وفاقی وزیر دفاع خواجہ محمد آصف نےکہا ہےکہ طالبان کا مسئلہ صرف خیبر پختونخوا کا نہیں بلکہ پورے ملک کا ہے، تحریک طالبان پاکستان کا خطرہ بڑھ رہا ہے۔
تفصیلات کےمطابق خواجہ آصف نے یہ بیان قومی اسمبلی میں خطاب کرتےہوئے دیا اور کہا کہ تحریک طالبان کے معاملےپرپارلیمان کو 2 بار بریفنگ دی گئی، ٹی ٹی پی سےبات چیت چل رہی ہے مگر خطرہ بڑھ رہاہے، خیبر پختونخوا میں حالات خراب ہورہےہیں۔
انہوں نے مزید کہا کہ گزشتہ دور حکومت میں عمران خان نے تحریک طالبان کو ویلکم کیا تھا ، اس وقت کےپی کےمیں تحریک طالبان کے خلاف مظاہرے ہورہے ہیں، دیر اور سوات کے علاقوں میں تحریک طالبان کے خلاف جلوس نکالے جارہےہیں۔
وزیر دفاع نے کہا کہ دو ہفتےسے پاک افغان غلام خان کراسنگ پوائنٹ بند ہے، سرحد پرشہری کی ہلاکت پر دونوں جانب سرد مہری دیکھی جارہی ہے، دونوں جانب کی ٹینشن کو حل کرنے کی کوشش کررہے ہیں، یہ پاکستان کا لوکل مسئلہ ہےجس کو حل کرنے کی طرف بڑھ رہے ہیں۔