سپریم کورٹ پریکٹس اینڈ پروسیجر قانون میں ترمیم، کیا سب کچھ آڑٹیکل 63اے فیصلے کو ختم کروانے کیلئے ہورہا ہے؟
سپریم کورٹ پریکٹس اینڈ پروسیجر قانون میں ترمیم کے حوالے سے صحافیوں نے اہم سوالات اٹھادیئے ہیں، صحافیوں کا کہنا ہے کہ یہ سب کچھ آرٹیکل 63 اے فیصلے کے خلاف نظر ثانی درخواست کو مقرر کروانے کیلئے ہورہا ہے۔
سماجی رابطے کی ویب سائٹ ایکس پر متعدد کورٹ رپورٹرز اور سینئر صحافیوں نے سپریم کورٹ پریکٹس اینڈ پروسیجر قانون میں ترمیم کے معاملے کو آرٹیکل 63 اے پر نظر ثانی کی درخواست سے جوڑا ہے۔
صحافی فہیم اخترملک نے کہا کہ یہ معاملہ آرٹیکل 63 اے پر نظر ثانی درخواست کو مقرر کروانے کا ہے تاکہ سابقہ فیصلے کو ختم کرواکے فلور کراسنگ کا راستہ ہموار کروایا جائے اور پی ٹی آئی کے لوگ توڑ کر مولانا فضل الرحمان کے بغیر ہی آئینی ترامیم منظور کروالی جائیں ۔
انہوں نے اپنی دوسری ٹویٹ میں کہا کہ سپریم کورٹ پریکٹس اینڈ پروسیجر آرڈیننس میں کمیٹی سے جسٹس منیب اختر کو مائنس کیاجارہا ہے، کیسز مقرر کرنے والی کمیٹی میں چیف جسٹس قاضی فائز عیسیٰ، جسٹس منصور علی شاہ اور تیسرا چیف جسٹس کی مرضی کا جج شامل ہوگا تاکہ دو ایک سے فیصلے ہوسکیں۔
صحافی محمد عمیر نے کہا کہ سپریم کورٹ کی تین رکنی کمیٹی کو تبدیل کرکے سب سے پہلے آرٹیکل 63 اے کا کیس لگایا جائے گا، دوسرا کام الیکشن کمیشن سے مخصوص سیٹوں کا نوٹیفکیشن کروایا جاسکتا ہے، ان دونوں کاموں کے بعد سینیٹ و قومی اسمبلی سے ترامیم منظور کروانا چند منٹوں کا کھیل ہوگا۔
صحافی احمد وڑائچ نے کہا کہ پریکٹس اینڈ پروسیجر ایکٹ میں تبدیلی کے بعد ججز کمیٹی کا اجلاس ہوگا، کمیٹی میں مرضی کا ایک جج شامل کرکے 63 اے کی تشریح والے کیس کیلئے مرضی کا بینچ تشکیل دیا جائے گا تاکہ پارلیمان میں ووٹ پورے ہوسکیں اور دوسری جانب الیکشن کمیشن حکومت کو مخصوص نشستیں دے دے گا۔
دوسری ٹویٹ میں احمد وڑائچ نے کہا کہ لگتا ہے حکومت نے مولانا اور پی ٹی آئی کے بغیر ہی ترامیم منظور کروانے کا ارادہ ہے، قومی اسمبلی میں حکومت کو مخصوص نشستیں دے کر دوتہائی اکثریت پوری کروائی جائے گی۔
صحافی وسیم ملک نے کہا کہ کمیٹی تحلیل کرکے اختیارات واپس چیف جسٹس کو دینے کی ایک یہی وجہ ہوسکتی ہے کہ حکومت الیکشن کمیشن کی ملی بھگت سے آئین پر غیر آئینی طریقے سے حملہ آور ہوا جاسکے اور اس عمل کو قاضی فائز عیسیٰ مکمل تحفظ فراہم کریں گے۔
- Featured Thumbs
- https://www.siasat.pk/data/files/s3/prichiah113.jpg
