سندھ ہائی کورٹ نے نجی خبررساں ادارےاے آروائی نیوز کے این او سی منسوخی کے نوٹیفکیشن کو معطل کردیا ہے۔
تفصیلات کے مطابق سندھ ہائی کورٹ میں حکومت کی جانب سے اے آروائی نیوز کے این او سی منسوخی کے نوٹیفکیشن کو چیلنج کیےجانے سے متعلق درخواست پرسماعت ہوئی، عدالت نےفوری طور پر نوٹیفکیشن پر عمل درآمد روکتےہوئےفریقین کو 17اگست کیلئےنوٹسز جاری کردیئے ہیں۔
دوران سماعت اےآروائی نیوز کےوکیل بیرسٹرا یان نے دلائل دیتے ہوئے کہا کہ چینل قواعد وضوابط کےتحت کام کررہا ہے، نوٹیفکیشن کے معطل ہونے کےبعد چینل کی نشریات فوری طور پر بحال ہونی چاہیے،سندھ ہائی کورٹ پہلے ہی نشریات بحالی کا حکم دے چکی ہے، اگر پیمرا نے نشریات بحال نا کی تو توہین عدالت کی درخواست دائر کریں گے۔
واضح رہے کہ گزشتہ روز وفاقی وزرت داخلہ نے اے آروائی نیوز کااین اوسی سیکیورٹی کلیئرنس نا ملنے کی وجہ کو بنیاد بنا کر منسوخ کردیا تھا، اس فیصلے کا نوٹیفکیشن بھی جاری کردیا گیا تھا جس میں کہا گیا تھا کہ اےآروائی نیوزسے متعلق ایجنسیوں نے ناسازگار رپورٹ پیش کی ہےجس کی بنیاد پر چینل کا این او سی آئندہ احکامات تک کیلئے منسوخ کیا جارہا ہے۔
- Featured Thumbs
- https://www.siasat.pk/data/files/s3/7ayrusindgnpcmujhahukm.jpg
