹ بول کر پاکستان سے مفرور سزا یافتہ مجرم کو عوام کے پیسے سے چلتے سرکاری ٹی وی پر کوریج دی جا رہی ہے۔
صحافی سیف اعوان نے کہا کہ آج عمران خان کی تقریر دکھانے پر پابندی ہےجبکہ نواز شریف کی تقریر براہ راست دکھائی جارہی ہے، وقت بدلتےدیر نہیں لگتی۔
نجی ٹی وی چینل کےاینکر علی ممتاز نے انکشاف کیا کہ میاں نواز شریف کی سکرین پے واپسی۔لگتا ہے معاملات طے ہو گئے۔دوسری طرف عمران خان کو دیوار سے لگایا جا رہا ہے۔
انہوں نے مزید کہا کہ اگر پی ٹی وی واقع قومی چینل ہے تو کل عمران خان کی سیلاب متاثرین کے کیے ٹیلی تھون کو براہ راست نشر کرے۔
دنیا نیوزاسلام آباد کے بیورو چیف عدیل وڑائچ نے لکھا کہ نواز شریف کی تقریر دکھانے پرتو پابندی تھی؟ یہ کب اورکیسے ختم ہوئی؟ کسی کو معلوم نہی، اس عمل سے عمران کا کیس مضبوط ہوگا۔
ولید اکبر نیازی بولےکہ عدالتی مفرور کے خطاب پر پابندی لگائ گئ تھی اور آج انہیں نیشنل ٹی وی پر دکھایا جا رہا۔۔ یہ کیسی ریاست ہے؟ یہاں کیسے قانون ہیں؟ یہاں عدل کے کیا میعار ہیں؟
ارسلان بلوچ نامی صارف بولے کل اسلام آباد ہائی کورٹ میں خان صاحب کی لائیو تقریر پر پابندی کے معاملے پر،نواز شریف کی تقریر کی لائیو کوریج کی ویڈیو لازمی پیش کریں۔
سعید بلوچ نے کہا کہ اگرنواز شریف کی تقریر پر عائد پابندی عدالت نےختم نہیں کی تویہ کیایہ عدالتی حکم کی خلاف ورزی نہیں؟عدالت سےمفرورایک اشتہاری جس نےفوج اوراس کےاعلیٰ افسران کےخلاف ہرزہ سرائی کی اسکی تقریرسرکاری ٹی وی لائیو چل رہی ہے۔