مسلم لیگ ن کے سینئر رہنمارانا تنویرحسین نے کہا ہے کہ ووٹنگ سے ایک روز قبل سرپرائز دینے سے متعلق وزیراعظم عمران خان کا بیان سوائےوقت حاصل کرنے کی کوشش کے اور کچھ نہیں ہے۔
ہم نیوز کے پروگرام" بریکنگ پوائنٹ ود مالک" میں خصوصی گفتگو کرتے ہوئے رانا تنویرحسین کا کہنا تھا کہ وزیراعظم کے اس بیان کے بعد اسلام آباد اور پورے میڈیا میں اسی بیان پر بحث ہورہی ہے، اگر بغور جائزہ لیا جائے تو آئین و قانون کی رو سے وزیراعظم قومی اسمبلی میں اپنےاراکین کااعتماد کھو چکے ہیں۔
انہوں نے مزید کہاکہ وزیراعظم کوشش کررہےہیں کہ بچ جائیں اور اگر ووٹنگ تک ان کا کسی نے ہاتھ نہ پکڑا تو پھر وہ استعفیٰ دیدیں گے اس کے علاوہ ان کے پاس کوئی اور آپشن نہیں ہے۔
پروگرام کے میزبان نے جواب دیتےہوئے کہا کہ یہ تو آپ کو بھی معلوم ہے کہ جس قسم کے عمران خان انسان ہیں انہوں نے استعفیٰ نہیں دینا وہ آخری گیند تک لڑیں گے،ان کےمخالفین جانتے ہیں کہ عمران خان کو ہارمنوانا کتنا مشکل ہے۔
رانا تنویر نے پروگرام کے دوسرے حصے میں شہباز شریف کی جانب سے ڈیفنس مضبوط کرنے سے متعلق بیان پر وضاحت کرتے ہوئے کہا کہ ہماری جماعت کی جتنی بار بھی حکومت آئی ہے ہم نے دفاع کو مضبوط کیا ہے، اس ادارے سے متعلق ن لیگ کا نظریہ اور سوچ بالکل واضح ہے کہ یہ ایک بہت اہم ادارہ ہے جس کا موجودہ حالات میں بہت سے ملکی معاملات میں اہم رول بھی ہے۔
- Featured Thumbs
- https://www.siasat.pk/data/files/s3/ik-supr1i11.jpg
