گزشتہ روز دعویٰ کیا گیا تھا کہ عمران خان کو اڈیالہ جیل میں بی کلاس کی سہولیات دی گئی ہیں اور انہیں مشقتی کی سہولت بھی دیدی گئی ہے جبکہ جیل میں انہیں کولر، میٹرس، میز بھی دیدیا گیا ہے
لیکن تحریک انصاف کے وکلاء نے جیل حکام کے دعوے کو غلط قرار دیا ہے انہوں نے کہا کہ جو دعوے کئے گئے ہیں وہ جھوٹ پر مبنی ہیں، عمران خان کو اڈیالہ جیل میں اٹک جیل سے بھی تنگ سیل میں رکھا ہوا ہے۔
نعیم پنجوتھہ نے کہا کہ عمران خان صاحب سے اڈیالہ جیل میں ملاقات ہو گئی ہے،پہلے سے زیادہ مضبوط اور حوصلے بلند نظر آۓ۔
انہوں نے مزید کہا کہ ان کو ایک چھوٹے سیل میں رکھا گیا ہے،بہتر کلاس کے حوالے سے غلط خبر چلائی گئی جس کا حقیقت سے کوئی تعلق نہیں،اس سیل سے باہر نکلنے کی اجازت نہیں،والک پر پابندی ہے،لیکن انہوں نے کہا ہے جب مقصد آزادی ہو تو تو فرق نہیں پڑتا.ڈٹ کے کھڑا ہے آپ کا کپتان.
عمران خان کے وکیل علی اعجاز بٹر نے کہا کہ عمران خان صاحب سے لیگل ٹیم کی اڈیالہ جیل میں ملاقات ہوئی ہے، خان صاحب کو اٹک جیل سے بھی بُری صورتحال میں رکھا گیا ہے ، اٹک جیل سے بھی چھوٹا سیل ہے ، نہ والک کرنے کی اجازت ہے نہ کوئی جگہ ہے لیکن خان صاحب نے کہا ہے کہ میرا مقصد اس قوم کی حقیقی آزادی ہے لہذا اس سے فرق نہیں پڑتا۔
انتظار پنجوتھہ کا کہنا تھا کہ عمران خان کو اڈیالہ میں سی کلاس میں رکھا گیا ہے جہاں پر چہل قدمی تک پر پابندی لگی ہوئی ہے، عمران خان نے اپنے لیے پہلی سہولت چہل قدمی کی اجازت مانگی ہے عمران خان کو جس حال میں رکھا جا رہا ہے ان کو جان کو شدید خطرہ ہے
- Featured Thumbs
- https://www.siasat.pk/data/files/s3/ik-adial1h1h1i1.jpg
