گلوکار و موسیقار عدنان سمیع خان کو اعلیٰ ترین بھارتی سول ایوارڈ ’پدما شری‘ سے نواز دیا گیا۔
تفصیلات کے مطابق 8 نومبر کو صدارتی محل میں ہونے والی تقریب میں بھارتی صدر رام ناتھ کووند نے ملک کی 73 شخصیات کو اعلیٰ ایوارڈز سے نوازا جن میں پاکستانی شہریت چھوڑ کر بھارتی قومیت اختیار کرنے والے گلوکار و موسیقار عدنان سمیع خان کو بھی اعلیٰ سول ایوارڈ سے نوازا۔
بھارتی حکومت کی جانب سے 4 شخصیات کو اعلیٰ ترین ایوارڈ پدما وبھوشن، 8 افراد کو اعلیٰ ترین ایوارڈ پدما بھشن اور 61 شخصیات کو اعلیٰ ترین ایوارڈ پدما شری سے نوازا گیا۔
بھارتی میڈیا کے مطابق پدما شری ایوارڈ کی تقریب میں بھارتی وزیراعظم نریندر مودی سمیت دیگر اعلیٰ حکومتی شخصیات اور وزرا نے شرکت کی۔
بھارتی صدر سے ایوارڈ حاصل کرنے والوں میں گلوکار عدنان سمیع کے علاوہ اداکارہ کنگنا رناوت، کرن جوہر اورایکتا کپورکو بھی شامل ہیں۔
