وفاقی حکومت نے سرکاری افسران کی تعیناتی یا ترقی کیلئے انٹرسروسزایجنسی(آئی ایس آئی) کو اہم اختیار دیدیا ہے۔
خبررساں ادارے کی رپورٹ کے مطابق وزیراعظم شہباز شریف نے سرکاری افسران ، بیوروکریٹس کی تعیناتی و ترقی کو آئی ایس آئی کی رپورٹ سے مشروط کرنے فیصلے کی منظوری دیدی ہے، اس فیصلے کا نوٹیفکیشن بھی جاری کردیا گیا ہے۔
اسٹیبلشمنٹ ڈویژن کی جانب سے جاری کردہ نوٹیفکیشن کے مطابق حکومت نے آئی ایس آئی کو اسپیشل ویٹنگ ایجنسی کا اسٹیٹس بھی دیدیا ہے جس کا مطلب ہے کہ اب سرکاری محکموں میں افسران کی تعیناتی یا ترقی کیلئے آئی ایس آئی کی رپورٹ اہم کردار ادا کرے گی۔
نوٹیفکیشن میں مزید کہا گیا ہے کہ اب آئی ایس آئی تمام سرکاری محکموں کے افسران کی سکریننگ کرے گی اور ان افسران کی حکومتی عہدوں پر ترقی یا تعیناتی سے قبل یہ اسکریننگ رپورٹ پیش کرے گی، افسران کی ترقی و تعیناتی اسی رپورٹ سےمشروط کردی گئی ہے۔
حکومتی ذرائع کے مطابق اس فیصلے کا مقصد بیوروکریٹس کی سکروٹنی ہے۔