قومی ٹیم کے سابق کپتان محمد حفیظ نے ملک کی موجودہ سیاسی صورتحال پر لاہور میں شہریوں کو پیش آنے والی مشکلات کے حوالے سے وزیراعظم شہبازشریف سمیت تمام سیاسی رہنماؤں سے سوال کیا ہے۔
حفیظ نے سماجی رابطے کی ویب سائٹ ٹوئٹر پر جاری بیان میں شہباز شریف، عمران خان، مریم نواز اور بلاول بھٹو زرداری کو ٹیگ کیا اورلکھا کہ "لاہور کے کسی پٹرول پمپ پر پٹرول دستیاب نہیں اور اے ٹی ایم مشینوں پر پیسے نہیں ہیں"۔
انہوں نے سوال اٹھایا کہ 'عام آدمی کو سیاسی فیصلوں کا خمیازہ کیوں بھگتنا پڑتا ہے؟۔
یاد رہے کہ حکومت نے تحریک انصاف کے لانگ مارچ کو روکنے کا فیصلہ کیا ہے جس کےتحت پنجاب سے اسلام آباد جانے والے تمام راستے سیل ہیں جب کہ ملک بھر میں پی ٹی آئی رہنماؤں کے گھروں پر بھی چھاپے مارے گئے ہیں۔
دوسری طرف لاہور میں آج پیٹرول کی سپلائی نہ ہونے کی وجہ سے شہر میں پیٹرول کی قلت ہے جب کہ لاہور سمیت پنجاب کے ساڑھے 3 سو سے زائد علاقوں میں آج موبائل فون سروس بھی بند رکھنے کا کیا گیا ہے۔