اسلام آباد ہائیکورٹ کا شہر اقتدار کی مصروف شاہراہ آبپارہ میلوڈی روڈ فوری کھولنے کا حکم
اسلام آباد ہائیکورٹ نے شہر اقتدار کی مصروف شاہراہ آبپارہ میلوڈی روڈ فوری کھولنے کا حکم دے دیا،وفاقی دارالحکومت میں سڑکوں کی بندش کے خلاف کیس کی سماعت جسٹس محسن اختر کیانی نے کی،
درخواست گزار کے وکیل کے بتایا کہ لال مسجد کے باہر روڈ بھی بند ہے،ڈپٹی کمشنر نے کہا کہ مولانا صاحب کا مدرسہ ہے، ان کے شاگرد اکثر احتجاج کے طور پر سڑک بلاک کردیتے ہیں،عدالت کے استفسار پر پر ڈی سی عرفان نواز نے مذاکرات کے ذریعے مسئلہ حل کرنے کی تجویز دی۔
جسٹس محسن اختر کیانی نے برہمی کا اظہار کرتے ہوئے یمارکس دیئے کہ پھربھارت،افغانستان، اسرائیل سے بھی مذاکرات کر لیں وہ معاملہ بھی حل ہو جائے،جائیں اور جا کر لال مسجد کے باہر کی روڈ کھولیں۔
جسٹس محسن اختر کیانی نے کہا کہ اپنے حقوق کے لیے پبلک اپنے نمائندوں کے پاس جائے، وکیل نے کہا کہ قانون سب کے لیے ہو صرف چند لوگوں کے ہاتھوں یرغمال نہیں بننا چاہیے، جس پر عدالت نے ریمارکس دیےکہ ابھی تو چند افراد کے مطابق ہی چل رہا ہے گراؤنڈ ریئلٹی یہی ہے ،عدلیہ بحال ہو کے بھی وکیلوں کے ہاتھوں قید ہے، سڑکوں کی بندش سے متعلق حکم جاری کریں گے۔