وفاقی وزیر برائے امور کشمیر علی امین گنڈا پور کے بھائی عمر امین گنڈا پور کی نااہلی کے فیصلے کے خلاف وفاقی وزراء بول اٹھے ہیں اور فیصلے کو عدالت میں چیلنج کرنے کا اعلان بھی کردیا ہے۔
مائیکروبلاگنگ ویب سائٹ ٹویٹر پر وفاقی وزیر فواد چوہدری نے اپنے ایک بیان میں اس فیصلے پر ردعمل دیتے ہوئے کہا کہ ڈیرہ اسماعیل خان میں مولانا فضل الرحمان کو شکست کا سامنا تھا ایسے میں تحریک انصاف کے امیدوار کو نااہل قرار دیدیا گیا وہ بھی اس بنیاد پر کہ ان کا بھائی انتخابی مہم چلارہا تھا۔
انہوں نے مزید کہا کہ ایسے فیصلے الیکشن کمیشن کو متنازعہ بناتے ہیں ہم اس فیصلے کو سپریم کورٹ میں چیلنج کریں گے۔
وزیراعظم عمران خان کے معاون خصوصی ڈاکٹر شہباز گل کا کہنا تھا کہ علی امین گنڈا پور کے بھائی عمر امین گنڈاپور کی نااہلی کا 12 صفحات میں کوئی واضح ثبوت عمر امین پر پڑھنے کو نہیں ملا۔
انہوں نے مزید کہا کہ اس طرح کے حالات میں اس قدر سخت سزا سمجھ میں نہ آنے والی چیز ہے۔ ہم عمر امین کے بارے الیکشن کمیشن کے فیصلے کو سپریم کورٹ آف پاکستان میں اپیل دائر کر کے چیلنج کریں گے۔
یادرہے کہ الیکشن کمیشن آف پاکستان نے وفاقی وزیر علی امین گنڈا پور کے بھائی اور ڈیرہ اسماعیل خان سے تحریک انصاف کے بلدیاتی امیدوار عمر امین گنڈا پور کو ضابطہ اخلاق کی خلاف ورزی پر نااہل قرار دینے کا فیصلہ سنایا تھا۔
- Featured Thumbs
- https://www.siasat.pk/data/files/s3/12fawadgillresgandpur.jpg
